1 YOANƐ 3:1 - WE NU GALE 1995

¹ Baa lɛ Gale do kɔ̃a zã dɛ 'da lɛ la li ngele! A sa li lɛ la na obenɔ 'da a. Nɛ lɛ a obenɔ 'da a gbãlã we. Owi nù wa ĩ̀ na, lɛ a obenɔ 'da Gale gɔ, we duzu kɛ wa ĩ̀ ti Baa lɛ Gale gɔ.

1 YOANƐ 3:1 Iomraidhean Croise

2 SAMUƐLƐ 7:19

Ĩ na mɔ NWA, mɔ zɔa ki ni li mɔ bi sĩ iko, nɛ mɔ kpua 'bɔ mbulu hã nu fɛlɛ mi 'do gba dɔa sabɛlɛ. Nɛ mɔ tɔ̃a we mbuli ni hã mi, kɛ mi a kili tɛ wi nùi gɛ iko ni.

Zumanɔ 31:19

Mɔ kpé nu owi tɔ̃ bɛlɛnɔ, kɛ wa dɛ gã zu, nɛ wa tɔ̃ lɛnggɛ wali dɛ tɛ wi bɔlɔ zu, nɛ wa zɔ a li wa yala ni.

Yeremi 3:19

NWA tɔ̃a na: “Aa nɛ, obe Israɛlɛ, mi tɔ̃a zi na, nɛ a Okuti benɔ 'da mi, nɛ mi ba sɛ nùi kɛ ma nɛa ngɔ nùnɔ vɛ̃ ni hã nɛ! Mi lingga zi na, nɛ sa sɛ li mi na baa nɛ, nɛ nɛ síkí sɛ 'bɔ 'do nɛ hã mi gɔ.

LUKA 20:36

nɛ wa fé sɛ fio gɔ. Mba gɔ, wa ɔ sɛ nɛ anzɛnɔ ni. Wa hɔa benɔ 'da Gale ia, we duzu kɛ wa tunu kɔ fio.

YOANƐ 1:12

Gɛnɛ kɔ na mɛ ni, nɛ nde ombe wa kɔ̃a gɛnɛ a. Ma kɛ a hã wala hã wa na, wa hɔ benɔ 'da Gale, we kɛ wa kɔ̃a zu li a ni.

YOANƐ 11:52

Nɛ nde Yezu fé sɛ we nu kpala Oyudanɔ iko gɔ, a fe sɛ we mba li winɔ 'da Gale kɛ wa kpa ngɔ nù gɛ vɛ̃ ni, takɔ wa hɔ wele kpo.

YOANƐ 15:21

Wa dɛ sɛ mɛnɔ ni vɛ̃ do nɛ, we kɛ nɛ a owinɔ 'da mi, nɛ wa ĩ̀ ti Wi tombo mi gɔ.

YOANƐ 16:3

Wa zɛlɛ sɛ tɛ nɛ na mɛ ni, we kɛ wa ĩ̀ ti Baa mi gɔ, nɛ wa ĩ̀ 'bɔ ti mi gɔ.

YOANƐ 17:25

Baa mi, mɔ a wi bɔlɔ zu, nɛ winɔ nù gɛ wa ĩ̀ ti mɔ gɔ. Nɛ nde mi ĩ ti mɔ, nɛ wanɔ kɛ mi do wa gɛ wa ĩ na, wi a mɔ a mɔ tumba mi.

YOANƐ 3:16

Gale kɔ̃a gɛnɛ winɔ ngɔ nù gɛ la li ngele, ma kɛ a hã kpo Be 'da a na, wi kɛ a kɔ̃ zu li a, nɛ nde a fé sɛ fio gɔ, nɛ a sɛ do kpasi kɛ ma é sɛ gɔ ni.

ROMA 5:8

Nɛ nde Gale bia hã lɛ na, ɛ kɔ̃a gɛnɛ lɛ wena. Mba gɔ, gɛnɛ kɔ lɛ 'bana zi o'dã wi ni, nɛ nde a tumba Yezu Kristo na, a fe we duzu lɛ.

