1 YOANƐ 1:5 - WE NU GALE 1995

⁵ Toe kɛ lɛ zila dɛ nu Yezu Kristo, nɛ lɛ tɔ̃a hã nɛ ni, ma kɛ: Gale a sa fala, nɛ bi tũ fala sĩ kɔ a bina.

1 YOANƐ 1:5 Iomraidhean Croise

Zumanɔ 139:12

Nɛ nde gba tũ li mɔ bina. Tũ sa li mɔ ɔ nɛ gba wese ni, nɛ gba tũ do sa fala ma wia kɔ̃ dati mɔ.

Zumanɔ 27:1

Zuma 'da Davidi NWA a wi kpasa mi, a a nyɛa we kɛ ma yele ngɔ mi, mi wè tɛ dɛ kili wele kpo gɔ. NWA a wi amba zu mi, kili wè tɛ ba mi gɔ.

Zumanɔ 36:9

Mɔ hã dia nyɔngɔmɔ hã wa, nɛ wa nyɔngɔ, nɛ dia zã 'da mɔ fo ɔ nɛ lì ni na, wa nɔ.

Zumanɔ 84:11

Mi zɔa na, ɔ kɔ Tɛmpɛloe 'da mɔ tũ kpo, ma dia nɛa ngɔ ɔ gele fala tũ koto kpo. Ɔ dɛ 'do gbangga nu tɔa 'da mɔ Gale 'da mi, ma dia nɛa ngɔ ɔ kɔ tɔa 'da o'dã winɔ.

Ezai 2:5

Aa nɛ, obe zã Yakɔbɔ, nɛ kúlú ngɔ hã lɛ mbá ngba lɛ kpo, hã lɛ yɛnggɛ kɔ sa fala kɛ nwa hã ma hã lɛ gɛ.

Ezai 60:19

“Do gba wese, nɛ nde nɛ 'bɔ́ sɛ na, wese to, hã kɛ zã nɛ sa gɔ. Nɛ do tũi, nɛ nde nɛ 'bɔ́ sɛ na, zɛkɛ to, hã kɛ zã nɛ sa gɔ. Mba gɔ, mi NWA Gale 'da nɛ, mi sɛ a sa fala 'da nɛ 'da fala fai. Nɛ yele ngbala dɔlɔ li 'da mi, ma sa sɛ kɛ zã nɛ.

DANIƐLƐ 2:22

A bia usu mɛnɔ kɛ ma 'du wena dɛ li wele na, a zɔ ma. A ĩ ti mɛnɔ ma usu tɛ̃ ɛ kɔ gba tũ. We kɛ, kɛ zã a vɛ̃ a yele ngbala.

YOANƐ 1:19

Nɛ zélé we kɛ Yoanɛ tɔ̃a zi hã onwa Yudanɔ tɛ Yeruzalɛmɛ, do 'da fala wa tumba ombe nganganɔ do levitɛnɔ na wa nɛ́, kɔ wa aka a do we ni. Wa nɛa, nɛ wa aka a na: “Mɔ a wio nde?”

YOANƐ 1:4

A zɛ́ a wi hã kpasi, nɛ kpasi ni zi a sa fala 'da owinɔ.

YOANƐ 1:9

Sa fala ni zi a ngbongbo sa fala kɛ ma tɛa zi dɛ ngɔ nù gɛ, nɛ ma sa ngɔ winɔ vɛ̃.

YOANƐ 8:12

Nɛ Yezu bia 'bɔ mbé we hã ogili winɔ na: “Mi a sa fala kɛ ma sa ngɔ nù gɛ ni. Kɔ wele kɛ a tɛ 'dɔkɔlɔ mi ni, a yɛ́nggɛ́ sɛ 'bɔ kɔ gba tũ gɔ. A yɛnggɛ sɛ kɔ sa fala, nɛ ma be wala kpasi hã a.”

YOANƐ 9:5

'Da fala kɛ mi 'bana ngɔ nù gɛ ni, nɛ mi a sa fala kɛ ma sa ngɔ nù gɛ ni.”

1 KORINTƐ 11:23

Wenɔ kɛ mi zila zi ma nu Nwa, nɛ mi bia hã nɛ ni, ma kɛ: Do tũi ni, dati na wa 'dɔlɔ Nwa Yezu, nɛ a ba zi mapa,

1 TIMOTE 6:16

A zu a kpo ni, a fé sɛ gɔ. A ɔ tɛ kɔ yele ngbala, kɛ wele wè tɛ kɔlɔ do ma gɔ ni. Wele zɔ̀ zi kuti a fala kpo gɔ, nɛ wele wè 'bɔ tɛ zɔ a gɔ. E kɔ a kpa dɔ̃lɔ̃ li, do ngawi kɔ sabɛlɛ do sabɛlɛ! Amɛ.

ZAKE 1:17

Dia mɛnɔ vɛ̃ ma yolo 'da Baa lɛ Gale tɛ ngɔ i, kɛ a dɛa wese, do zɛkɛ, do sɔlanɔ ni. Gale kpóló tɛlɛ tɛ̃ a gɔ. A ɔ̀ nɛ wese kɛ ma le nù, nɛ ma la lɛ dɛ kɔ gba tũ ni gɔ.

1 YOANƐ 3:11

Nɛ zɔ́, mbula kɛ wa bia zi ma hã nɛ, ndo do kɛ nɛ kɔ̃a zu li Yezu ni, ma kɛ: Ma wia na, lɛ kɔ̃ gɛnɛ ongba lɛ kɔ̃a fai,

USU MƐNƆ 21:23

Wese do zɛkɛ to kɔ le ni gɔ, we duzu kɛ yele ngbala 'da Gale do kɛ 'da Be Bata yele kɔ nɛ.

USU MƐNƆ 22:5

Tũ tu sɛ kɔ le ni gɔ, nɛ winɔ wa sɛ do wɔ tɛ nyɛa we mwinda, tabi tua wese bina, we kɛ yele ngbala 'da Nwa Gale ma yele sɛ ngɔ wa. Nɛ wa dungu sɛ nwa kɔ sabɛlɛ do sabɛlɛ.