1 YOANƐ 3:5 - WE NU GALE 1995

⁵ Nɛ nde nɛ ĩ na, Yezu Kristo tɛa zi ngɔ nù gɛ we fo ku'da 'dã mɔ zu winɔ, nɛ nde a ngboo ni, a dɛ̀ 'dã mɔ kpo gɔ.

1 YOANƐ 3:5 Iomraidhean Croise

OZE 14:2

Aa nɛ, obe Israɛlɛ, nɛ kpóló tɛ nɛ dɛ 'da NWA Gale 'da nɛ, we kɛ nɛ kɔa zu nyanga nɛ, nɛ nɛ tia we duzu 'dã mɛnɔ 'da nɛ.

MATIE 1:21

A ko sɛ bulu be, nɛ mɔ e sɛ li be ni na Yezu. We kɛ a kpasa sɛ winɔ 'da a kɔ 'dã mɛnɔ 'da wa.”

LUKA 23:41

Kɛ 'da lɛ do mɔ, gulu nɛ boe, we kɛ lɛ kpa gɛ a si olo kɛ lɛ dɛa ni. Nɛ nde kɛ 'da a, a dɛ̀ 'dã mɔ gɔ.”

LUKA 23:47

Nɛ mbe wi ngɔ osoda Roma zɔa mɛnɔ ma la ni, nɛ a dɔnggɔ Gale na: “Gbãlã we, wi gɛ a zi a bɔlɔ zu wele!”

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

YOANƐ 1:31

Mi ĩ̀ zi ti a gɔ, nɛ nde mi batisa winɔ do lì, takɔ mi be a hã wa obe Israɛlɛ.”

YOANƐ 14:30

Mi wélé sɛ 'bɔ mbé we hã nɛ wena gɔ, we kɛ Satana, nwa ngɔ nùi gɛ tɛ tɛ nɛ. Nɛ nde a do ngawi kpo ngɔ gɛlɛ mi bina.

YOANƐ 8:46

Wi sanga nɛ gɛ, kɛ a wia we be na, mi dɛa 'dã mɔ ni a wio nde? Mi tɔ̃ fai a gbãlã we, kɔ gulu kɛ nɛ kɔ̃̀ gɛnɛ wenɔ 'da mi gɔ we ge nde?

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

1 TIMOTE 1:15

Kɔ mɔ zɔ́, we wa tɔ̃a zi na, Yezu tɛa ngɔ nù gɛ we kpasa o'dã winɔ ni, mɛ a gbãlã we. Nɛ ma wia na, winɔ vɛ wa kɔ̃ ma do sila wa kpo. Nɛ sanga owi dɛ 'dã mɛnɔ ni, mi nɛa ngɔ wa vɛ.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 1:3

A bia yele ngbala dɔ̃lɔ̃ li 'da Gale, nɛ tɛlɛ tɛ̃ a be tɛlɛ tɛ Gale ngboo. Ngawi 'da wila we nu a tɔndɔ mɛnɔ nyanga nza gɛ vɛ́, nɛ ma yolo. 'Do kɛ a fɔlɔ 'dã mɛnɔ 'da owinɔ do'do ni, nɛ a kũ li nza i, nɛ a dungu tɛ ngɔ ngawili kɔ̃ Gale, kɛ a do nganda nɛa ngɔ mɛnɔ vɛ ni.

OHEBRE 4:15

A a gã nwa nganga, nɛ a wia we dɛ 'bako do lɛ 'da fala kɛ lɛ mbɔkɔ ni, we kɛ Satana ɔlɔ zi a do walanɔ kpi do kpi, ɔ nɛ kɛ a ɔlɔ do lɛ ni, nɛ nde Yezu tè kɔ 'dã mɔ gɔ.

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

OHEBRE 9:26

Ma ɔ sɔ na mɛ ni, nɛ a kpa sɔ zɛlɛ tɛ fala dɛlɛ wena, yolo do 'da fala Gale dɛa zɛ́ do nùi ni, gbaa we hɔ sɔɛ gɛ. Nɛ nde a hɔa ngɔ nù gɛ fala kpo. A hɔa do 'da fala ndɔti nùi kɔla ia gɛ, nɛ a hã kili tɛ a ngboo hã Gale, takɔ a fò do ku'da 'dã mɔ zu owele.

OHEBRE 9:28

Na mɛ ni, Kristo hã zi tɛ a hã Gale, nɛ a fia fala kpo we 'dã mɛ 'da ogili winɔ. Nɛ a hɔ sɛ 'bɔ mbé nɛ fala kpo, nɛ nde a hɔ́ sɛ we fo 'dã mɔ gɔ, a hɔ sɛ we kpasa winɔ wa 'bɔ 'da a ni.

1 PETRO 1:18

Mba gɔ, nɛ ĩ ti wala kɛ Gale gɔna do zu nɛ ti yia dungi oyaa nɛ wa bia hã nɛ ni. A gɔ̀nɔ̀ zu nɛ do mbili tabi mɔ mbali, kɛ ma 'danga dɔ̃ iko ni gɔ.

1 PETRO 1:20

Dati kɛ na Gale dɛ nùi ni, nɛ a saka zɛ́ Yezu na, a kpasa sɛ nɛ. Nɛ nde do ndɔti ngba soenɔ gɛ, Gale dɛa na, Yezu hɔ nù gɛ we duzu nɛ.

1 PETRO 2:22

Kristo dɛ̀ zi mbe 'dã mɔ kpo gɔ, nɛ a 'bìlì mbe bɛlɛ fala kpo gɔ.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.

1 YOANƐ 1:2

We nu Gale ni a wi hã kpasi, nɛ 'da fala kɛ a bia zi tɛ̃ a ni, nɛ lɛ zɔa a. Ma kɛ lɛ tɔ̃ we nɛ hã nɛ ni. Lɛ tɔ̃a na, a a wi hã kpasi kɛ ma é gɔ. A zɛ́ fala nɛ kpo do Baa lɛ Gale tɛ li nza i, nɛ Gale bia a hã lɛ.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

1 YOANƐ 2:1

Aa benɔ 'daa, mi kɔma mbɛti gɛ hã nɛ na, dɔ nɛ dɛ́ 'bɔ 'dã mɔ gɔ. Kɔ fala kɛ mbe sanga nɛ dɛ 'dã mɔ nde, nɛ nɛ ĩ́ na, lɛ do Wi tɔ̃ we ngɔ lɛ dati Gale Baa lɛ boe. Wi a Yezu Kristo, kɛ a a wi bɔlɔ zu ni.

1 YOANƐ 2:2

A a wi kɛ a hã zi tɛ̃ a nɛ́ dɔnggamɔ we si do ku'da 'dã mɛnɔ zu lɛ. A dɛ̀ ni tati nɛ we lɛ iko gɔ, nɛ nde a dɛa ní we owinɔ ngɔ nù gɛ vɛ́.

1 YOANƐ 2:29

Ɔ nɛ kɛ nɛ ĩ na, Yezu a bɔlɔ zu wele ni, nɛ wia 'bɔ we ĩ na, wi kɛ a dɛ bɔlɔ zu dɛa mɔ ni, a a be 'da Gale.

1 YOANƐ 3:8

Nɛ wi kɛ a 'bana tɛ dɛ 'dã mɔ fai ni, a a wi 'da Satana. Mba gɔ, Satana ndua zɛ́ dɛ 'dã mɔ yolo do gulu. Nɛ nde Be 'da Gale tɛa we gbɛ dɛa to 'da Satana.

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.