1 YOANƐ 2:3 - WE NU GALE 1995

³ Fala kɛ lɛ dɛ mbulanɔ 'da Gale, nɛ ma be sɛ na, lɛ ĩ ti a.

1 YOANƐ 2:3 Iomraidhean Croise

Zumanɔ 119:32

Mi do hɛ̃lɛ̃ we yɛnggɛ li wala mɔ bia hã mi ni, we kɛ mɔ fĩ hã zã mi na mi ĩ gulu nɛ.

Zumanɔ 119:6

Fala kɛ mi dɛ mbula 'da mɔ na mɛ ni, nɛ nde sape bá sɛ li mi gɔ.

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

LUKA 6:46

“Gulu kɛ nɛ sa li mi na: ‘Nwa, Nwa,’ nɛ nde nɛ dɛ́ mbula nu mi gɔ we ge nde?

YOANƐ 14:15

“Fala kɛ nɛ kɔ̃ gɛnɛ mi, nɛ nɛ dɛ sɛ mbulanɔ 'da mi.

YOANƐ 15:10

Fala kɛ nɛ dɛ mbula 'da mi, nɛ mi kɔ̃ sɛ gɛnɛ nɛ fai, ɔ nɛ kɛ mi dɛ mbulanɔ 'da Baa mi, nɛ a 'bana tɛ kɔ̃ gɛnɛ mi fai ni.

YOANƐ 15:14

Kɔ fala kɛ nɛ dɛ mbula 'da mi, nɛ nde nɛ a oyali ngba mi.

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

OHEBRE 5:9

Kɔ Gale zɔa na, Yezu dɛa toe 'da a, nɛ ma wia vɛ ia ni, nɛ Gale ia a do wi hã kpasi kɛ ma é sɛ gɔ ni hã winɔ vɛ̃, kɛ wa zele nu a ni.

1 YOANƐ 2:13

Kɛ 'da nɛ, obaa mi, mi kɔma hã nɛ na, nɛ ĩ ti wi kɛ a zɛ́ boe fai, yolo do ndo nyanga mɛnɔ ni. Nɛ nɛ, zagbãlãnɔ, mi kɔma ma hã nɛ na, nɛ nɛa ngɔ Satana.

1 YOANƐ 3:14

Lɛ ĩ na, lɛ hɔa nza kɔ fio, nɛ lɛ do kpasi. Lɛ ĩ ní we kɛ lɛ kɔ̃a gɛnɛ ongba lɛ ni. Kɔ wi kɛ a kɔ̃̀ gɛnɛ ongba a gɔ ni, a 'bana kɔ fio.

1 YOANƐ 3:19

Fala kɛ lɛ dɛ na mɛ ni, nɛ lɛ ĩ sɛ na, lɛ a obenɔ 'da Gale, kɛ a a gbãlã we ngboo ni, nɛ lɛ dɛ́ sɛ kili kɔlɔ do a gɔ.

1 YOANƐ 3:6

Na mɛ ni, wi kɛ a 'bana dɛ kɔ Yezu ni, a dɛ́ 'bɔ 'dã mɔ gɔ. Nɛ wi kɛ a 'bana tɛ dɛ 'dã mɔ fai ni, a zɔ̀ Yezu gɔ, nɛ a ĩ̀ 'bɔ ti a gɔ.

1 YOANƐ 4:13

Lɛ ĩ na, lɛ 'bana dɛ kɔ Gale, nɛ Gale 'bana dɛ kɔ lɛ, we kɛ a hã Hi Wi 'da a hã lɛ ni.

1 YOANƐ 4:7

Aa nɛ, oyali ngba mi, ma wia na, lɛ kɔ̃ gɛnɛ ngba lɛ, we kɛ wele kɔ̃a zã a mɔ́ Gale. Wi kɛ a kɔ̃ gɛnɛ ngba a ni, a a be 'da Gale, nɛ a ĩ ti Gale.

1 YOANƐ 5:19

Lɛ ĩ na, lɛ a benɔ 'da Gale, nɛ tala winɔ nù gɛ vɛ, wa 'bana ti ngawi 'da Satana.

1 YOANƐ 5:2

Lɛ ĩ na, lɛ kɔ̃a gɛnɛ benɔ 'da Gale, we kɛ lɛ kɔ̃a gɛnɛ Gale, nɛ lɛ dɛ mbulanɔ 'da a ni.

1 YOANƐ 5:3

Mba gɔ, fala kɛ lɛ kɔ̃ gɛnɛ Gale kɔ̃a, nɛ lɛ dɛ sɛ mbulanɔ 'da a. Nɛ mbulanɔ kɛ a hã hã lɛ ni, ma ngàndà la li gɔ.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 14:12

We duzu ki ni, ma wia na, owinɔ 'da Gale kɛ wa dɛ mbulanɔ 'da a, nɛ wa do kɔ̃a we dɛ 'da Kristo ni, wa ɔ do du sila.

USU MƐNƆ 22:14

Winɔ kɛ wa fɔlɔ tulu tɛ wa, nɛ ma sa ni, wa a wi yangga. Wa le sɛ do nu ngbo gã le, nɛ wa nyɔngɔ sɛ wala te kɛ ma hã kpasi ni.