1 YOANƐ 1:9 - WE NU GALE 1995

⁹ Kɔ fala kɛ lɛ gbala 'dã mɛnɔ 'da lɛ hã Gale nde, nɛ a fo sɛ ku'da nɛ zu lɛ, nɛ a fɔlɔ sɛ 'dã mɛnɔ kɔ lɛ vɛ. We kɛ a a wi bɔlɔ zu, nɛ a dɛ do nu a dɛa fai.

1 YOANƐ 1:9 Iomraidhean Croise

1 Onwanɔ 8:30

Mɔ zélé sambala 'da mi, do kɛ 'da obe Israɛlɛ, winɔ 'da mɔ. 'Da fala kɛ wa siki li wa dɛ fala gɛ we sambala mɔ, nɛ mɔ zélé sambala 'da wa. Nɛ mɔ NWA kɛ mɔ dungu li nza i ni, mɔ zélé lɛ, nɛ mɔ fó ku'da 'dã mɛnɔ zu lɛ.

1 Onwanɔ 8:47

Nɛ nde mbe gɔ, nɛ kɔ le ngbá i mɔ ni, nɛ obe Israɛlɛ wa kpa linggamɔ, nɛ wa ma ngɔ ala nu wa hã mɔ. Nɛ wa tɔ̃ na, lo bɛ̃a we nu mɔ, lo dɛa 'dã mɔ, lo káfá gɔ!

NEHEMIE 1:6

Ngangga ni, mɔ síkí li mɔ dɛ 'da mi, hã mɔ zélé sambala 'da mi, wi toe 'da mɔ. Tũ do gba wese, mi aka mɔ we duzu lɛ Oyudanɔ, wi tonɔ 'da mɔ, nɛ mi gbala 'dã mɛnɔ kɛ lɛ dɛa ni. Gbãlã we, mi ĩ na, mi do oyaa mi, lɛ dɛa 'dã mɔ.

Zumanɔ 19:12

Aa NWA, mɔ zɔ́ mi wi toe 'da mɔ, mi ĩ na, mɔ hã ombulanɔ, takɔ li mi ĩ mɔ. Wi kɛ a dɛ olo nu mɔ, nɛ a kpa sɛ de mɔ.

Zumanɔ 32:5

Mi zɔa ni, nɛ mi ùsù 'bɔ 'dã mɛ 'da mi gɔ, nɛ mi gbala ma vɛ̃ hã mɔ nwa, nɛ mɔ fua ku'da nɛ zu mi.

Kulu Tɔa 34:7

Mi fo 'dã mɛnɔ do nga zui 'da owinɔ, nɛ mi be dia zã 'da mi hã wa kɔ sabɛlɛ do sabɛlɛ. Kɔ fala kɛ wele dɛ 'dã mɔ, nɛ nde mi lá a iko gɔ, nɛ mi hã etumbu hã a do owi nu fɛlɛ a, gbaa we hɔ ngɔ obe yaa a do okanggadɔkɔ a.”

GBA WENƆ 28:13

Mɔ usu 'dã mɛnɔ 'da mɔ, nɛ tonɔ 'da mɔ ma lá sɛ do dia nɛ gɔ. Nɛ nde mɔ gbala ma dɛ nza, kɔ mɔ la fala nɛ, nɛ Gale a ĩ sɛ 'bako hã mɔ.

Ezai 45:21

Nɛ tɛ́, hã nɛ tɔ̃ ngbangga 'da nɛ. Nɛ bá zã zu we, nɛ nɛ bé dia gulu we 'da nɛ dɛ nza. Wi kɛ a tɔ̃a zɛ́ gulu mɛnɔ kɛ ma dɛ tɛ̃ ɛ sɔɛ gɛ zɛ́ dati belee ia ni, wi a wio nde? Wi tati a mi NWA Gale, kɛ mi kpasa owinɔ 'da mi ni. Nɛ fo gele gale olo mi bina.

Yeremi 3:13

Wa gbálá tati a 'dã mɛnɔ 'da wa, nɛ wa tɛ kàfà na, wa bɛ̃a zi gɛnɛ mi, NWA Gale 'da wa ni gɔ. Wa gbálá tɛ wa na, wa nɛa zi 'dɔkɔlɔ ogele galenɔ tɛ ti tenɔ kɛ nwá nɛ 'bɔa nɛ ge nde ni, nɛ wa zèlè zi we nu mi gɔ. Mi NWA, mi tɔ̃a ni.”

Yeremi 33:8

Mi fo sɛ ku'da 'dã mɛnɔ kɛ wa dɛa zi do mi ni zu wa, nɛ mi ele sɛ ma do'do.

ALA NU 3:23

Nɛ kɔ̃a zã 'da a ma gã wena, a be ma hã winɔ titole kpo kpo ɔ nɛ wese ni.

EZEKIƐLƐ 36:25

Mi sulu sɛ gɛ̃lɛ̃ li lì dɛ ngɔ nɛ, nɛ ma fɔlɔ ndi kpikimanɔ do gele ndinɔ tɛ nɛ do'do.

EZEKIƐLƐ 37:23

Nɛ wa dɔ́nggɔ́ sɛ 'bɔ okpikima na, wa hɔ wi ndi li mi gɔ. Wa 'dángá sɛ 'bɔ sila wa we dɛ 'dã mɔ kpi do kpi gɔ. Mi fɔlɔ sɛ ndi 'dã mɛnɔ 'da wa tɛ wa, nɛ wa sɛ a winɔ 'da mi, nɛ mi sɛ a Gale 'da wa.

