1 YOANƐ 2:7 - WE NU GALE 1995

⁷ Aa oyali ngba mi, mbula mi kɔmɔ hã nɛ gɛ, mɛ a mbé mbula gɔ. Mɛ a ã mbula kɛ wa bia zi ma hã nɛ, ndo do kɛ nɛ kɔ̃a zu li Kristo ni.

1 YOANƐ 2:7 Iomraidhean Croise

Levitɛnɔ 19:18

Nɛ tɛ bìlì nu gbã 'dã mɔ hã nya nɛ be Israɛlɛ gɔ. Nɛ nɛ tɛ ɔ́ do sɛnɛ mɔ we a gɔ. Nɛ kɔ̃́ gɛnɛ nya nɛ ɔ nɛ kili tɛ nɛ wele nɛ ni.

Levitɛnɔ 19:34

Nɛ nde nɛ dɛ́ do a ɔ nɛ nya nɛ ni. Nɛ kɔ̃́ gɛnɛ a ɔ nɛ kɛ nɛ kɔ̃a gɛnɛ kili tɛ nɛ wele nɛ ni. Nɛ lénggé do kɛ na, nɛ zi tɛ mɛ 'bɔ ogɛnɛ tɛ ngɔ nù Ezipeto ni. Mi a NWA Gale 'da nɛ.

MATIE 5:43

“Nɛ zila we wa tɔ̃a zɛ́ na: ‘Mɔ kɔ̃́ gɛnɛ ngba mɔ, nɛ mɔ sɛ́nɛ́ wi sɛnɛ mɔ’ ni.

YOANƐ 13:34

Mi hã mbé mbula hã nɛ na, nɛ kɔ̃́ gɛnɛ ngba nɛ. Nɛ ma wia na, nɛ kɔ̃ gɛnɛ ngba nɛ, ɔ nɛ kɛ mi kɔ̃a do gɛnɛ nɛ ni.

Owi Nɛ Tonɔ 17:19

Nɛ wa kpa a, nɛ wa nɛ do a kɔ mba li ngba wi kɛ li nɛ a Areopazɛ ni, nɛ wa aka a na: “Mɔ wia we tɔ̃ mbe lɛnggɛ ngɔ mbé bia we 'da mɔ, kɔ lɛ ĩ gulu nɛ nde?

Mbulanɔ 6:5

Ma wia na, mɔ kɔ̃ gɛnɛ NWA Gale 'da mɔ do sila mɔ vɛ̃, mɔ hã tɛ mɔ hã a, nɛ mɔ dɛ to hã a do ngawi 'da mɔ vɛ̃.

OHEBRE 6:9

Aa oyali ngba mi, gɛnɛ kɔ lɛ tɔ̃ hã nɛ ní, nɛ nde lɛ bà kafi we duzu nɛ gɔ. Lɛ ĩ na, nɛ a ngɔ bɔlɔ wala, nɛ mɛ a wala kɛ Gale a kpasa sɛ do nɛ.

1 YOANƐ 2:24

Kɔ ma wia na, we nu Gale kɛ nɛ zila zi ndo do kɛ nɛ kɔ̃a zu li Yezu ni, nɛ usu ma dɛ kɔ sila nɛ. Kɔ fala kɛ nɛ usu wenɔ ni dɛ kɔ sila nɛ, nɛ nɛ 'bana sɛ fala nɛ kpo do Be 'da a Yezu, nɛ nɛ 'bana sɛ 'bɔ fala nɛ kpo do Baa lɛ Gale.

1 YOANƐ 3:11

Nɛ zɔ́, mbula kɛ wa bia zi ma hã nɛ, ndo do kɛ nɛ kɔ̃a zu li Yezu ni, ma kɛ: Ma wia na, lɛ kɔ̃ gɛnɛ ongba lɛ kɔ̃a fai,

1 YOANƐ 3:2

Aa nɛ, oyali ngba mi, ngangga gɛ lɛ hɔa obenɔ 'da Gale ia. Nɛ nde lɛ ĩ̀ ti tɛlɛ tɛ kɛ lɛ ɔ sɛ nɛ do 'do nza ni gɔ. Nɛ nde lɛ ĩ na, ngba soe kɛ Yezu a hɔ sɛ ni, nɛ lɛ ɔ sɛ nɛ a ni, we kɛ lɛ zɔ sɛ a nɛ́ kɛ a ɔ nɛ ni.

1 YOANƐ 3:21

Aa nɛ, oyali ngba mi, fala kɛ linggamɔ zu lɛ dà lɛ hã Gale gɔ, nɛ lɛ sɛ do kili dati a bina.

1 YOANƐ 3:23

Ombulanɔ kɛ Gale hã ma hã lɛ ni, ma kɛ: Lɛ kɔ̃́ zu li Be 'da a Yezu Kristo, nɛ lɛ kɔ̃́ gɛnɛ ngba lɛ, ɔ nɛ kɛ Yezu ba zi do nu a hã lɛ ni.

1 YOANƐ 4:1

Aa nɛ, oyali ngba mi, nɛ tɛ kɔ̃̀ we 'da winɔ kɛ wa tɔ̃ na, lo do Hi Wi 'da Gale kɔ lo boe ni do ti 1 iko gɔ. Nɛ nde nɛ yámbá wa dati, takɔ nɛ ĩ na, Hi Wi kɛ wa do ma ni, ma yula 'da Gale nde. Mba gɔ, ngangga gɛ owi gba olo nu Gale do bɛlɛ, wa dɛlɛ ngɔ nù gɛ wena.

1 YOANƐ 4:11

Aa nɛ, oyali ngba mi, nɛ́ kɛ Gale kɔ̃a gɛnɛ lɛ ní ni, má wia na, lɛ tɛ mɛ 'bɔ, lɛ kɔ̃ gɛnɛ ngba lɛ.

1 YOANƐ 4:21

Nɛ zɔ́ mbula kɛ Yezu hã ma hã lɛ ni, ma kɛ: Wi kɛ a kɔ̃ gɛnɛ Gale, nɛ ma wia tɛ mɛ 'bɔ na, a kɔ̃ gɛnɛ ngba a.

1 YOANƐ 4:7

Aa nɛ, oyali ngba mi, ma wia na, lɛ kɔ̃ gɛnɛ ngba lɛ, we kɛ wele kɔ̃a zã a mɔ́ Gale. Wi kɛ a kɔ̃ gɛnɛ ngba a ni, a a be 'da Gale, nɛ a ĩ ti Gale.