1 YOANƐ 1:2 - WE NU GALE 1995

² We nu Gale ni a wi hã kpasi, nɛ 'da fala kɛ a bia zi tɛ̃ a ni, nɛ lɛ zɔa a. Ma kɛ lɛ tɔ̃ we nɛ hã nɛ ni. Lɛ tɔ̃a na, a a wi hã kpasi kɛ ma é gɔ. A zɛ́ fala nɛ kpo do Baa lɛ Gale tɛ li nza i, nɛ Gale bia a hã lɛ.

1 YOANƐ 1:2 Iomraidhean Croise

YOANƐ 1:18

Wele kpo tɛ zɔ̀ Gale gɔ, nɛ nde wi a Yezu, kpo Be 'da a, kɛ a ɔ fala nɛ kpo do a ni, hã a tɔ̃ gulu Baa a Gale hã lɛ.

YOANƐ 1:4

A zɛ́ a wi hã kpasi, nɛ kpasi ni zi a sa fala 'da owinɔ.

YOANƐ 10:28

Mi hã kpasi kɛ ma é sɛ gɔ ni hã wa, nɛ wa fé sɛ fio gɔ, nɛ wele kpo wé sɛ tɛ dolo zu wa kɔ̃ mi gɔ.

YOANƐ 14:6

Nɛ Yezu gese hã a na: “Mi a li wala kɛ ma la dɛ 'da Baa mi, nɛ mi a wele gbãlã we do wele kpasi. Wele wè tɛ hɔ 'da Baa mi iko gɔ, tati a do wala 'da mi sɛ nɛ de.

YOANƐ 15:27

Nɛ nɛ tɛ mɛ 'bɔ, nɛ tɔ̃ sɛ we ngɔ mi, we kɛ nɛ zi fala nɛ kpo do mi, ndo do nyanga kɛ lɛ ma zi ngɔ yɛnggɛ do nɛ ni.

YOANƐ 16:28

Mi yula zi 'da Baa mi, nɛ mi tɛa nù gɛ. Kɔ ngangga ni, mi nɛ la nùi gɛ, nɛ mi si dɛ 'da Baa mi i.”

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

YOANƐ 17:5

Kɔ ngangga ni, Baa mi, mɔ bá mi dɛ 'da mɔ i, nɛ mɔ hã 'bɔ dɔ̃lɔ̃ li hã mi, ɔ nɛ kɛ mi zɛ́ do ma dati kɛ na, mɔ dɛ nùi gɛ ni.

YOANƐ 19:35

Wi kɔma mbɛti gɛ, a zɔa zi mɛnɔ ni do li a. Nɛ lɛnggɛ a kɔma gɛ, mɛ a gbãlã we ngboo. A ĩ na, ɛ tɔ̃ a gbãlã we, nɛ a kɔma lɛnggɛ nɛ, takɔ nɛ tɛ mɛ 'bɔ, nɛ kɔ̃ zu li Yezu.

YOANƐ 21:14

Ki ni zi a fala talɛ kɛ Yezu bia do tɛ̃ ɛ hã owi yambala mɛnɔ 'da a, 'do kɛ a za'da nza kɔ fio ni.

YOANƐ 3:13

Gele wele kpo tɛ kũ̀li nza i gɔ, wi tati a mi Be 'da Wele, kɛ mi yula ngɔ i, nɛ mi zĩlĩ dɛ nù nga gɛ iko!

YOANƐ 7:29

Nɛ nde mi ĩ ti a de wena, we kɛ mi yula 'da a i, nɛ a a tumba mi.”

YOANƐ 8:38

Mi tɔ̃ lɛnggɛ mɛnɔ kɛ Baa mi bia hã mi ni. Nɛ nɛ, nɛ dɛ tɛ mɛ 'bɔ a mɛ kɛ baa nɛ tɔ̃a hã nɛ ni.”

Owi Nɛ Tonɔ 10:41

Nɛ nde a bè tɛ a hã owinɔ vɛ gɔ, a bia tɛ a tati nɛ hã lɛ winɔ kɛ Gale saka zi lɛ dati, nɛ a a lɛ do otemɔɛ we tɔ̃ sɛ gulu nɛ ni. Nɛ 'do kɛ Gale tunu a kɔ fie ni, lɛ nyɔngɔ zi mɔ, nɛ lɛ nɔ dɔ̃ fala nɛ kpo do a.

Owi Nɛ Tonɔ 2:32

Wi ni, wi a Yezu kɛ Gale tunu a kɔ fie ni. Lɛ zɔa a, nɛ lɛ a otemɔɛ nɛ.

