1 YOANƐ 1:8 - WE NU GALE 1995

⁸ Fala kɛ lɛ tɔ̃ na, lɛ do 'dã mɔ bina, nɛ nde lɛ ɔlɔ tɛ lɛ iko, nɛ gbãlã we kɔ sila lɛ bina.

1 YOANƐ 1:8 Iomraidhean Croise

1 Onwanɔ 8:46

“Aa NWA, mɔ ĩ na, fo wi zɔlɔ bɛ̃ we nu mɔ mba mba fala kpo iko ni, a bina! Ma kɛ 'da fala kpo, nɛ obe Israɛlɛ wa bɛ̃ sɛ we nu mɔ, nɛ mbe gɔ, nɛ zã mɔ ma nɔ̃lɔ̃ sɛ dɛ tɛ wa. Nɛ mɔ 'dɔlɔ sɛ wa hã owi sɛnɛ wa, nɛ mɔ dɛ na, owinɔ ni, wa kala wa do ngbá, nɛ wa si do wa ndũu dɛ kɔ lenɔ 'da wa.

2 Onwanɔ 20:15

Nɛ Ezai 'bɔ na: “Nɛ mɛ kɛ wa zɔa kɔ tɔa 'da mɔ ni a ge nde?” Nɛ Ezekiasi na: “Wa zɔa mɛnɔ kɔ tɔa 'da mi ni vɛ̃. Nɛ mi bia kpamɛnɔ 'da mi vɛ̃ hã wa, mi ùsù mɔ kpo do wa gɔ.”

2 Sakonɔ 6:36

“Aa nwa, mɔ ĩ na, wi zɔlɔ bɛ̃ we nu mɔ mba mba fala kpo iko ni, a bina! Ma kɛ 'da fala kpo, nɛ obe Israɛlɛ wa bɛ̃ sɛ we nu mɔ, nɛ mbe gɔ, nɛ zã mɔ ma nɔ̃lɔ̃ sɛ dɛ tɛ wa. Nɛ mɔ 'dɔlɔ sɛ wa hã owi sɛnɛ wa, nɛ mɔ dɛ na, owinɔ ni wa kala wa do ngbá, nɛ wa si do wa ndũu dɛ kɔ lenɔ 'da wa.

YƆBƆ 14:4

Nɛ nde wi wia we kpa mɔ kɛ ma ɔ sa ni kɔ wele, kɛ wa a wi ndi ni, wi a wio nde? Wele kpo bina.

YƆBƆ 15:14

Wele wia we tɔ̃ na, ɛ dɛ́ 'dã mɔ gɔ, nɛ nde ɛ a wi bɔlɔ zu nde?

YƆBƆ 25:4

Wi wia do kpa dia gulu we dati Gale, nɛ a tɔ̃ na ɛ a wi bɔlɔ zu a wio nde? Wele bina.

YƆBƆ 9:2

Mi ĩ na, ma ní do gbãlã we, nɛ nde wele wia tɛ ba kafi do Gale nde?

Zumanɔ 143:2

Mi ĩ na, fo dia wi ngboo li mɔ bina, kɔ mi aka mɔ na, mɔ tɛ fì mi, wi toe 'da mɔ li ngbangga gɔ.

GBA WENƆ 20:9

Wi kɛ a wia we tɔ̃ na, ɛ a dia wi, nɛ ɛ dɛ́ 'dã mɔ gɔ ni a wio nde?

WI LENGGE WE 7:20

We kɛ ngɔ nù gɛ vɛ̃, fo wi bɔlɔ zu ngboo kɛ a wè tɛ dɛ 'dã mɔ gɔ ni bina.

Ezai 53:6

Lɛ vɛ̃ lɛ yɛnggɛ zi mba mba ɔ nɛ odua kɔ ba'de kɛ wa kpè nu wa gɔ ni. Nɛ lɛ dɛ zi tati a mɛnɔ kɛ zã lɛ kɔ̃a gɛnɛ nɛ ni. Nɛ nde NWA kala 'dã mɛnɔ 'da lɛ, nɛ a a zu wi toe 'da a na, a si olo ku'da nɛ.

Ezai 64:6

Wele wè tɛ kunu sila a gɔ, wele wè tɛ yolo nù dati mɔ we tɔ̃ we hã mɔ gɔ. Mba gɔ, mɔ kɔ̃̀ we zɔ lɛ gɔ, nɛ mɔ 'dɔlɔ lɛ we 'dã mɛnɔ 'da lɛ.

Yeremi 2:35

Gɛnɛ kɔ na mɛ ni, nɛ nɛ tɔ̃ na, lo dɛ̃ 'dã mɔ gɔ. Nɛ nɛ lengge na, mi nwa, mi fí sɛ nɛ li ngbangga gɔ. Nɛ nde ɔ nɛ kɛ nɛ tɔ̃ na, nɛ dɛ̃ 'dã mɔ gɔ ni, mi fi sɛ wá nɛ li ngbangga.

Levitɛnɔ 13:12

Nɛ nde fala kɛ gba talɛ a tɛ wele, kɔ ma kpa tɛ̃ a vɛ̃, yolo zu a we hɔ nyanga a,

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

ROMA 3:10

Ma ɔ nɛ kɛ wa kɔma kɔ 'Buki 'da Gale na: “Fo wi bɔlɔ zu bina, mbamba wele kpo iko bina.

