प्रकाश 8:3 - नेवाः बाइबल

³ मेम्‍ह छम्‍ह स्‍वर्गदूत ल्‍हातिइ लुँयागु गुँगू थनीगु मकः ज्‍वनाः वेदीया लिक्‍क दं वल। विश्‍वासीतय्‌गु प्रार्थनालिसें सिंहासनया न्‍ह्यःने च्‍वंगु लुँयागु वेदीइ च्‍याकेत धकाः वयात यक्‍व गुँगू बिल।

प्रकाश 8:3 Iomraidhean Croise

१ राजा 7:50

भिंगु लुँया थलबल, मत स्‍यायेगु ज्‍वलं, छ्वाकेगु बातात व गुँगू मकः। दकलय् दुने महा-पवित्रगु थाय्‌या खापाया लागि व पवित्र थाय्‌या खापाया लागि लुँया कब्‍जा।

भजनसंग्रहया सफू 141:2

जिगु प्रार्थना छिगु न्‍ह्यःने नस्‍वाःगु धुपाँय् थें जुइमा, अले जिं थःगु ल्‍हाः ल्‍ह्वनीबलय् व छिगु लागि सन्‍ध्‍याया बलि थें जुइमा।

प्रस्‍थान 40:26

मोशां पवित्र पालय् दथुइच्‍वंगु पर्दाया न्‍ह्यःने लुँयागु वेदी तल।

यशैया 6:6

अनंलि छम्‍ह सराफ चिम्‍तां वेदीया च्‍यानाच्‍वंगु हेंग्‍वामि कयाः ब्‍वयाः जिथाय् वल।

इजकिएल 41:22

अन १.६ मिटर तज्‍जाःगु व छखे छखेपाखेयागु ब्‍या १ मिटर दुगु छगू सिँया वेदी दु। उकिया कुंत, उकिया लिधंसा व पाटात सिँयागु हे दु। उम्‍ह मनुखं जितः धाल, “थ्‍व परमप्रभुया न्‍ह्यःने तयातःगु टेबिल खः।”

आमोस 9:1

जि प्रभुयात वेदीनापं दनाच्‍वंगु खना, वय्‌कलं धयादी – “देगःया थांया च्‍वका च्‍वकाय् तसकं दा अले दक्‍व जग हे सनेमा। व त्‍वदुलाः कुतुं वयाः दक्‍व मनूतय्‌गु छेनय् लायेमा अले ल्‍यंदनिपिन्‍त धाःसा जिं तरवारं स्‍यानाबी। छम्‍ह नं बिस्‍युं वने फइ मखु, छम्‍ह नं बचय् जुइ फइ मखु।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

गन्‍ती 4:11

“अनंलि इमिसं लुँया वेदीयात वँचुगु कापतं त्‍वपुयाः द्यःने डल्‍फिन न्‍याया छेंगुलिं भुनाः न्‍वःत थासय् तयाबीमाः।

गन्‍ती 7:62

गुँगू जाय्‌क दुगु झिगू शेकेल लुँयागु छपा पाचिंगु थल,

लूका 1:10

वं दुने गुँगू थनाच्‍वंबलय् फुक्‍क मनूतय्‌सं पिने च्‍वनाः प्रार्थना यानाच्‍वन।

रोमी 8:34

सुनां इमित दोषी याइ? दोषी यानादीम्‍ह ला सिनाः म्‍वानादी धुंकूम्‍ह ख्रीष्‍ट येशू हे खः। थ्‍व हे येशू परमेश्‍वरया जव ल्‍हाःपाखे दी। अले वय्‌कलं झीगु निंतिं परमेश्‍वरयात बिन्‍ति यानादी।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

हिब्रू 9:4

थन लुँयागु गुँगू थनेगु वेदी व लुं भुनातःगु बाचा चिनादीगु सनू दु। व सनू दुने लुँयागु थलय् मन्‍न तयातःगु दु, अले चुलि ह्वयाच्‍वंगु हारूनयागु तुतां छपु, व व्‍यवस्‍था च्‍वयातःगु ल्‍वहं पौ निपाः तयातःगु दु।

प्रकाश 10:1

अले हानं सुपाँचं हिनातःम्‍ह, छेनय् इन्‍द्रेणी दुम्‍ह, सूर्ययागु थें ख्‍वाः दुम्‍ह, मियागु थां थें च्‍वंगु तुति दुम्‍ह तसकं बल्‍लाःम्‍ह छम्‍ह स्‍वर्गदूत स्‍वर्गं क्‍वहां वयाच्‍वंगु जिं खना।

प्रकाश 14:18

मेम्‍ह छम्‍ह स्‍वर्गदूत होम यायेगु थासं पिहां वल। थ्‍वयाके मियागु अधिकार दु। अले ज्‍वःगु ईंचा दुम्‍हय्‌सित थ्‍वं ततसलं धाल – “पृथ्‍वीइ च्‍वंगु दाख ईंचां लया का, दाख पाकय् जुइ धुंकल।”

प्रकाश 5:8

थुकथं वं थ्‍व भ्‍वंथू काये धुंकाः प्‍यम्‍ह जीवात्‍मा व निइप्‍यम्‍ह थकालिपिं चीधिकःम्‍ह भ्‍याःचायागु न्‍ह्यःने क्‍वछुत। इपिं फुक्‍कसिके वीणा व गुँगू थनातःगु लुँयागु मकः दु। थ्‍व विश्‍वासीतय्‌गु प्रार्थना खः।

प्रकाश 6:9

न्‍यागूगु छाप प्‍वःबलय् जिं परमेश्‍वरयात मत्‍वःतुसे वय्‌कःयागु वचन न्‍यंकूगुलिं स्‍याःपिनिगु आत्‍मातय्‌त होम यायेगु थाय्‌यागु तःले खना।

प्रकाश 7:2

म्‍वाःम्‍ह परमेश्‍वरयागु छाप ज्‍वनाः सूर्य लुइगु थासं थाहां वयाच्‍वंम्‍ह छम्‍ह स्‍वर्गदूतयात जिं खना। अले वं समुद्र व पृथ्‍वीयात स्‍यंकेगु अधिकार बियातःपिं प्‍यम्‍ह स्‍वर्गदूततय्‌त तसकं हालाः थथे धाल।

प्रकाश 8:4

विश्‍वासीतय्‌सं याःगु प्रार्थना नापनापं स्‍वर्गदूतयागु ल्‍हातिइ च्‍यानाच्‍वंगु गुँगूया कुँत्‍याः च्‍वय् थाहां वनाच्‍वन।

प्रकाश 8:5

अले स्‍वर्गदूतं गुँगू मकः कयाः उकी वेदीइ च्‍वंगु मि जाय्‌क तयाः पृथ्‍वीइ वान्‍छ्वया हल। अले ग्राङ्‌गग्रुङ्‌ग सः वल प्‍वालाक्‍क पिलाक हावलासा त्‍वल। अले हानं भ्‍वखाय् ब्‍वल।

प्रकाश 9:13

अले खुम्‍हम्‍ह स्‍वर्गदूतं थःगु तुरही पुल। परमेश्‍वरयागु न्‍ह्यःने च्‍वंगु लुँयागु गुँगू थनेगु वेदीया प्‍यंगू नेकुतिं थुकथं तुरही पूम्‍ह खुम्‍हम्‍ह स्‍वर्गदूतयात धयाहःगु सः जिं ताल –