1 YOANƐ 3:4 - WE NU GALE 1995

⁴ Wi kɛ a dɛ 'dã mɔ ni, a 'danga mbula 'da Gale, we kɛ dɛ 'dã mɔ, mɛ a bɛ̃ mbula 'da a.

1 YOANƐ 3:4 Iomraidhean Croise

1 Onwanɔ 8:47

Nɛ nde mbe gɔ, nɛ kɔ le ngbá i mɔ ni, nɛ obe Israɛlɛ wa kpa linggamɔ, nɛ wa ma ngɔ ala nu wa hã mɔ. Nɛ wa tɔ̃ na, lo bɛ̃a we nu mɔ, lo dɛa 'dã mɔ, lo káfá gɔ!

1 Sakonɔ 10:13

Saulo fia, we duzu kɛ a dɛ̀ zi mbula 'da NWA Gale gɔ. A bɛ̃a zi we dɛ mbulanɔ 'da a, nɛ a wele zi we do obɔzɔ, we ĩ ti mɛnɔ kɛ ma hɔ sɛ 'do ni,

2 Sakonɔ 24:20

Na mɛ ni, nɛ Hi Wi 'da Gale lia kɔ nganga Zakaria, be 'da Yoyada. Nɛ a yolo dɛ dati owinɔ, nɛ a tɔ̃ hã wa na: “Nɛ zélé we kɛ Gale tɔ̃ hã nɛ gɛ A na: ‘Mi Gale, mi aka nɛ na, gulu kɛ nɛ bɛ̃a gɛnɛ dɛ mbula 'da mi we ge nde? Nɛ ĩ na, nɛ kpá sɛ mɔ kpo kɔ̃ ogalenɔ ni gɔ. Nɛ bɛ̃a gɛnɛ mi, nɛ nde mi bɛ̃ sɛ tɛ mɛ 'bɔ gɛnɛ nɛ.’ ”

Ezai 53:8

Wa ba a, nɛ wa 'bili we 'da a, nɛ wa gbɛ a. Nɛ nde wele kpo lènggè do a gɔ. Ĩ na, wa fua a ngɔ nù gɛ, nɛ a fia we 'dã mɛ 'da owinɔ 'da lɛ.

DANIƐLƐ 9:11

Lɛ obe Israɛlɛ vɛ̃, lɛ bɛ̃a mbula nu mɔ, nɛ lɛ kɔ̃̀ we zele wenɔ mɔ tɔ̃a hã lɛ ni gɔ. Lɛ dɛa 'dã mɔ, nɛ mɔ dɛa na, ofɔmbanɔ kɛ Mɔizɛ, wi toe 'da mɔ kɔma zi kɔ 'buki 'da a ni, ma te ngɔ lɛ.

Tɔlɔ Mɔ 15:31

Nɛ 'dã mɛ 'da a ma sɛ dɛ zu a, we kɛ a zɔa lɛnggɛ nu mi yala, nɛ a bɛ̃ we dɛ mbulanɔ 'da mi.”

MATIE 5:19

Na mɛ ni, gɛnɛ kɔ wele bɛ̃ mbe bi mbula sĩ kɔ mbulanɔ ni, kɔ a be hã ongba a na, wa bɛ̃ tɛ mɛ 'bɔ gɛnɛ nɛ, nɛ wi ni sɛ a wi ngɔ go'do kɔ le nwa 'da Gale. Nɛ nde wi kɛ a dɛ mbula ni, kɔ a be hã ongba a na, wa dɛ tɛ 'bɔ ma, nɛ wi ni sɛ a wi dati kɔ le nwa 'da Gale.

Owi Nɛ Tonɔ 23:3

Nɛ Polo siki tɛ a, nɛ a tɔ̃ hã a na: “Gale a zɛ sɛ mɔ olo kɛ mɔ zɛa mi ni. Mɔ ɔ nɛ ɛa tɔa kɛ wa zɛa mbu tɛ nɛ ni! Mɔ nɛ 'bili we 'da mi do 'da mbula, nɛ nde mɔ wele nɛ, mɔ gbini mbula, we kɛ mɔ ba nu mɔ hã winɔ na, wa zɛ mi.”

ROMA 3:20

Mba gɔ, wele kpo wè tɛ hɔ bɔlɔ zu wele li Gale, we duzu mbula a dɛ ni gɔ. Mbula ni, ma tati a we be hã winɔ na, wa ĩ ti 'dã mɛ 'da wa.

ROMA 4:15

Mba gɔ, mbula kɛ Gale hã ma hã winɔ ni, ma dɛ na, zã Gale nɔ̃lɔ̃ dɛ tɛ wa, we kɛ wa dɛ̀ mbula ni gɔ. Kɔ fala kɛ mbula bina, nɛ nde wi gbini mbula tɛ mɛ 'bɔ bina.

2 KORINTƐ 12:21

Nɛ mi 'bɔ do kili na, dɔ mi nɛ hɔ 'da nɛ i, nɛ mi kpá sape li Gale gɔ. Nɛ mi he sɛ kɔ̃a we duzu ombe gili winɔ sanga nɛ ni, kɛ wa dɛa zi 'dã mɛnɔ, nɛ wa là fala nɛ gɔ, nɛ wa 'bana tɛ dɛ mɔ sape, do yɛnggɛ vĩ zu yali, do dɛ 'dã mɛnɔ vɛ́ ni.

ZAKE 5:15

Kɔ fala kɛ wa kɔ̃ do kɔ sila wa na, Gale a zele sɛ sambala 'da lo nde, nɛ Gale a kpasa sɛ wi zɛlɛ ni. Hã fala kɛ wi ni dɛ zi 'dã mɔ dɛa nde, nɛ Gale a fo sɛ 'bɔ ku'da 'dã mɛ ni zu a.

1 YOANƐ 5:17

Yɔa ti dɛa mɛnɔ kɛ winɔ wa dɛ ma ni vɛ̃, mɛ a 'dã mɔ li Gale. Nɛ nde mbe 'dã mɔ ma tombo wele dɛ li fio, nɛ mbee nɛ ma tómbó wele dɛ li fio gɔ.

1 SAMUƐLƐ 15:24

Saulo nɛa we zele ni, nɛ a he mɔ na: “Mi dɛa 'dã mɔ! Mi bɛ̃a we nu NWA, nɛ mi bɛ̃a 'bɔ we nu mɔ. Mi dɛa kili osodanɔ 'da mi, nɛ mi dɛa linggamɛ 'da wa.