ROMA 8:19

Mɛnɔ nyanga nza gɛ vɛ kɛ Gale dɛa ni, ma do wɔ wena we zɔ ngba soe kɛ Gale nɛ hã do dɔ̃lɔ̃ fi hã obenɔ 'da a ni.

ROMA 8:21

We kɛ kɔ̃ tũ nɛ ma hɔ sɛ, nɛ Gale a kpasa sɛ tɛ mɛ 'bɔ omɛnɔ nyanga nza gɛ na, dɔ ma 'dángá gɔ, nɛ ma kpa sɛ dɔ̃lɔ̃ fi ɔ nɛ kɛ benɔ 'da Gale wa kpa ni. Nɛ wa sɛ 'bɔ ti mbula bina.

ROMA 8:32

Gale kɛ a bè zi zu Be 'da a ngboo ni hã lɛ gɔ, nɛ a 'dɔlɔ a we lɛ vɛ̃ ni, a hã́ sɛ tɛ mɛ 'bɔ mɛnɔ hã lɛ fala nɛ kpo do Be 'da a gɔ nde?

2 KORINTƐ 6:18

Mi sɛ a baa nɛ, nɛ nɛ sɛ a benɔ 'da mi. Mi Nwa Gale, kɛ mi do nganda vɛ̃ ni, mi tɔ̃a ni.”

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

GALATI 3:29

Kɔ nɛ́ kɛ nɛ vɛ́ a winɔ 'da Kristo ni, nɛ a obe zã Abrahama. Nɛ nɛ kpa sɛ mɛnɔ vɛ kɛ Gale kpua zɛ́ mbulu nɛ hã Abrahama do obe zã a ni.

Mbulanɔ 14:1

“Nɛ a obenɔ 'da NWA Gale 'da nɛ. Na mɛ ni, 'da fala kɛ fio fe, kɔ nɛ dungu gɛla a, nɛ nɛ tɛ yɔ̀lɔ̀ mɔ tɛ nɛ gɔ. Nɛ nɛ tɛ kɛ̀lɛ̀ 'bɔ mili zu nɛ kɛ si dati nɛ ni gɔ.

KƆLƆSƐ 3:3

we kɛ nɛ ɔ nɛ Go ni. Nɛ nde kpasi 'da nɛ fala nɛ kpo do Kristo, nɛ ma usu tɛ̃ ɛ tambala kɔ̃ Gale.

1 YOANƐ 3:10

Nɛ zɔ́ mɛ kɛ ma gɔnɔ sanga benɔ 'da Gale, do benɔ 'da Satana ni, ma kɛ: Wi kɛ a dɛ́ bɔlɔ zu dɛa mɔ gɔ, nɛ a kɔ̃̀ 'bɔ gɛnɛ onya a gɔ ni, a a be 'da Gale gɔ.

1 YOANƐ 3:2

Aa nɛ, oyali ngba mi, ngangga gɛ lɛ hɔa obenɔ 'da Gale ia. Nɛ nde lɛ ĩ̀ ti tɛlɛ tɛ kɛ lɛ ɔ sɛ nɛ do 'do nza ni gɔ. Nɛ nde lɛ ĩ na, ngba soe kɛ Yezu a hɔ sɛ ni, nɛ lɛ ɔ sɛ nɛ a ni, we kɛ lɛ zɔ sɛ a nɛ́ kɛ a ɔ nɛ ni.

1 YOANƐ 4:17

Fala kɛ kɔ̃a zã 'da lɛ dɛ 'da Gale ma we ngboo, nɛ nde lɛ dɛ́ sɛ kili do ngba soe kɛ a tɛ sɛ we 'bili we 'da winɔ ni gɔ. Mba gɔ, dɛa mɔ tɛ lɛ ngɔ nù gɛ, ma wia kɔ̃ do kɛ 'da Yezu.

USU MƐNƆ 21:7

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ dia mɛ gɛ hã a: Mi sɛ a Gale 'da a, nɛ a sɛ a be 'da mi.