1 YOANƐ 3:8 - WE NU GALE 1995

⁸ Nɛ wi kɛ a 'bana tɛ dɛ 'dã mɔ fai ni, a a wi 'da Satana. Mba gɔ, Satana ndua zɛ́ dɛ 'dã mɔ yolo do gulu. Nɛ nde Be 'da Gale tɛa we gbɛ dɛa to 'da Satana.

1 YOANƐ 3:8 Iomraidhean Croise

Ndo Nyanga Dɛ Mɔ 3:15

Mi fi sɛ sɛnɛmɔ sanga mɔ do wuko, sanga obe zã mɔ do obe zã a, nɛ obe zã a wa ma sɛ zu mɔ, nɛ mɔ nyɔngɔ sɛ tɛ mɛ 'bɔ timili nyanga wa.”

Ezai 27:1

Do ngba soe ni, NWA Gale a ba sɛ du kɔya 'da a, kɛ ma nganda wena, nɛ nu nɛ tɔ̃a wena ni. Nɛ a gbɛ sɛ gba sɔ̃ sa'de li a Leviatanɛ, do gba sɔ̃ gɔ̃ɛ kɛ a gu wena, do gba sɔ̃ sa'de kɛ a ɔ 'dɔ lì 'di ni.

Tɔlɔ Mɔ 21:9

Mɔizɛ dula gɔ̃ tũ mɔ bole ni, nɛ a e ma zu te. Kɔ fala kɛ gɔ̃ gɔmɔ zi wele, hã a ka mɔ tɛ gɔ̃ tũ mɔ bole ni, nɛ a kpasa.

MATIE 12:28

Gbãlã we, mi ndaka o'dã hi winɔ kɔ wi ni do ngawi 'da Hi Wi 'da Gale. Ki ni ma be na, Gale ndua dɛa to nwa 'da a ngɔ nù gɛ ia.

MATIE 13:38

Nɛ fɔɛ, mɛ a nùi gɛ. Nɛ dia kpalɛ, wi a Owi kɔ le nwa 'da Gale. Nɛ 'dã wɔkɔsɛ, wi a owinɔ 'da Satana.

MATIE 4:3

Nɛ Satana hɔa, nɛ a tɔ̃ hã a na: “Fala kɛ mɔ a Be 'da Gale kpaa nde, nɛ mɔ tɔ̃́ hã otanɔ gɛ, kɔ ma kifi nyɔngɔmɔ, hã mɔ nyɔngɔ.”

MARKO 1:24

“Yezu wi Nazarɛtɛ, mɔ nɛ dɛ do lɛ nɛ nde? Mɔ tɛa we gbɛ lɛ gbɛa nde? Mi ĩ ti mɔ de wena. Mɔ a santo kɛ Gale a tumba mɔ!”

LUKA 10:18

Nɛ Yezu gese hã wa na: “Mi zɔa zi Satana, nɛ nde a yula li nza i, kɔ a tɛ te dɛ nù nga ɔ nɛ nyɛa li kolo ni.

YOANƐ 12:31

Ngangga ni, Gale nɛ 'bili we 'da winɔ ngɔ nù gɛ, nɛ a ndaka sɛ Satana, nwa ngɔ nùi gɛ do'do.

YOANƐ 16:11

Wa ĩ̀ ti gulu 'bili we 'da Gale gɔ, we kɛ Gale 'bili we 'da Satana, nwa ngɔ nùi gɛ ia.

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

ROMA 16:20

Gale, wele gɛa sila kɔlɔ fala gbɛ ngawi 'da Satana ia, nɛ a e sɛ a do ti nyanga nɛ. E kɔ dia zã 'da Nwa 'da lɛ Yezu ma 'bana do nɛ vɛ!

EFƐZƐ 2:2

Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.

KƆLƆSƐ 2:15

We duzu fio 'da Kristo ngɔ finda te, ma hã Gale fua ngawi 'da ohi winɔ, kɛ wa a ogã wi do onwa li ngɔ gɛ vɛ̃, nɛ a ɛnzɛ wa, nɛ a gbɔtɔ wa dɛ 'do Kristo dɛ gbali winɔ vɛ̃ we be na, Kristo nɛa ngɔ wa.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

OHEBRE 2:14

Nɛ ɔ nɛ kɛ benɔ ni wa a Owi kili tɛ wi nù ni, ma kɛ Yezu hɔa zi tɛ 'bɔ wele nɛ́ wa ni, takɔ a fe, nɛ a nɛ ngɔ Satana kɛ a do ngawi we gbɛ winɔ ni.

OHEBRE 9:26

Ma ɔ sɔ na mɛ ni, nɛ a kpa sɔ zɛlɛ tɛ fala dɛlɛ wena, yolo do 'da fala Gale dɛa zɛ́ do nùi ni, gbaa we hɔ sɔɛ gɛ. Nɛ nde a hɔa ngɔ nù gɛ fala kpo. A hɔa do 'da fala ndɔti nùi kɔla ia gɛ, nɛ a hã kili tɛ a ngboo hã Gale, takɔ a fò do ku'da 'dã mɔ zu owele.

2 PETRO 2:4

Nɛ zɔ́, Gale dɛ̀ zi 'bako hã anzɛnɔ kɛ wa dɛa zɛ́ 'dã mɔ ni gɔ. A da zi wa kɔ gba 'du kɔ̃, nɛ wa 'bana kɔ tũ fala ni we 'bɔ 'da ngba soe kɛ a nɛ 'bili sɛ do we 'da winɔ ni.

1 YOANƐ 1:2

We nu Gale ni a wi hã kpasi, nɛ 'da fala kɛ a bia zi tɛ̃ a ni, nɛ lɛ zɔa a. Ma kɛ lɛ tɔ̃ we nɛ hã nɛ ni. Lɛ tɔ̃a na, a a wi hã kpasi kɛ ma é gɔ. A zɛ́ fala nɛ kpo do Baa lɛ Gale tɛ li nza i, nɛ Gale bia a hã lɛ.

1 YOANƐ 3:10

Nɛ zɔ́ mɛ kɛ ma gɔnɔ sanga benɔ 'da Gale, do benɔ 'da Satana ni, ma kɛ: Wi kɛ a dɛ́ bɔlɔ zu dɛa mɔ gɔ, nɛ a kɔ̃̀ 'bɔ gɛnɛ onya a gɔ ni, a a be 'da Gale gɔ.

1 YOANƐ 3:5

Nɛ nde nɛ ĩ na, Yezu Kristo tɛa zi ngɔ nù gɛ we fo ku'da 'dã mɔ zu winɔ, nɛ nde a ngboo ni, a dɛ̀ 'dã mɔ kpo gɔ.

1 YOANƐ 5:19

Lɛ ĩ na, lɛ a benɔ 'da Gale, nɛ tala winɔ nù gɛ vɛ, wa 'bana ti ngawi 'da Satana.

YUDA 1:6

Nɛ lénggé anzɛnɔ, kɛ wa dɛ̀ zɛ́ yangga tonɔ Gale hã hã wa ni gɔ, nɛ wa la fala 'da wa do'do ni. Gale a wa kɔ gba tũ do ti nù, nɛ a ɛnzɛ wa do dɔkpɔ gbaa we 'bɔ 'da ngba soe 'bili ngbangga.

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 20:15

Nɛ wi kɛ Gale kɔ̀mɔ̀ li a kɔ 'Buku Kpasi gɔ ni, wa da a li gba nyɛa we ni.