1 YOANƐ 1:4 - WE NU GALE 1995

⁴ Lɛ kɔma mbɛti gɛ hã nɛ, takɔ yangga dunu kɔ sila lɛ.

1 YOANƐ 1:4 Iomraidhean Croise

Ezai 61:10

Owi Yeruzalɛmɛ wa tɔ̃a na: Lɛ dɛ yangga we mɛnɔ kɛ NWA dɛa ma gɛ. A tɛa we gbaka lɛ, nɛ a kpasa lɛ kɔ ngamɔ. Nɛ yangga 'da lɛ gã wena ɔ nɛ kɛ 'da winɔ kɛ wa hi'da dia tulu do 'da fala mɔ dɔ ba ngba wi ni.

YOANƐ 15:11

“Mi tɔ̃ hã nɛ na mɛ ni, takɔ nɛ kpa yangga kɛ mi do ma ni, nɛ sila nɛ dunu do yangga.

YOANƐ 16:24

Gbaa tia do sɔɛ gɛ, nɛ tɛ gɔ̀ mɔ kɔ̃ Baa mi do zu li mi gɔ. Kɔ fala kɛ nɛ gɔ, nɛ nɛ kpa sɛ. Kɔ fala kɛ nɛ kpa ma, nɛ sila nɛ ma dunu sɛ do yangga.

YOANƐ 3:29

Ma ɔ nɛ kɛ 'da fala ba ngba wi, nɛ wi wili dungu fala nɛ kpo do kɛnɛ a, nɛ yali ngba wi wili dungu dɛ kɛ zã a, tɛ zele gɛlɛ ngba a, te dɛ yangga nɛ ni. Kɔ mi ɔ nɛ yali ngba wi wili ni, mi do yangga la li ngele.

2 KORINTƐ 1:24

Lɛ kɔ̃̀ na, lɛ hɛ̃lɛ̃ nɛ we kɔ̃ mɛnɔ kɛ ma wia na nɛ kɔ̃ ma ni hɛ̃lã gɔ, we kɛ lɛ ĩ na, kɔ̃a we 'da nɛ nganda ia. Nɛ lɛ kɔ̃a we dɛ toe do nɛ do tɛlɛ tɛ kɛ na, ma hã yangga hã nɛ.

EFƐZƐ 3:19

Gbãlã we, gɛnɛ kɔ wele wè tɛ ĩ ti kɔ̃a zã 'da Kristo vɛ do dia nɛ gɔ, nɛ nde mi aka Gale na, nɛ ĩ ti ma, takɔ nɛ ba tɛlɛ tɛ Gale ngboo.

1 YOANƐ 2:1

Aa benɔ 'daa, mi kɔma mbɛti gɛ hã nɛ na, dɔ nɛ dɛ́ 'bɔ 'dã mɔ gɔ. Kɔ fala kɛ mbe sanga nɛ dɛ 'dã mɔ nde, nɛ nɛ ĩ́ na, lɛ do Wi tɔ̃ we ngɔ lɛ dati Gale Baa lɛ boe. Wi a Yezu Kristo, kɛ a a wi bɔlɔ zu ni.

2 YOANƐ 1:12

Mi do we nu mi we tɔ̃ hã nɛ wena, nɛ nde mi kɔ̃̀ we kɔmɔ ma hã nɛ do mbɛti gɔ. Mi kɔ̃a we nɛ dɛ 'da nɛ i, nɛ lɛ wele we nu ngba lɛ do nɛ, takɔ yangga dunu kɔ sila lɛ.