1 YOANƐ 1:3 - WE NU GALE 1995

³ Lɛ zɔa do gbali lɛ, nɛ lɛ zele do zala lɛ, nɛ lɛ tɔ̃ 'bɔ we nɛ hã nɛ, takɔ nɛ mba do lɛ kpo, ɔ nɛ kɛ lɛ mba do Baa lɛ, do Be 'da a Yezu Kristo kpo ni.

1 YOANƐ 1:3 Iomraidhean Croise

YƆBƆ 13:1

Mɛnɔ vɛ̃ mi tɔ̃a we nɛ hã mɔ ni, mi zɔa ma do gbali mi ngboo, nɛ mi zila 'bɔ ma do zala mi.

Zumanɔ 2:7

Nwa ni tɔ́a na: “Nɛ zélé wenɔ kɛ NWA Gale wila hã mi gɛ! A na: ‘Yolo do sɔɛ gɛ, mi hɔa baa mɔ, nɛ mɔ a bulu be 'da mi.

Zumanɔ 22:22

Mɔ fó mi kɔ nu ogbɔgbɔnɔ ni, nɛ mɔ kpasa mi li zamba zu oyelenɔ.

Ezai 66:19

Nɛ mi be sɛ dɛa to nwa 'da mi hã wa. Nɛ owanɔ kɛ wa kpasa sɛ li ngbangga 'da mi ni, mi tombo sɛ wa ndũu dɛ ngɔ nùnɔ 'da Otarsisi, Opulɛ, do Oludɛ kɛ wa ĩ ti da kpili wena ni. Nɛ mi tombo sɛ 'bɔ wa ndũu tɛ kɔ ngolo lì, tɛ 'da Otubalɛ do Ogrɛkɛ, do tɛ falanɔ vɛ̃ kɛ wa zèlè mbe lɛnggɛ 'da mi fala kpo gɔ ni. Nɛ wa be sɛ dɔ̃lɔ̃ li 'da mi hã owinɔ i mɔ ni.

Tɔlɔ Mɔ 10:32

Mɔ kã lɛ, nɛ lɛ kɛ̃ sɛ sanga dia mɛnɔ NWA nɛ hã sɛ hã lɛ ni do mɔ.”

YOANƐ 17:11

Mi sɛ 'bɔ mbé nɛ ngɔ nù gɛ bina, mi nɛ si dɛ 'da mɔ i, nɛ nde wa 'bana sɛ ngɔ nù gɛ. Kɔ Baa mi, mɔ a santo, ma wia na, mɔ fɔmɔ wa do ngawi 'da mɔ. Mɛ a ngawi kɛ mɔ hã zi ma hã mi ni. Mɔ fɔ́mɔ́ wa, takɔ wa ɔ wele kpo, ɔ nɛ kɛ lɛ do mɔ, lɛ kpo ni.

YOANƐ 17:21

Mi aka mɔ, takɔ wa vɛ̃ wa ɔ wele kpo, ɔ nɛ kɛ lɛ do mɔ Baa mi, lɛ kpo ni. E kɔ wa mba do lɛ, nɛ lɛ ɔ wele kpo, takɔ winɔ nù gɛ wa ĩ na, mɔ a mɔ tumba mi.

YOANƐ 17:25

Baa mi, mɔ a wi bɔlɔ zu, nɛ winɔ nù gɛ wa ĩ̀ ti mɔ gɔ. Nɛ nde mi ĩ ti mɔ, nɛ wanɔ kɛ mi do wa gɛ wa ĩ na, wi a mɔ a mɔ tumba mi.

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

YOANƐ 19:35

Wi kɔma mbɛti gɛ, a zɔa zi mɛnɔ ni do li a. Nɛ lɛnggɛ a kɔma gɛ, mɛ a gbãlã we ngboo. A ĩ na, ɛ tɔ̃ a gbãlã we, nɛ a kɔma lɛnggɛ nɛ, takɔ nɛ tɛ mɛ 'bɔ, nɛ kɔ̃ zu li Yezu.

Owi Nɛ Tonɔ 13:32

Nɛ lɛ, lɛ tɛa do Dia Sakoe ni hã nɛ. Mbuli kɛ Gale kpua zi hã oyaa lɛ ni,

Owi Nɛ Tonɔ 13:41

‘Nɛ, winɔ kɛ nɛ 'danga we nu Gale ni, nɛ zɔ́ mɛ na gɛ, nɛ nɛ ɔ́ngbɔ́, nɛ nɛ fó tɛ nɛ do'do! Mba gɔ, do ngba soe 'da nɛ, nɛ mi dɛ sɛ mɔ kpo. Wele tɔ̃́ sɔ lɛnggɛ mɛ ni hã nɛ, nɛ nde nɛ kɔ̃́ sɔ gɔ.’ ”

Owi Nɛ Tonɔ 2:42

Nɛ wa ba tɛ wa vɛ̃ we zele bia wenɔ kɛ owi nɛ tonɔ wa be ni. Nɛ wa tɛ mba li ngba wa do onya wa wi kɔ̃a wenɔ 'da fala fai. Nɛ wa nyɔngɔ mɔ do sambala Gale fala nɛ kpo.

Owi Nɛ Tonɔ 20:27

We kɛ mi ùsù zi we do nɛ gɔ. Mi bia mɛnɔ kɛ Gale 'dafa we dɛ nɛ ni hã nɛ̃ vɛ.

Owi Nɛ Tonɔ 4:20

We duzu lɛ, lɛ wè tɛ kpe nu lɛ dɛ ngɔ mɛ kɛ lɛ zɔa, nɛ lɛ zila do zala lɛ ni gɔ.”