ZAKARIA 9:9

Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ kaliã. Nɛ zɔ́ nwa 'da nɛ, a tɛ tɛ nɛ. A a wi bɔlɔ zu, nɛ a nɛa ngɔ owi sɛnɛ a li bolo. Nɛ nde a ba tɛ̃ a dɛ nù, nɛ a kũ ngɔ be punda.

MATIE 3:6

nɛ wa gbala 'dã mɛnɔ 'da wa dɛ li winɔ vɛ̃. Nɛ Yoanɛ batisa wa 'dɔ lì Yɔrdanɛ.

MARKO 1:5

Nɛ Owi ngɔ nù Yude, do Owi Yeruzalɛmɛ vɛ̃ wa tɛa 'da a, nɛ wa gbala 'dã mɛnɔ 'da wa dɛ li winɔ vɛ̃. Nɛ Yoanɛ batisa wa 'dɔ lì Yɔrdanɛ.

LUKA 22:57

Nɛ Petro kafa na: “Wuko, mi ĩ̀ ti wi mɔ sa li a gɛ gɔ.”

YOANƐ 17:25

Baa mi, mɔ a wi bɔlɔ zu, nɛ winɔ nù gɛ wa ĩ̀ ti mɔ gɔ. Nɛ nde mi ĩ ti mɔ, nɛ wanɔ kɛ mi do wa gɛ wa ĩ na, wi a mɔ a mɔ tumba mi.

Owi Nɛ Tonɔ 19:18

Nɛ gili winɔ kɛ wa kɔ̃a zu li Yezu ni, wa gbala tɛ wa ngɔ mɔ sɔ̃nɔ wa dɛ zi ni. Nɛ wa tɛa do mbɛti mɔ sɔ̃nɔ 'da wa, nɛ wa dɔ ma dɛ li winɔ vɛ. Mbɛtinɔ ni zi a mbɛti olo 'bu koto mɔlɔ.

ROMA 3:26

A kunu zɛ́ sila a ngɔ 'dã mɛnɔ ni. Kɔ do ngba soenɔ lɛ do ma gɛ, Gale kɔ̃a we be bɔlɔ zui 'da a hã winɔ, nɛ a dɛ na, winɔ vɛ kɛ wa kɔ̃a zu li Kristo ni, wa hɔ wi bɔlɔ zu li a.

1 KORINTƐ 1:9

Gale, kɛ a dɛ olo nu a fai ni, a sa zi mɔ hã nɛ, nɛ a mba li nɛ do Be 'da a Yezu Kristo, Nwa 'da lɛ, nɛ nɛ hɔa wele kpo.

1 KORINTƐ 6:11

Nɛ ombe sanga nɛ ni, wa dɛ zi 'dã mɛnɔ ni dɛa. Nɛ nde Gale fua ku'da 'dã mɛnɔ 'da nɛ ia, nɛ a dɛa na, nɛ hɔ owinɔ 'da a, nɛ nɛ hɔ owi bɔlɔ zu li a. A dɛa ni do wala 'da Hi Wi 'da a, do zu li Nwa Yezu Kristo.

EFƐZƐ 5:26

A dɛa zi ni na, Eklezia hɔ mɔ mɔ́ Gale. A fɔlɔ zi ma do lì batisimɔ, do we nu Gale.

Mbulanɔ 7:9

Nɛ ĩ́ na tati a NWA Gale 'da nɛ, a zu a kpo a ngbongbo Gale. Winɔ kɛ wa dɛ mbulanɔ 'da a dɛa ni, a be sɛ kɔa zã 'da a hã wa, nɛ a dɛ sɛ olo gba tɔkɛ 'da a do wa kɔ sabɛlɛ do sabɛlɛ.

1 TIMOTE 1:15

Kɔ mɔ zɔ́, we wa tɔ̃a zi na, Yezu tɛa ngɔ nù gɛ we kpasa o'dã winɔ ni, mɛ a gbãlã we. Nɛ ma wia na, winɔ vɛ wa kɔ̃ ma do sila wa kpo. Nɛ sanga owi dɛ 'dã mɛnɔ ni, mi nɛa ngɔ wa vɛ.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 10:23

Lɛ tɛ mbɔ̀kɔ̀ gɔ, lɛ gbíní zã lɛ do mbuli 'da Gale kɛ lɛ kɔ̃a gɛnɛ nɛ ni, we kɛ lɛ ĩ na, Gale kɛ a kpua mbuli do lɛ gɛ, a dɛ sɛ olo nu a.

OHEBRE 11:11

We duzu kɛ Abrahama zɛ́ do kɔ̃a we dɛ 'da Gale ni, ma kɛ Gale dɛa na, a ko be. Gɛnɛ kɔ Abrahama dɛ zi gbɛlɛ wena, nɛ wuke 'da a Sara wè zi 'bɔ we ko be gɔ, nɛ nde Abrahama gbini zi zã a do Gale na, a dɛ sɛ mbuli a kpua hã ɛ ni.

OHEBRE 6:10

Gale a wi bɔlɔ zu, nɛ ta zu a élé sɛ ngɔ de dɛa mɛnɔ 'da nɛ, do kɔ̃a zã nɛ kɔ̃a do a ni gɔ. We kɛ a zɔa tɛlɛ tɛ kɛ nɛ gala zi onya nɛ wi kɔ̃a wenɔ, nɛ nɛ 'bana tɛ gala wa tia do sɔɛ gɛ ni.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

USU MƐNƆ 15:3

kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.