1 YOANƐ 1:1 - WE NU GALE 1995

¹ Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.

1 YOANƐ 1:1 Iomraidhean Croise

Ezai 41:4

Wi kɛ a dɛa na, mɛ ni ma dɛ tɛ̃ ɛ a wio nde? Wi a mi NWA. Mi a mi tɔ̃a we mɛnɔ kɛ ma dɛ sɛ tɛ̃ ɛ ni. Ndo nyanga mɛnɔ, wi a mi, nɛ fala kɛ mɛnɔ ma Sɔkpɔ sɛ ni, nɛ nde mi sɛ 'bɔ boe.

Mike 5:2

NWA a la sɛ owinɔ 'da a dɛ kɔ owi sɛnɛ wa gbaa na, wuke kɛ a saka a ni, a ko be 'da a. Olo nɛ, nɛ tala obe Israɛlɛ kɛ wa 'bana nza tɛ kɔla 'duli 'di ni, wa si sɛ dɛ ngɔ nù Israɛlɛ, nɛ wa mba li ngba wa do onya wa.

LUKA 1:2

Nɛ wa kɔmɔ zi mɛnɔ ni ɔ nɛ kɛ lɛ zila zi nu owinɔ wa zɔa zi ma do li wa, yolo do ndo nyanga nɛ, nɛ wa hɔa owi be Dia Sakoe ni hã Owele ni.

LUKA 24:39

Wi a mi! Nɛ ká mɔ, kɔ nɛ zɔ́ tambala kɔ̃ mi do nyanga mi. Nɛ támbá tɛ mi, kɔ nɛ zɔ́! We kɛ hi wi do kili tɛ wi, do gbãlã tɛ wi ɔ nɛ kɛ nɛ zɔ do mi gɛ bina.”

YOANƐ 19:35

Wi kɔma mbɛti gɛ, a zɔa zi mɛnɔ ni do li a. Nɛ lɛnggɛ a kɔma gɛ, mɛ a gbãlã we ngboo. A ĩ na, ɛ tɔ̃ a gbãlã we, nɛ a kɔma lɛnggɛ nɛ, takɔ nɛ tɛ mɛ 'bɔ, nɛ kɔ̃ zu li Yezu.

YOANƐ 20:27

Nɛ 'do nɛ, nɛ a tɔ̃ hã Toma na: “Mɔ ɛ́fɛ́ zu kɔ̃ mɔ, hã mɔ e tɛ tambala kɔ̃ mi, kɔ mɔ zɔ́. Nɛ mɔ é kɔ̃ mɔ li mbala dani ngu'du mi gɛ, kɔ mɔ lá fala ba kafi do'do, hã mɔ kɔ̃́ na, wi a mi!”

YOANƐ 5:26

“Kɔ nɛ́ kɛ Baa mi do ngawi we hã kpasi hã wele ni, a hã tɛ mɛ 'bɔ kpo ngawi ni hã mi Be 'da a.

YOANƐ 8:58

Nɛ Yezu gese hã wa na: “Mi tɔ̃ hã nɛ do gbãlã we na, dati kɛ na wa ko Abrahama ni, nɛ nde mi zɛ́ boe.”

Owi Nɛ Tonɔ 1:3

'Do kɛ a fia ni, nɛ a bia zi 'bo tɛ a hã wa do walanɔ vɛ we be na, ɛ do kpasi. Nɛ a bia tɛ a hã wa ní gbaa we 'bu tũ nalɛ, tɛ tɔ̃ gulu dɛa to nwa 'da Gale hã wa.

Owi Nɛ Tonɔ 4:20

We duzu lɛ, lɛ wè tɛ kpe nu lɛ dɛ ngɔ mɛ kɛ lɛ zɔa, nɛ lɛ zila do zala lɛ ni gɔ.”

OHEBRE 2:3

Ma ɔ ní, nɛ lɛ winɔ kɛ lɛ zila sako gã kpasi gɛ, nɛ lɛ lènggè nɛ gɔ ni, lɛ nɛ dɛ fala yu ngbangga 'da Gale nɛ nde? Nwa Yezu ngboo a tɔ̃a zi to kpasi ni dati, nɛ 'do nɛ, nɛ owinɔ kɛ wa zila ni, wa bia hã lɛ na, mɛ a gbãlã we.

1 YOANƐ 4:14

Lɛ zɔa zi do gbali lɛ na, Gale Baa lɛ tumba Be 'da a, takɔ a kpasa winɔ ngɔ nù gɛ, nɛ lɛ a Owi tɔ̃ gulu nɛ hã winɔ.

1 YOANƐ 5:7

Omɛnɔ kɛ ma tɔ̃ we ngɔ Yezu Kristo na, a a Be 'da Gale ni, mɛ a mɔ talɛ:

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 19:13

A hi'da gba tulu kɛ tɔkɔ kpa do tɛ nɛ vɛ ni. Li a a: “We nu Gale.”

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na: