1 YOANƐ 3:2 - WE NU GALE 1995

² Aa nɛ, oyali ngba mi, ngangga gɛ lɛ hɔa obenɔ 'da Gale ia. Nɛ nde lɛ ĩ̀ ti tɛlɛ tɛ kɛ lɛ ɔ sɛ nɛ do 'do nza ni gɔ. Nɛ nde lɛ ĩ na, ngba soe kɛ Yezu a hɔ sɛ ni, nɛ lɛ ɔ sɛ nɛ a ni, we kɛ lɛ zɔ sɛ a nɛ́ kɛ a ɔ nɛ ni.

1 YOANƐ 3:2 Iomraidhean Croise

YƆBƆ 19:26

Gɛnɛ kɔ mi kpa zɛlɛ tɛ gbaa, hã mi fe, nɛ mi zɔ sɛ Gale do gbali mi.

Zumanɔ 16:11

Mɔ bé wala kpasi hã mi na, mi ĩ ti ma. Fala kɛ mɔ do mi boe, nɛ mi dɛ yangga. Fala kɛ mi ɔ dɛ kɛ zã mɔ, nɛ mi do yangga kɛ ndɔti nɛ bina ni.

Zumanɔ 17:15

Nɛ nde we mi, mi zɔ sɛ bula li mɔ, we kɛ mi a wi bɔlɔ zu. Hã fala kɛ mi tunu, nɛ mi dɛ sɛ yangga we zɔ mɔ.

Zumanɔ 31:19

Mɔ kpé nu owi tɔ̃ bɛlɛnɔ, kɛ wa dɛ gã zu, nɛ wa tɔ̃ lɛnggɛ wali dɛ tɛ wi bɔlɔ zu, nɛ wa zɔ a li wa yala ni.

Ezai 56:5

nɛ ta zu mi ma gba sɛ ngɔ a kɔ Tɛmpɛloe 'da mi. Nɛ li a ma 'bana sɛ sanga owinɔ 'da mi. Ki ni ma dia nɛa ngɔ ko obe! Nɛ ta zu mi élé sɛ ngɔ a gɔ fai.”

MALAKI 3:2

Kɔ fala kɛ a hɔ, nɛ wi nɛ kpasa sɛ, wi a wio nde? Fala kɛ a gbanga nɛ, nɛ wi nɛ yolo sɛ dati a a wio nde? A ɔ sɛ nɛ nyɛa we kɛ ma yeke mɔ bolo, tabi sa'buni kɛ wa fɔlɔ do tulu ni.

MATIE 5:8

Yangga do owinɔ kɛ sila wa a sa ni, we kɛ wa zɔ sɛ Gale.

LUKA 17:30

Na mɛ ni, mi Be 'da Wele, mi hɔ sɛ do ngba soe kɛ winɔ wa lènggè do ma gɔ ni.

LUKA 20:36

nɛ wa fé sɛ fio gɔ. Mba gɔ, wa ɔ sɛ nɛ anzɛnɔ ni. Wa hɔa benɔ 'da Gale ia, we duzu kɛ wa tunu kɔ fio.

YOANƐ 1:12

Gɛnɛ kɔ na mɛ ni, nɛ nde ombe wa kɔ̃a gɛnɛ a. Ma kɛ a hã wala hã wa na, wa hɔ benɔ 'da Gale, we kɛ wa kɔ̃a zu li a ni.

YOANƐ 11:52

Nɛ nde Yezu fé sɛ we nu kpala Oyudanɔ iko gɔ, a fe sɛ we mba li winɔ 'da Gale kɛ wa kpa ngɔ nù gɛ vɛ̃ ni, takɔ wa hɔ wele kpo.

YOANƐ 17:24

“Baa mi, mɔ hã zi wa hã mi, kɔ mi kɔ̃a na, wa ɔ fala nɛ kpo do mi tɛ fála kɛ mi nɛ dungu do ma ni, takɔ wa zɔ dɔ̃lɔ̃ li 'da mi. Mɛ a dɔ̃lɔ̃ li kɛ mɔ hã zɛ́ ma hã mi, we kɛ mɔ kɔ̃a zɛ́ gɛnɛ mi dati kɛ na mɔ dɛ nùi ni.

ROMA 8:16

Nɛ Hi Wi 'da Gale ngboo tɔ̃ dɛ kɔ sila lɛ na, lɛ a obenɔ 'da Gale.

ROMA 8:18

Mi zɔ na, dɔ̃lɔ̃ fi kɛ Gale nɛ hã sɛ ma hã lɛ do ngba soe 'do gɛ ni, ma nɛa ngɔ ngamɛnɔ kɛ lɛ tɛ zɔ ma ngangga gɛ ni wena.

ROMA 8:19

Mɛnɔ nyanga nza gɛ vɛ kɛ Gale dɛa ni, ma do wɔ wena we zɔ ngba soe kɛ Gale nɛ hã do dɔ̃lɔ̃ fi hã obenɔ 'da a ni.

ROMA 8:29

Mba gɔ, a ĩ ti wa zɛ́ belee, nɛ a saka zɛ́ wa na, wa we kɔ̃ do Be 'da a Kristo, nɛ Be 'da a ni, a ɔ kuti be sanga ogba dɛlɛ nya a.

1 KORINTƐ 13:12

Na mɛ ni, sɔɛ gɛ, lɛ zɔ̀ mɛnɔ de ngboo gɔ, lɛ zɔ ɔ nɛ kɛ ma a li tala ni. Kɔ ngba soe ni, nɛ lɛ zɔ sɛ ma dɛ dati lɛ ngboo. Ngangga ni, mi ĩ̀ ti mɛnɔ ngboo gɔ, nɛ nde do ngba soe ni, nɛ mi ĩ sɛ ti ma ngboo, ɔ nɛ kɛ Gale ĩ do ti mi ni.

1 KORINTƐ 15:49

Kɔ nɛ́ kɛ lɛ wia kɔ̃ do wele kɛ a yula tɛ nùi ni, lɛ we sɛ tɛ mɛ 'bɔ kɔ̃ do wele kɛ a yula li nza i ni.

1 KORINTƐ 2:9

Ma ɔ nɛ kɛ wa kɔma kɔ 'Buki 'da Gale na: “Mɛ a mɔ kɛ wele kpo tɛ zɔ̀ mbe gɔ, nɛ wele tɛ zèlè 'bɔ mbe do zala ɛ gɔ, nɛ wele tɛ kpà mbe linggamɔ nɛ gɔ, nɛ nde Gale 'dafa ma we winɔ kɛ wa kɔ̃a gɛnɛ a ni.”

2 KORINTƐ 3:18

Nɛ lɛ winɔ vɛ kɛ tuli fua tɛ ɛ li lɛ ia ni, yele ngbala dɔ̃lɔ̃ li 'da Nwa yele tɛ lɛ, nɛ ma kifi lɛ na, lɛ we kɔ̃ do Nwa. Nɛ dɔ̃lɔ̃ li ni, ma gã kɔ lɛ dɛ dati gã fai. Nɛ mɛnɔ ni vɛ, wi dɛ ma kɔ lɛ, wi a Hi Wi 'da Nwa.

2 KORINTƐ 4:17

Obe zɛlɛ tɛnɔ kɛ lɛ kpa ma ngangga gɛ, nɛ ma la dɔ̃ iko ni, ma 'dafa lɛ we kpa gã dɔ̃lɔ̃ li kɛ ma 'bana sɛ fai, nɛ ma nɛa ngɔ zɛlɛ tɛnɔ ni fala dɛlɛ wena ni.

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

GALATI 4:6

Nɛ we be na, lɛ a obenɔ 'da Gale ni, nɛ Gale tumba Hi Wi 'da Be 'da a dɛ kɔ sila lɛ, nɛ Hi Wi ni he mɔ hã a na: “Aa Baa mi!”

FILIPƐ 3:21

A tɛ, nɛ a kifi sɛ kili tɛ wi nùi tɛ lɛ kɛ ma a mbɔkɔ ni, nɛ ma we sɛ kɔ̃ do kili tɛ wi dɔ̃lɔ̃ li 'da a. A dɛ sɛ ni do ngawi kɛ ma dɛ na, a e mbula ngɔ mɛnɔ nyanga nza gɛ vɛ̃ ni.

KƆLƆSƐ 3:4

Kristo a kpasi 'da nɛ ngboo. Kɔ 'da fala kɛ a tɛ sɛ 'bɔ mbé nɛ ni, nɛ nɛ hɔ sɛ tɛ mɛ 'bɔ, nɛ nɛ mba do a kɔ dɔ̃lɔ̃ li 'da a.

OHEBRE 9:28

Na mɛ ni, Kristo hã zi tɛ a hã Gale, nɛ a fia fala kpo we 'dã mɛ 'da ogili winɔ. Nɛ a hɔ sɛ 'bɔ mbé nɛ fala kpo, nɛ nde a hɔ́ sɛ we fo 'dã mɔ gɔ, a hɔ sɛ we kpasa winɔ wa 'bɔ 'da a ni.

2 PETRO 1:4

Na mɛ ni, a hã odia mɔ do gã golenɔ kɛ a kpua zi mbulu nɛ ni hã lɛ. A dɛa na mɛ ni, takɔ nɛ yu 'dã mɛnɔ kɛ owinɔ nù gɛ wa dɛ wɔ nɛ, nɛ ma 'danga wa ni, nɛ nɛ ɔ sɛ nɛ Gale ni.

1 YOANƐ 2:28

Aa benɔ 'daa, nɛ 'báná dɛ kɔ Yezu, kɔ ngba soe kɛ a hɔ sɛ nɛ ni, nɛ lɛ sɛ do kili kɔ sila lɛ bina, nɛ sape bá sɛ li lɛ we hɔ dati a gɔ.

1 YOANƐ 2:7

Aa oyali ngba mi, mbula mi kɔmɔ hã nɛ gɛ, mɛ a mbé mbula gɔ. Mɛ a ã mbula kɛ wa bia zi ma hã nɛ, ndo do kɛ nɛ kɔ̃a zu li Kristo ni.

1 YOANƐ 3:1

Baa lɛ Gale do kɔ̃a zã dɛ 'da lɛ la li ngele! A sa li lɛ la na obenɔ 'da a. Nɛ lɛ a obenɔ 'da a gbãlã we. Owi nù wa ĩ̀ na, lɛ a obenɔ 'da Gale gɔ, we duzu kɛ wa ĩ̀ ti Baa lɛ Gale gɔ.

1 YOANƐ 3:10

Nɛ zɔ́ mɛ kɛ ma gɔnɔ sanga benɔ 'da Gale, do benɔ 'da Satana ni, ma kɛ: Wi kɛ a dɛ́ bɔlɔ zu dɛa mɔ gɔ, nɛ a kɔ̃̀ 'bɔ gɛnɛ onya a gɔ ni, a a be 'da Gale gɔ.

1 YOANƐ 3:21

Aa nɛ, oyali ngba mi, fala kɛ linggamɔ zu lɛ dà lɛ hã Gale gɔ, nɛ lɛ sɛ do kili dati a bina.

1 YOANƐ 5:1

Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.

USU MƐNƆ 22:4

Wa zɔ sɛ tɛ̃ a, nɛ wa kɔmɔ sɛ li a dati wa.