1 YOANƐ 2:5 - WE NU GALE 1995

⁵ Nɛ wi kɛ a dɛ mbulanɔ 'da Gale dɛa ni, a kɔ̃a gɛnɛ Gale do sila a vɛ́. Nɛ ki ni ma be na, lɛ a owinɔ 'da Gale ngboo.

1 YOANƐ 2:5 Iomraidhean Croise

Zumanɔ 105:45

A dɛa ni takɔ owinɔ 'da a wa zele nu a, nɛ wa dɛ mbulanɔ 'da a vɛ̃. Aleluya, lɛ dɔnggɔ NWA fai!

Zumanɔ 106:3

Owinɔ kɛ wa dɛ mbulanɔ 'da Gale, nɛ wa dɛ to tɛ wa fai ɔ bɔlɔ ni, wa a wi yangga.

Zumanɔ 119:146

Mi sa mɔ hã mɔ na mɔ kpásá mi, nɛ mi dɛ sɛ mbulanɔ 'da mɔ.

Zumanɔ 119:2

Winɔ kɛ wa zele we nu nwa, nɛ wa dɛ olo nu a do sila wa kpo ni, wa a wi yangga.

Zumanɔ 119:4

Mɔ NWA, mɔ bia mbulanɔ 'da mɔ na, lɛ zele, nɛ lɛ dɛ ma do dia nɛ.

GBA WENƆ 28:7

Be zagbãlã kɛ a dɛ mbula ni, a do hã zã boe. Nɛ nde wele kɛ a ba 'bia do wi kɛ zu a dè gɔ ni, nɛ a hã sɛ sape hã baa a.

GBA WENƆ 8:32

“Aa nɛ, obenɔ 'da mi, nɛ zélé mi sɛ! Nɛ bá wala 'do mi, nɛ nɛ sɛ a owi yangga.

WI LENGGE WE 8:5

Wi kɛ a dɛ mbulanɔ 'da nwa, nɛ nde a kpá sɛ 'dã mɔ gɔ. Wi hã zã ĩ de wena na, mbe ngba soe kpo, nɛ Gale a 'bili sɛ wenɔ.

EZEKIƐLƐ 36:27

Mi tombo sɛ Hi Wi 'da mi dɛ ngɔ nɛ, nɛ nɛ dɛ sɛ mbulanɔ 'da mi, kɛ mi hã ma hã nɛ ni.

LUKA 11:28

Nɛ Yezu gese tɛ mɛ 'bɔ na: “Owinɔ kɛ wa zele we nu Gale, nɛ wa dɛ ma ni, yangga 'da wa nɛa ngɔ mɛnɔ vɛ̃.”

YOANƐ 14:21

“Wele kɛ a zele mbulanɔ 'da mi, kɔ a dɛ ma, nɛ nde wi kɔ̃ gɛnɛ mi a ni. Nɛ Baa mi a kɔ̃ sɛ gɛnɛ wi kɛ a kɔ̃a mi ni, nɛ mi kɔ̃ sɛ tɛ mɛ 'bɔ gɛnɛ wi ni, nɛ mi be sɛ tɛ mi hã a.”

YOANƐ 14:23

Nɛ Yezu gese hã a na: “Wi kɛ a kɔ̃ gɛnɛ mi, nɛ a dɛ sɛ olo nu mi, nɛ Baa mi a kɔ̃ sɛ gɛnɛ a. Nɛ lɛ do Baa mi, lɛ tɛ sɛ, nɛ lɛ ɔ do a fai.

YOANƐ 15:5

“Mi a te vinɔ, nɛ nɛ a ogbakɔ̃ nɛ. Wi kɛ a 'bana dɛ kɔ mi, nɛ mi 'bana dɛ kɔ a ni, a ɔ nɛ gbakɔ̃ te kɛ ma wala nɛ ge nde ni. Kɔ fala kɛ mi 'bànà dɛ kɔ nɛ gɔ, nɛ nde nɛ wé sɛ tɛ dɛ mɔ kpo gɔ.

