1 YOANƐ 3:3 - WE NU GALE 1995

³ Kɔ wi kɛ a gbini zã a do Yezu ni, ma wia na, a 'dafa tɛ̃ a we hɔ sa wi li Gale, ɔ nɛ kɛ Yezu a sa wi li a ni.

1 YOANƐ 3:3 Iomraidhean Croise

2 SAMUƐLƐ 22:27

Wi kɛ a do dia zã ni, nɛ mɔ be dia zã 'da mɔ hã a. Nɛ nde wi kɛ a do 'dã zã, nɛ mɔ hã ngamɔ hã a.

MATIE 5:48

Ma wia na, dɛa mɔ tɛ nɛ we ngboo, ɔ nɛ kɛ 'da Baa nɛ, kɛ a li nza i ni.

LUKA 6:36

Nɛ dɛ́ 'bako hã ongba nɛ, ɔ nɛ kɛ Baa nɛ dɛ 'bako hã winɔ ni.

YOANƐ 17:19

Kɔ mi ba tɛ mi vɛ̃ hã mɔ we wa, takɔ wa hɔ owinɔ 'da mɔ ngboo.

Owi Nɛ Tonɔ 15:9

Nɛ nde Gale dɛ̀ do wa si tɛ̃ ɛ do kɛ 'da lɛ gɔ. A fua 'dã mɛnɔ 'da wa, we kɛ wa kɔ̃a zu li Yezu.

ROMA 15:12

Nɛ Ezai, wi gba do nu Gale tɔ̃a 'bɔ na: “Mbe be zã Yɛse a tɛ sɛ, nɛ a dungu sɛ nwa ngɔ ogele winɔ, nɛ wa gbini sɛ zã wa do a.”

2 KORINTƐ 7:1

Aa oyali ngba mi, Gale kpua mbuli ni hã lɛ, kɔ ma wia na, lɛ bɛ̃ gɛnɛ 'dã mɛnɔ vɛ́, kɛ ma hã ndi kɔ kili tɛ wi, do hi wi ni. Lɛ dɛ́ kili Gale, nɛ lɛ 'dáfá dɛa mɔ tɛ lɛ, nɛ lɛ fá we dungu nɛ́ owinɔ 'da a ngboo.

KƆLƆSƐ 1:5

Kɔ̃a we do kɔ̃ gɛnɛ ngba wi 'da nɛ ni, ma nganda, we kɛ nɛ tɛ gbini zã nɛ do de mɛ kɛ ma 'bɔ 'da nɛ li nza i ni. Mba gɔ, kuti kɛ wa bia zi gbãlã we kɛ ma kɔ Dia Sakoe hã nɛ ni, nɛ nɛ zila zi we de mɛ kɛ nɛ wia we kpa ma olo nɛ ni.

2 TƐSALONIKƐ 2:16

E kɔ Nwa 'da lɛ Yezu Kristo do tɛ̃ a, do Baa lɛ Gale kɛ a kɔ̃a zi gɛnɛ lɛ ni, wa kpãlã sila nɛ, nɛ wa hã ngawi hã nɛ we dɛ mɛnɔ do tɔ̃ wenɔ kɛ ma a dia ni. Gale bia dia zã hã lɛ, nɛ a dɛa na, lɛ ɔ do kpã sila kɛ ma é sɛ gɔ ni, nɛ lɛ gbini zã lɛ do a fai.

TITO 3:7

Na mɛ ni, a dɛa na, lɛ hɔ wi bɔlɔ zu li a we duzu dia zã 'da a, nɛ lɛ kpa kpasi kɛ ma é sɛ gɔ, kɛ lɛ a sila lɛ ngɔ nɛ ni.

OHEBRE 12:14

Nɛ dɛ́ nganda we dɛ na do owinɔ vɛ̃, nɛ nɛ 'dáfá dungi 'da nɛ ɔ nɛ kɛ ma wia do winɔ 'da Gale ni. Mba gɔ, wi kɛ a dɛ̀ ni gɔ, nɛ nde a wé sɛ tɛ zɔ Nwa gɔ.

OHEBRE 6:18

Nɛ mbuli 'da Gale, do zonggo tɛ wi 'da a ma kífí sɛ gɔ, nɛ Gale káfá sɛ olo nu ɛ gɔ. Ki ni ma hã ngawi hã lɛ winɔ kɛ lɛ usu tɛ lɛ dɛ tambala kɔ̃ a ni na, lɛ 'bɔ 'da mbuli ni do sila lɛ kpo.

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

ZAKE 4:8

Nɛ kɔ́lɔ́ do Gale, nɛ a kɔlɔ sɛ tɛ mɛ 'bɔ do nɛ. Aa nɛ, Owi dɛ 'dã mɛnɔ, nɛ fɔ́lɔ́ kɔ̃ nɛ tɛ 'dã mɔ. Nɛ, owi ɔlɔ winɔ, nɛ fó 'dã linggamɛnɔ kɔ sila nɛ.

1 PETRO 1:15

Gale kɛ a sa zi mɔ hã nɛ ni, a a santo. Nɛ ma wia na, nɛ tɛ mɛ 'bɔ, nɛ ɔ santo kɔ dɛa mɔ tɛ nɛ vɛ.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

2 PETRO 1:4

Na mɛ ni, a hã odia mɔ do gã golenɔ kɛ a kpua zi mbulu nɛ ni hã lɛ. A dɛa na mɛ ni, takɔ nɛ yu 'dã mɛnɔ kɛ owinɔ nù gɛ wa dɛ wɔ nɛ, nɛ ma 'danga wa ni, nɛ nɛ ɔ sɛ nɛ Gale ni.

2 PETRO 3:14

We duzu ma, oyali ngba mi, mi tɔ̃ hã nɛ na, 'da fala nɛ tɛ 'bɔ 'da tũ hɔa 'da Nwa 'da lɛ ni, ma wia na, nɛ dɛ nganda, dɔ nɛ hɔ́ li a do 'dã mɔ gɔ, kɔ nɛ ɔ do gɛ̃a sila dati a.

1 YOANƐ 2:6

Fala kɛ wele tɔ̃ na, ɛ 'bana dɛ kɔ Gale, nɛ ma wia na, a dɛ mɔ tɛ a ɔ nɛ kɛ Yezu dɛa zi ni.

1 YOANƐ 4:17

Fala kɛ kɔ̃a zã 'da lɛ dɛ 'da Gale ma we ngboo, nɛ nde lɛ dɛ́ sɛ kili do ngba soe kɛ a tɛ sɛ we 'bili we 'da winɔ ni gɔ. Mba gɔ, dɛa mɔ tɛ lɛ ngɔ nù gɛ, ma wia kɔ̃ do kɛ 'da Yezu.