Owi Nɛ Tonɔ 3:15

Nɛ nɛ gbɛa zi Nwa wele kpasi, nɛ nde Gale tunu a kɔ fio, nɛ lɛ zɔa a, nɛ lɛ a otemɔɛ nɛ.

Owi Nɛ Tonɔ 5:32

Kɔ lɛ a otemɔɛ nɛ, fala nɛ kpo do Hi Wi Santo kɛ Gale hã a hã owinɔ 'da a ni.”

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

GALATI 4:4

Nɛ nde 'da fala ngba soe nɛ wia zi ni, nɛ Gale tumba Be 'da a ngɔ nù gɛ. Wuko kua a, nɛ a zi ti mbula 'da Oyudanɔ.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

2 TIMOTE 1:10

Kɔ a bia dia zã 'da a hã lɛ ngangga gɛ do wala hɔa 'da Wi kpasa lɛ Yezu Kristo. Mba gɔ, Yezu Kristo hɔa, nɛ a gbɛa ngawi 'da fio, nɛ a bia kpasi kɛ ma é sɛ gɔ ni hã lɛ do wala 'da Dia Sakoe.

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

1 PETRO 5:1

Ngangga ni, mi tɛ wele we hã owinɔ sanga nɛ, kɛ wa a Owi zɔ mɔ tɛ eklezianɔ ni. Mi tɛ mɛ 'bɔ a wi zɔ mɔ tɛ eklezia ɔ nɛ wa ni. Mi zɔa tɛlɛ tɛ kɛ Kristo kpa zi do ngamɛ ni, nɛ mi mba sɛ do a kpo kɔ dɔ̃lɔ̃ li 'da a, kɛ ma be sɛ tɛ̃ ɛ ni. Kɔ mi aka nɛ, owi zɔ mɔ tɛ eklezianɔ na,

1 YOANƐ 1:1

Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.

1 YOANƐ 2:25

Mbuli kɛ Yezu kpua zi ma hã lɛ ni, mɛ a kɛ na, lɛ kpa sɛ kpasi kɛ ma é gɔ ni.

1 YOANƐ 3:5

Nɛ nde nɛ ĩ na, Yezu Kristo tɛa zi ngɔ nù gɛ we fo ku'da 'dã mɔ zu winɔ, nɛ nde a ngboo ni, a dɛ̀ 'dã mɔ kpo gɔ.

1 YOANƐ 3:8

Nɛ wi kɛ a 'bana tɛ dɛ 'dã mɔ fai ni, a a wi 'da Satana. Mba gɔ, Satana ndua zɛ́ dɛ 'dã mɔ yolo do gulu. Nɛ nde Be 'da Gale tɛa we gbɛ dɛa to 'da Satana.

1 YOANƐ 4:14

Lɛ zɔa zi do gbali lɛ na, Gale Baa lɛ tumba Be 'da a, takɔ a kpasa winɔ ngɔ nù gɛ, nɛ lɛ a Owi tɔ̃ gulu nɛ hã winɔ.

1 YOANƐ 4:2

Kɔ mɛ kɛ ma be hã lɛ na, wele do Hi Wi 'da Gale kɔ a boe ni, ma kɛ: Wi kɛ a kɔ̃a we 'da Yezu Kristo na, a hɔa wele, nɛ a tɛa ngɔ nù gɛ ni, wi ni do Hi Wi kɛ a yula 'da Gale.

1 YOANƐ 5:11

We Gale tɔ̃a ngɔ Be 'da a ni, mɛ a kɛ na, ɛ hã kpasi kɛ ma é sɛ gɔ ni hã lɛ, nɛ kpasi ni, ma a kɔ Be 'da ɛ.

1 YOANƐ 5:13

Mi kɔma wenɔ gɛ hã nɛ, kɛ nɛ kɔ̃a zu li Yezu Be 'da Gale ni, takɔ nɛ ĩ na, nɛ do kpasi kɛ ma é sɛ gɔ ni boe.

1 YOANƐ 5:20

Lɛ ĩ 'bɔ na, Yezu Be 'da Gale tɛa zi ngɔ nù gɛ, nɛ a hã hã zã hã lɛ na, lɛ ĩ ti ngbongbo Gale. Nɛ lɛ 'bana dɛ kɔ Gale do wala 'da Be 'da a Yezu Kristo. A a ngbongbo Gale, nɛ a hã kpasi kɛ ma é sɛ gɔ ni hã lɛ.