YOANƐ 6:56

Wele kɛ a nyɔngɔ kili tɛ mi, hã a nɔ tɔkɔ tɛ mi, nɛ lɛ sɛ do a wele kpo.

ROMA 8:1

Kɔ ngangga ni, Gale a 'bílí sɛ 'bɔ 'dã we dɛ zu winɔ kɛ wa mba kpo do Yezu Kristo ia ni gɔ.

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

2 KORINTƐ 5:17

Fala kɛ wele hɔ wi 'da Kristo, nɛ nde a hɔa mbé wele ia. Ã mɛnɔ zi ni ma la, nɛ mbé mɛnɔ ma hɔa.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

ZAKE 2:22

Mɔ zɔ́, kɔ̃a we 'da Abrahama ma nɛ zi fala nɛ kpo do mɛnɔ a dɛ ni. Nɛ mɛnɔ a dɛ zi ni, ma 'dafa kɔ̃a we 'da a, nɛ ma wia ngboo.

1 YOANƐ 3:24

Owinɔ kɛ wa dɛ mbulanɔ 'da Gale dɛa ni, wa a kɔ Gale, nɛ Gale tɛ mɛ 'bɔ kɔ wa boe. Nɛ lɛ ĩ na, a 'bana dɛ kɔ lɛ, we kɛ Hi Wi Santo kɛ a hã a hã lɛ ni, a a tɔ̃ ma hã lɛ.

1 YOANƐ 4:17

Fala kɛ kɔ̃a zã 'da lɛ dɛ 'da Gale ma we ngboo, nɛ nde lɛ dɛ́ sɛ kili do ngba soe kɛ a tɛ sɛ we 'bili we 'da winɔ ni gɔ. Mba gɔ, dɛa mɔ tɛ lɛ ngɔ nù gɛ, ma wia kɔ̃ do kɛ 'da Yezu.

1 YOANƐ 4:18

Wi kɛ Gale kɔ̃a gɛnɛ a ni, a 'bɔ do kili dati Gale bina. Ngbongbo kɔ̃a zã lɛ kɔ̃a do Gale ni, ma fua kili kɔ sila lɛ vɛ̃ do'do. Wi kɛ a do kili kɔ sila a ni, nɛ kili ɔ we a nɛ etumbu ni. Ki ni ma be na, a tɛ kɔ̃̀ gɛnɛ Gale ngboo gɔ.

1 YOANƐ 5:2

Lɛ ĩ na, lɛ kɔ̃a gɛnɛ benɔ 'da Gale, we kɛ lɛ kɔ̃a gɛnɛ Gale, nɛ lɛ dɛ mbulanɔ 'da a ni.

1 YOANƐ 5:20

Lɛ ĩ 'bɔ na, Yezu Be 'da Gale tɛa zi ngɔ nù gɛ, nɛ a hã hã zã hã lɛ na, lɛ ĩ ti ngbongbo Gale. Nɛ lɛ 'bana dɛ kɔ Gale do wala 'da Be 'da a Yezu Kristo. A a ngbongbo Gale, nɛ a hã kpasi kɛ ma é sɛ gɔ ni hã lɛ.

2 YOANƐ 1:6

Nɛ zɔ́, wi kɛ a kɔ̃ gɛnɛ Gale, nɛ a dɛ sɛ mbulanɔ 'da a. Nɛ kpo mbula kɛ nɛ zila zi dati belee ni, mɛ a kɛ na, nɛ kɔ̃́ gɛnɛ ongba nɛ fai.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 14:12

We duzu ki ni, ma wia na, owinɔ 'da Gale kɛ wa dɛ mbulanɔ 'da a, nɛ wa do kɔ̃a we dɛ 'da Kristo ni, wa ɔ do du sila.