1 YOANƐ 2:2 - WE NU GALE 1995

² A a wi kɛ a hã zi tɛ̃ a nɛ́ dɔnggamɔ we si do ku'da 'dã mɛnɔ zu lɛ. A dɛ̀ ni tati nɛ we lɛ iko gɔ, nɛ nde a dɛa ní we owinɔ ngɔ nù gɛ vɛ́.

1 YOANƐ 2:2 Iomraidhean Croise

Levitɛnɔ 16:10

Nɛ a ba wele kɛ 'da Azazɛlɛ, nɛ a be a do tunu li a hã mi NWA. 'Do nɛ, nɛ a da kɔ̃ a tɛ̃ a, nɛ a yu si 'da Azazɛlɛ tɛ li gba zɔ́ i. Nɛ mɛ a dɛa ni, ma fo sɛ ku'da 'dã mɛnɔ zu obe Israɛlɛ.

LUKA 14:22

Wi toe ni nɛa, nɛ a kpolo tɛ̃ a, nɛ a tɔ̃ na: ‘Nwa 'da mi, mi dɛa toe mɔ tumba sɔ mi we nɛ ni ia. Nɛ nde wila falanɔ 'bana.’

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

YOANƐ 12:32

Kɔ 'da fala kɛ wa ba sɛ mi dɛ ngɔ ni, nɛ mi dɛ sɛ na, winɔ vɛ̃ wa tɛ dɛ 'da mi.”

YOANƐ 4:42

Nɛ wa tɔ̃ hã wuke na: “Lɛ kɔ̃̀ zu li Yezu we wenɔ kɛ mɔ tɔ̃a hã lɛ ni gɔ. Nɛ nde lɛ kɔ̃a, we kɛ lɛ zila a do zala lɛ, nɛ lɛ ĩ ngboo na, a a Wi kpasa winɔ ngɔ nù gɛ.”

OHEBRE 2:17

We duzu ma, ma wia zi na, Yezu we kɔ̃ do onya a kɔ omɛnɔ vɛ, takɔ a ɔ gã nwa nganga 'da wa, kɛ a ĩ 'bako hã Owele, nɛ a dɛ to hã Gale nɛ́ kɛ ma wia ni na, a fo ku'da 'dã mɛnɔ zu winɔ.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

1 YOANƐ 3:5

Nɛ nde nɛ ĩ na, Yezu Kristo tɛa zi ngɔ nù gɛ we fo ku'da 'dã mɔ zu winɔ, nɛ nde a ngboo ni, a dɛ̀ 'dã mɔ kpo gɔ.

1 YOANƐ 4:10

Nɛ kɔ̃a zã ni, mɛ a kɛ na, lɛ a lɛ kɔ̃̀ zi gɛnɛ Gale dati gɔ, nɛ nde a kɔ̃a gɛnɛ lɛ dati, nɛ a tumba Be 'da a, takɔ a fe we si ku'da 'dã mɛnɔ zu lɛ.

1 YOANƐ 4:14

Lɛ zɔa zi do gbali lɛ na, Gale Baa lɛ tumba Be 'da a, takɔ a kpasa winɔ ngɔ nù gɛ, nɛ lɛ a Owi tɔ̃ gulu nɛ hã winɔ.

1 YOANƐ 5:19

Lɛ ĩ na, lɛ a benɔ 'da Gale, nɛ tala winɔ nù gɛ vɛ, wa 'bana ti ngawi 'da Satana.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.