1 YOANƐ 2:9 - WE NU GALE 1995

⁹ Wi kɛ a tɔ̃ na, ɛ a kɔ sa fala, nɛ a sɛnɛ nya a ni, a 'bana kɔ tũ fala.

1 YOANƐ 2:9 Iomraidhean Croise

2 SAMUƐLƐ 13:22

Nɛ Absalɔmɛ sɛnɛ zi Amnoni wena, nɛ a kɔ̃̀ 'bɔ wele we hã a gɔ, we duzu kɛ a wɛlɛ boko nya a Tamarɛ, nɛ a ɔ do a ni.

Zumanɔ 82:5

“Nɛ nde nɛ, nɛ ĩ́ mɔ kpo gɔ, wa 'danga linggamɔ zu nɛ do'do, nɛ fo 'bɔ wi 'bili we do bɔlɔ nɛ ngɔ nù gɛ bina.

Levitɛnɔ 19:17

Nɛ tɛ ùsù mãlã nya nɛ dɛ kɔ sila nɛ gɔ. Nɛ nde nɛ tɛ dɛ̀ kili tɔ̃ we 'dã mɛ kɛ a dɛa ni gɔ, da dɛ kɔ nɛ té ko 'dã mɔ do zu li a gɔ.

YOANƐ 9:41

Nɛ Yezu gese hã wa na: “Ɔ do kɛ nɛ sɔ a wi tandu, nɛ nde nɛ té sɔ do we gɔ. Kɔ nɛ́ kɛ nɛ tɔ̃a na, lo zɔ zɔa mɔ ni, nɛ tia do we.”

Owi Nɛ Tonɔ 1:15

Nɛ do zã kɔ̃ tũnɔ ni, nɛ nde owi kɔ̃ zu li Yezu wa mba zi li ngba wa, ɔ nɛ Owele kama do 'bu wa bɔa ni, tɛ dɔnggɔ Gale. Nɛ Petro kulu ngɔ dɛ sanga wa ni, nɛ a tɔ̃ hã wa na:

2 PETRO 1:9

Nɛ nde wi kɛ a dɛ́ mɛnɔ gɛ gɔ ni, a ɔ nɛ wi tandu ni. Ta zu a ila ngɔ kɛ na, Gale fɔlɔ zi 'dã mɛnɔ kɛ a dɛa zi dati ia ni do'do.

1 YOANƐ 1:6

Fala kɛ lɛ tɔ̃ na, lɛ mba do a kpo, kɔ lɛ 'bana tɛ yɛnggɛ kɔ gba tũ, nɛ nde lɛ a wi 'bili bɛlɛ, nɛ lɛ dɛ́ gbãlã we dɛa mɔ li Gale gɔ.

1 YOANƐ 2:11

Nɛ nde wi kɛ a sɛnɛ nya a ni, a 'bana kɔ tũ fala, nɛ a yɛnggɛ kɔ tũ fala. A zɔ́ mɔ dati a gɔ, we duzu kɛ tũi kele li a do'do.

1 YOANƐ 2:4

Kɔ wi kɛ a tɔ̃ na, ɛ ĩ ti Gale, nɛ nde a dɛ́ mbulanɔ 'da a gɔ ni, a a wi 'bili bɛlɛ, nɛ fo gbãlã we kɔ sila a bina.

1 YOANƐ 3:10

Nɛ zɔ́ mɛ kɛ ma gɔnɔ sanga benɔ 'da Gale, do benɔ 'da Satana ni, ma kɛ: Wi kɛ a dɛ́ bɔlɔ zu dɛa mɔ gɔ, nɛ a kɔ̃̀ 'bɔ gɛnɛ onya a gɔ ni, a a be 'da Gale gɔ.

1 YOANƐ 4:20

Wi kɛ a tɔ̃ na, ɛ kɔ̃a gɛnɛ Gale, kɔ a sɛnɛ ngba a, nɛ nde a a wi 'bili bɛlɛ. Mba gɔ, a zɔ ngba a zɔa, nɛ a kɔ̃̀ gɛnɛ ngba a ni gɔ, nɛ a nɛ dɛ fala kɔ̃ gɛnɛ Gale, kɛ a zɔ́ a gɔ ni nɛ nde?