ROMA 15:27

Wa wele nɛ, wa kɔ̃a zi do sila wa we dɛ na mɛ ni, nɛ nde ĩ na, wa zi do ku'da dɛ 'da Oyudanɔ boe. Mba gɔ, Owi kɔ̃a wenɔ kɛ wa a Oyuda ni, wa kɛ̃a zi sanga dia mɛnɔ kɛ Gale hã zi ma we hi wa ni do owanɔ kɛ wa a Oyuda gɔ ni. Kɔ we duzu ma, ma wia na, owinɔ kɛ wa a Yuda gɔ ni, wa gala tɛ mɛ 'bɔ Oyudanɔ do omɛnɔ kɛ wa zɔlɔ ni.

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

1 KORINTƐ 1:9

Gale, kɛ a dɛ olo nu a fai ni, a sa zi mɔ hã nɛ, nɛ a mba li nɛ do Be 'da a Yezu Kristo, Nwa 'da lɛ, nɛ nɛ hɔa wele kpo.

1 KORINTƐ 15:1

Onyae, mi kɔ̃a we gba ta zu nɛ ngɔ Dia Sakoe kɛ mi bia zi hã nɛ ni. Nɛ kɔ̃a zi gɛnɛ nɛ, nɛ nɛ 'bana tɛ kɔ̃ ma gbaa tia do sɔɛ gɛ.

EFƐZƐ 3:6

Usu linggamɛ ni ma kɛ: Dia Sakoe ma dɛa na, ogele winɔ wa kpa de mɛ 'da Gale fala nɛ kpo do Oyudanɔ. Wa bɔa nɛ, wa hɔa wele kpo, nɛ wa wia tɛ kpa mɔ do mbuli kɛ Gale kpua zɛ́ ma hã owinɔ 'da a do wala 'da Yezu Kristo ni.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 2:1

Kɔ̃a we nɛ kɔ̃a do Kristo ni, ma hã́ ngawi hã nɛ gɔ nde? Nɛ kɔ̃a zã 'da Kristo ma hã̀ kpã sila hã nɛ, nɛ ma mba li nɛ kpo do Hi Wi Santo gɔ nde? Nɛ kɔ̃a gɛnɛ ongba nɛ, nɛ nɛ ĩ 'bako hã wa ĩ.

FILIPƐ 3:10

Mi kɔ̃a kpo na, mi ĩ ti Kristo, nɛ mi ĩ ti ngawi kɛ a tunu zi nɛ kɔ fie ni. Mi kɔ̃a na, mi mba do a kɔ zɛlɛ tɛ kɛ a kpa zi ni, nɛ mi fe ɔ nɛ kɛ a fia nɛ ni.

KƆLƆSƐ 1:13

A fua zi lɛ ti ngawi 'da ohi wi kɔ gba tũ, nɛ a a lɛ kɔ le nwa 'da Be 'da a, kɛ a ngɔ sila a ni.

1 TƐSALONIKƐ 1:10

Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

1 TIMOTE 6:2

Nɛ ongbánɔ kɛ onwa ngɔ wa wa a owi kɔ̃a we ni, wa tɛ è kɔ̃a we 'da onwanɔ ni do li wa na, wa a onya lo wi kɔ̃a we, kɔ wa zɔ wa yala iko gɔ. Nɛ nde ma dia fɛ̃ na, wa dɛ tonɔ hã wa de dɛ dati, we kɛ owi kpa de mɔ olo toe ni, wi a onya wa wi kɔ̃a wenɔ, kɛ wa kɔ̃a gɛnɛ wa ni. Mɔ zɔ́ wenɔ kɛ mɔ wia tɛ be ma, nɛ mɔ dala nu mɔ tɛ nɛ ni, ma kɛ:

OHEBRE 2:12

Nɛ a tɔ̃a na: “Aa Gale, mi tɔ̃ sɛ we 'da mɔ hã onya mi, nɛ mi dɔnggɔ sɛ mɔ dɛ sanga ogba dɔa winɔ.”

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.

OHEBRE 3:14

Mba gɔ, fala kɛ lɛ 'bana tɛ gbini zã lɛ do Gale ɔ nɛ kɛ zi dati ni, gbaa we hɔ ndɔti nɛ, nɛ nde lɛ a winɔ 'da Kristo ngboo.

1 PETRO 5:1

Ngangga ni, mi tɛ wele we hã owinɔ sanga nɛ, kɛ wa a Owi zɔ mɔ tɛ eklezianɔ ni. Mi tɛ mɛ 'bɔ a wi zɔ mɔ tɛ eklezia ɔ nɛ wa ni. Mi zɔa tɛlɛ tɛ kɛ Kristo kpa zi do ngamɛ ni, nɛ mi mba sɛ do a kpo kɔ dɔ̃lɔ̃ li 'da a, kɛ ma be sɛ tɛ̃ ɛ ni. Kɔ mi aka nɛ, owi zɔ mɔ tɛ eklezianɔ na,

2 PETRO 1:16

Zi dati, fala kɛ lɛ tɔ̃a zi we Nwa 'da lɛ Yezu Kristo hã nɛ na, a tɛ sɛ do ngawi 'da a ni, lɛ tɔ̃̀ zi a gba to kɛ ma yolo kɔ hã zã mɔ́ wele ni gɔ, nɛ nde lɛ zɔa zi dɔ̃lɔ̃ li 'da a do gbali lɛ ngboo.

1 YOANƐ 1:1

Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.

1 YOANƐ 1:5

Toe kɛ lɛ zila dɛ nu Yezu Kristo, nɛ lɛ tɔ̃a hã nɛ ni, ma kɛ: Gale a sa fala, nɛ bi tũ fala sĩ kɔ a bina.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.