1 YOANƐ 1:10 - WE NU GALE 1995

¹⁰ Kɔ lɛ tɔ̃ na, lɛ dɛ̀ 'dã mɔ gɔ, nɛ nde lɛ ba Gale do wi 'bili bɛlɛ, nɛ we nu a kɔ sila lɛ bina.

1 YOANƐ 1:10 Iomraidhean Croise

YƆBƆ 15:14

Wele wia we tɔ̃ na, ɛ dɛ́ 'dã mɔ gɔ, nɛ nde ɛ a wi bɔlɔ zu nde?

YƆBƆ 24:25

Wenɔ mi tɔ̃a ni, mɛ a gbãlã we, fo sɛ wi ba kafi nɛ nu mi bina.”

Zumanɔ 130:3

Aa nwa, fala kɛ mɔ a li mɔ ngɔ 'dã mɛnɔ 'da lɛ, nɛ wi nɛ kpasa sɛ kɔ etumbu a wio nde?

Yeremi 2:35

Gɛnɛ kɔ na mɛ ni, nɛ nɛ tɔ̃ na, lo dɛ̃ 'dã mɔ gɔ. Nɛ nɛ lengge na, mi nwa, mi fí sɛ nɛ li ngbangga gɔ. Nɛ nde ɔ nɛ kɛ nɛ tɔ̃ na, nɛ dɛ̃ 'dã mɔ gɔ ni, mi fi sɛ wá nɛ li ngbangga.

YOANƐ 3:33

Kɔ wi kɛ a kɔ̃ gɛnɛ lɛnggɛnɔ 'da a ni, a be na, Gale tɔ̃ ngboo a gbãlã we.

KƆLƆSƐ 3:16

Nɛ úsú wenɔ 'da Kristo do dia mɔ nɛ vɛ dɛ kɔ sila nɛ. Nɛ bé ma sanga tɛ ngba nɛ, nɛ nɛ tɔ̃ mbula sanga nɛ do hã zã vɛ̃. Nɛ gá ozuma hã Gale do sila nɛ vɛ, nɛ nɛ hã iɔ̃nae hã a. Nɛ gá zuma kpi do kpi, kɛ Hi Wi Santo ia dɛ nu nɛ ni.

1 YOANƐ 1:8

Fala kɛ lɛ tɔ̃ na, lɛ do 'dã mɔ bina, nɛ nde lɛ ɔlɔ tɛ lɛ iko, nɛ gbãlã we kɔ sila lɛ bina.

1 YOANƐ 2:14

Benɔ 'daa, mi kɔmɔ mbɛti gɛ hã nɛ na, nɛ ĩ ti Baa lɛ Gale ĩ. Nɛ nɛ, obaa mi, mi kɔma ma hã nɛ na, nɛ ĩ ti wi kɛ a zɛ́ boe fai, yolo do ndo nyanga mɛnɔ ni. Nɛ nɛ, zagbãlãnɔ, mi kɔma hã nɛ na, nɛ nganda wena, mba gɔ, nɛ usu we nu Gale dɛ kɔ sila nɛ, nɛ nɛ nɛa ngɔ Satana.

1 YOANƐ 2:4

Kɔ wi kɛ a tɔ̃ na, ɛ ĩ ti Gale, nɛ nde a dɛ́ mbulanɔ 'da a gɔ ni, a a wi 'bili bɛlɛ, nɛ fo gbãlã we kɔ sila a bina.

1 YOANƐ 4:4

Kɛ 'da nɛ benɔ 'daa, nɛ a winɔ 'da Gale, nɛ nɛ nɛa ngɔ owinɔ wa gba do nu Gale do bɛlɛ ni. Mba gɔ, Hi Wi Santo kɔ nɛ ni, a nganda nɛa ngɔ hi wi kɔ owi nùnɔ.

1 YOANƐ 5:10

Na mɛ ni, wi kɛ a kɔ̃ zu li Be 'da Gale ni, a ĩ do kɔ sila a na, we kɛ Gale tɔ̃a ni a gbãlã we. Nɛ nde wi kɛ a kɔ̃̀ we nu Gale gɔ ni, a ba Gale do wi 'bili bɛlɛ, we duzu kɛ a kɔ̃̀ we kɛ Gale tɔ̃a ngɔ Be 'da a ni gɔ.

2 YOANƐ 1:2

Mba gɔ, gbãlã we 'da Gale kɔ sila lɛ boe, nɛ ma 'bana sɛ dɛ kɔ sila lɛ fai.