ROMA 3:23

we duzu kɛ winɔ vɛ wa dɛa 'dã mɔ, nɛ wa nyɛlɛ do dɔ̃lɔ̃ li 'da Gale.

1 KORINTƐ 3:18

Kɔ da dɛ kɔ wele ɔ́lɔ́ tɛ ɛ gɔ. Fala kɛ mbe wele kpo sanga nɛ ni lengge na, ɛ do hã zã ɔ nɛ kɛ 'da winɔ ngɔ nù gɛ, nɛ ma wia na, a e tɛ a nɛ́ wi bɔ ni, takɔ a hɔ wi hã zã ngboo.

GALATI 6:3

Wi kɛ a lengge na, ɛ nɛa ngɔ tala ongba ɛ, nɛ nde a nɛ ngɔ wa gɔ ni, a ɔlɔ tɛ́ a wele nɛ.

1 TIMOTE 6:5

Nɛ ma dɛ 'bɔ na, kafi le sanga owinɔ kɛ hã zã wa 'danga do'do, nɛ wa ĩ̀ ti gbãlã we gɔ, nɛ wa zɔ ba tɛ wi hã Gale nɛ́ wala fa do kpamɔ ni.

2 TIMOTE 3:13

Nɛ o'dã winɔ do Owi ɔlɔ winɔ, 'dã mɛ 'da wa ma gã sɛ dɛ dati fai. Wa ɔlɔ sɛ winɔ, nɛ Owele wa ɔlɔ sɛ tɛ mɛ 'bɔ wa.

ZAKE 1:22

Nɛ dɛ́ mbula 'da Gale, nɛ tɛ zèlè do zala nɛ iko gɔ. Ní gɔ, nɛ nde nɛ ɔlɔ tɛ nɛ iko.

ZAKE 1:26

Kɔ fala kɛ mbe wele lengge na, ɛ a wi dɔnggɔ Gale, kɔ a ĩ̀ ti fɔmɔ lɛnggɛ nu a gɔ, nɛ nde a ɔlɔ tɛ a iko, nɛ dɔngga wi a dɔnggɔ do Gale ni ma yala iko.

ZAKE 3:2

Lɛ vɛ, lɛ dɛ 'dã mɔ wena. Nɛ nde wi kɛ a yɔ́ nu a fala kpo gɔ ni, a a dia wi ngboo, nɛ a ĩ 'bɔ ti zimi tɛ̃ a do dia nɛ.

2 PETRO 2:13

Nɛ tɛ wa ma zɛlɛ sɛ olo ngamɛ wa hã zi hã ogele winɔ ni. Wa dɛ yangga wena we dɛ 'dã mɛnɔ 'da wa do gbo gba wese. Kɔ 'da fala kɛ wa mba li ngba wa fala nɛ kpo do nɛ we nyɔngɔ mɔ, nɛ wa 'danga sako li nɛ, nɛ wa hã sape hã nɛ. Nɛ 'da fala wa ma ngɔ ɔlɔ nɛ na mɛ ni, nɛ ma de tɛ wa wena.

1 YOANƐ 1:10

Kɔ lɛ tɔ̃ na, lɛ dɛ̀ 'dã mɔ gɔ, nɛ nde lɛ ba Gale do wi 'bili bɛlɛ, nɛ we nu a kɔ sila lɛ bina.

1 YOANƐ 1:6

Fala kɛ lɛ tɔ̃ na, lɛ mba do a kpo, kɔ lɛ 'bana tɛ yɛnggɛ kɔ gba tũ, nɛ nde lɛ a wi 'bili bɛlɛ, nɛ lɛ dɛ́ gbãlã we dɛa mɔ li Gale gɔ.

1 YOANƐ 2:4

Kɔ wi kɛ a tɔ̃ na, ɛ ĩ ti Gale, nɛ nde a dɛ́ mbulanɔ 'da a gɔ ni, a a wi 'bili bɛlɛ, nɛ fo gbãlã we kɔ sila a bina.

1 YOANƐ 4:20

Wi kɛ a tɔ̃ na, ɛ kɔ̃a gɛnɛ Gale, kɔ a sɛnɛ ngba a, nɛ nde a a wi 'bili bɛlɛ. Mba gɔ, a zɔ ngba a zɔa, nɛ a kɔ̃̀ gɛnɛ ngba a ni gɔ, nɛ a nɛ dɛ fala kɔ̃ gɛnɛ Gale, kɛ a zɔ́ a gɔ ni nɛ nde?

2 YOANƐ 1:2

Mba gɔ, gbãlã we 'da Gale kɔ sila lɛ boe, nɛ ma 'bana sɛ dɛ kɔ sila lɛ fai.

3 YOANƐ 1:3

'Da fala kɛ ombe onya lɛ wa hɔa 'da lɛ nga, nɛ mi dɛa yangga wena we zele sakoe 'da mɔ na, mɔ 'bana tɛ kɔ̃ gɛnɛ gbãlã we 'da Gale, ɔ nɛ kɛ mɔ kɔ̃a zi do ma fai ni.