1 YOANƐ 1:7 - WE NU GALE 1995

⁷ Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

1 YOANƐ 1:7 Iomraidhean Croise

Zumanɔ 104:2

Yele ngbala kpa kɛ zã mɔ vɛ̃. Mɔ yala gbau li nza ɔ nɛ gbau tande ni,

Zumanɔ 51:2

'Do kɛ Davidi ɔa zi do Baseba, wuko 'da Uri ni, nɛ Natanɛ, wi gba olo nu Gale nɛa we dãlã dɛ tɛ̃ a, nɛ Davidi kɔ̃a gɛnɛ 'dã mɛ 'dɛ e. Ma hã a kɔma lɛnggɛ nɛ ko zuma ge.

Zumanɔ 56:13

Aa Gale, mi hã sɛ dɔnggamɔ hã mɔ, ɔ nɛ kɛ mi kpua mbulu nɛ ni, nɛ mi gese sɛ iɔ̃nae hã mɔ.

Zumanɔ 89:15

Gbãlã we do de dɛa mɛ 'da mɔ, ma nganda dɛa to nwa 'da mɔ. Nɛ bɔlɔ zu do kɔ̃a zã be tɛ̃ ɛ nza kɔ toe mɔ dɛ ni.

Zumanɔ 97:11

Fala sa 'da Owi bɔlɔ zunɔ, nɛ Owi dia silanɔ wa do yangga.

Ezai 2:5

Aa nɛ, obe zã Yakɔbɔ, nɛ kúlú ngɔ hã lɛ mbá ngba lɛ kpo, hã lɛ yɛnggɛ kɔ sa fala kɛ nwa hã ma hã lɛ gɛ.

Ezai 33:24

Wi Yeruzalɛmɛ kpo álá sɛ 'bɔ nu ɛ na, ɛ do zɛlɛ gɔ. Nɛ 'dã mɛnɔ ma fo sɛ tɛ̃ ɛ zu owinɔ kɔ le ni vɛ̃.

Ezai 6:7

Nɛ a dĩ ma tɛ nu mi, nɛ a na: “NWA fua 'dã mɛ 'da mɔ, nɛ fo 'bɔ ku'da 'dã mɔ zu mɔ bina, we kɛ mɛ gɛ dĩ tɛ nu mɔ ni.”

AMƆSI 3:3

Nɛ zɔa mbe na, Owele bɔa wa gɔnɔ wala fala nɛ kpo, nɛ nde wa bà zã zu we nɛ dati gɔ nde?

ZAKARIA 13:1

NWA ngɔ mɔ nyanga nza vɛ̃ tɔ̃a na: “'Da fala ni ma we, nɛ fua lì ma go'do sɛ, nɛ mi fɔlɔ sɛ 'dã mɛnɔ 'da obe zã Davidi do tala winɔ kɔ le Yeruzalɛmɛ do lì ni.

MATIE 6:12

Mɔ fó ku'da 'dã mɛnɔ zu lɛ, nɛ mɔ mbɔkɔ lɛ, ɔ nɛ kɛ lɛ tɛ mɛ 'bɔ, lɛ mbɔkɔ ongba lɛ ngɔ 'dã mɛnɔ wa dɛ do lɛ ni.

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

YOANƐ 12:35

Nɛ Yezu tɔ̃ hã wa na: “Sa fala 'bana tɛ sa ngɔ nɛ we be kɔ̃ tũ sĩ iko. Kɔ nɛ́ kɛ sa fala 'bana ni, ma wia na, nɛ yɛnggɛ do kɔ sa fala, da dɛ kɔ gba tũ gbángá nɛ gɔ. Wi kɛ a yɛnggɛ kɔ gba tũ ni, a ĩ̀ ti fala a nɛ nɛ ni gɔ.

ROMA 13:12

'Dɔkɔlɔ tũi nyɛla, nɛ fala kɔlɔ tɛ sa nɛ ia. Kɔ lɛ lá fala dɛ 'dã mɛnɔ kɛ ma dɛ tɛ ɛ kɔ gba tũ ni, nɛ lɛ kálá mɔ bi bolo gba wese dɛ kɔ̃ lɛ.

1 KORINTƐ 6:11

Nɛ ombe sanga nɛ ni, wa dɛ zi 'dã mɛnɔ ni dɛa. Nɛ nde Gale fua ku'da 'dã mɛnɔ 'da nɛ ia, nɛ a dɛa na, nɛ hɔ owinɔ 'da a, nɛ nɛ hɔ owi bɔlɔ zu li a. A dɛa ni do wala 'da Hi Wi 'da a, do zu li Nwa Yezu Kristo.

EFƐZƐ 1:7

Nɛ́ kɛ lɛ mba kpo do Kristo ni, ma kɛ tɔkɔ tɛ́ a gɔnɔ zu lɛ kɔ 'dã mɔ, nɛ Gale fua ku'da 'dã mɛnɔ zu lɛ do'do ni. Na mɛ ni, Gale bia na, dia zã 'da a dɛ 'da lɛ

EFƐZƐ 5:8

Mba gɔ, nɛ zi a kɔ gba tũ, kɔ ngangga ni, nɛ mba kpo do Nwa, nɛ nɛ hɔa kɔ sa fala. We duzu ma, nɛ dɛ́ mɔ tɛ nɛ ɔ nɛ kɛ 'da owinɔ wa kɔ sa fala ni.

1 TIMOTE 6:16

A zu a kpo ni, a fé sɛ gɔ. A ɔ tɛ kɔ yele ngbala, kɛ wele wè tɛ kɔlɔ do ma gɔ ni. Wele zɔ̀ zi kuti a fala kpo gɔ, nɛ wele wè 'bɔ tɛ zɔ a gɔ. E kɔ a kpa dɔ̃lɔ̃ li, do ngawi kɔ sabɛlɛ do sabɛlɛ! Amɛ.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 9:14

Ní a tɔkɔ tɛ Kristo nɛ̀ ngɔ ki ni do ngawi gɔ nde? Do wala 'da Hi Wi Santo kɛ a fai boe ni, Kristo hã zi kili tɛ̃ ɛ ngboo we dɔnggɔ do Gale, ɔ nɛ dɔnggamɔ kɛ fo ndi tɛ nɛ bina ni. Nɛ tɔkɔ tɛ̃ a ma fɔlɔ lɛ, nɛ ma fua sila lɛ ngɔ yia dɛa mɛnɔ lɛ dɛ zi ni, takɔ lɛ dɛ to hã Gale, wele kpasi.

ZAKE 1:17

Dia mɛnɔ vɛ̃ ma yolo 'da Baa lɛ Gale tɛ ngɔ i, kɛ a dɛa wese, do zɛkɛ, do sɔlanɔ ni. Gale kpóló tɛlɛ tɛ̃ a gɔ. A ɔ̀ nɛ wese kɛ ma le nù, nɛ ma la lɛ dɛ kɔ gba tũ ni gɔ.

1 PETRO 1:19

Nɛ nde a gɔna zu nɛ do tɔkɔ tɛ Kristo, kɛ ma dia nɛa ngɔ mɔ vɛ ni. Kristo ɔ nɛ be bata kɛ a do 'dã mɔ tabi ndi bi sĩ tɛ a bina, nɛ wa gbɛa a hã Gale ni.

1 YOANƐ 1:3

Lɛ zɔa do gbali lɛ, nɛ lɛ zele do zala lɛ, nɛ lɛ tɔ̃ 'bɔ we nɛ hã nɛ, takɔ nɛ mba do lɛ kpo, ɔ nɛ kɛ lɛ mba do Baa lɛ, do Be 'da a Yezu Kristo kpo ni.

1 YOANƐ 1:5

Toe kɛ lɛ zila dɛ nu Yezu Kristo, nɛ lɛ tɔ̃a hã nɛ ni, ma kɛ: Gale a sa fala, nɛ bi tũ fala sĩ kɔ a bina.

1 YOANƐ 5:6

Yezu Kristo tɛa zi ngɔ nù gɛ, nɛ a kpa batisimɔ 'dɔ lì, nɛ wa gbɛa a, nɛ tɔkɔ tɛ̃ a a nù. A lia zi 'dɔ lì batisimɔ, nɛ tɔkɔ tɛ a a 'bɔ nù. Nɛ Hi Wi 'da Gale tɔ̃ hã lɛ na, mɛ a gbãlã we. Mba gɔ, Hi Wi ni a be gulu gbãlã we hã winɔ.

1 YOANƐ 5:8

Hi Wi 'da Gale, do lì batisimɔ, do tɔkɔ tɛ Yezu. Nɛ ma talɛ nɛ vɛ̃, ma tɔ̃ we kpo.

2 YOANƐ 1:4

Mi dɛa yangga wena we zele na, ombe benɔ 'da mɔ wa dɛ gbãlã we dɛa mɔ, ɔ nɛ kɛ Baa lɛ Gale ba do nu a hã lɛ ni.

3 YOANƐ 1:4

Fo mbé mɔ kɛ ma wia we de tɛ mi nɛ ngɔ zele na, obenɔ 'da mi wa dɛ gbãlã we dɛa mɔ ni bina.

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 7:14

Nɛ mi gese hã a na: “Nwa 'daa, mɔ a mɔ ĩ ti wa!” Nɛ a tɔ̃ hã mi na: “Owinɔ kɛ wa kunu zɛlɛ tɛnɔ vɛ wa kpa zi ni, nɛ wa fɔlɔ tulunɔ 'da wa do tɔkɔ tɛ Be Bata, nɛ ma fɛnga gɛ, wa a ni.