फिलिप्‍पी 4:8 - नेवाः बाइबल

⁸ यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

फिलिप्‍पी 4:8 Iomraidhean Croise

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

२ शमूएल 1:23

“शाऊल व जोनाथन म्‍वानाच्‍वंबलय् मनूतय् यःपिं व मनूतय्‌त तसकं दयामाया याइपिं खः। सी धुंकाः नं इपिं थ्‍वपाखें अलग मजू। इपिं इमा स्‍वयाः नं अप्‍वः ब्‍वाँय् वनीपिं खः, अले इपिं सिंहत स्‍वयाः नं तसकं बल्‍लाःपिं खः।”

२ शमूएल 23:3

इस्राएलया परमेश्‍वर नवानादिल, इस्राएलयात ल्‍वहंधी थें रक्षा यानादीम्‍हं जितः धयादिल, “गुम्‍हय्‌सिनं धार्मिकताकथं न्‍याय याइ, अले परमेश्‍वरया भय कयाः शासन याइ,

भजनसंग्रहया सफू 82:2

“छिमिसं गुबलय् तक अन्‍याय जुइक इन्‍साफ यानाच्‍वनेगु, अले दुष्‍टतय्‌गु पंलिनाच्‍वनेगु? सेला

हितोपदेश 11:1

गेसु मलाःगु ताल्‍जुयात परमप्रभुं यय्‌कादी मखु। गेसु लाःगु ताल्‍जुलिसे वय्‌कः लय्‌तायादी।

हितोपदेश 12:4

भिंम्‍ह कलाः वया भाःतया मुकुट खः, तर भाःतयात मछालापुकीम्‍ह मिसा ध्‍वगीगु क्‍वँय् थें खः।

हितोपदेश 16:11

पाय्‌छिगु नाप व ताल्‍जु परमप्रभुपाखेंयागु हे खः, म्‍हिचाय् दुगु फुक्‍क धःत वय्‌कःया हे ज्‍या खः।

हितोपदेश 20:7

धर्मी मनूत दोष मदय्‌क जुइ। अले परमेश्‍वरं वयां लिपाया इमि मस्‍तय्‌त आशिष बियादी।

हितोपदेश 31:10

धात्‍थें भिंम्‍ह कलाः सुयात दइ? व ला हिरामोती स्‍वयाः मू वं।

हितोपदेश 31:29

“यक्‍व मिसातय्‌सं बाबांलाःगु ज्‍या याःगु दु, तर छं इपिं सकसितं त्‍याकूगु दु।”

हितोपदेश 31:31

वयागु मेहनतयागु सिरपाः वयात ब्‍यु। वं याःगु ज्‍याया निंतिं सकसियां न्‍ह्यःने वयात तःधंकि।

श्रेष्‍ठगीत 5:16

वयागु म्‍हुतु तसकं साःगुलिं जाः, व तसकं बांलाःम्‍ह खः। व जिमि यःम्‍ह प्रिय खः, जिमि पासा नं खः, हे यरूशलेमया मिसापिं, जिमि प्रिय थथे हे खः।

यशैया 26:7

परमप्रभु, छिं धर्मी मनूया लँपु माथं वंकादी, हे भिंम्‍ह, छिं हे धर्मी मनूयागु लँपु तप्‍यंकादी।

मत्ती 22:16

इमिसं थः चेलातय्‌त हेरोदया मनूत नाप वय्‌कःयाथाय् छ्वल। इमिसं वनाः वय्‌कःयात थथे धाल – “गुरु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी।

मर्कूस 6:20

छाय्‌धाःसा यूहन्‍ना धर्मीम्‍ह व पवित्रम्‍ह मनू खः धकाः स्‍यूगुलिं ग्‍यानाः वं यूहन्‍नायात मस्‍यासे तयातःगु खः। यूहन्‍नाया खँ न्‍यनेबलय् वया नुगः ल्‍वाकः बाकः जूसां वयागु खँ न्‍यने यः।

लूका 16:15

वय्‌कलं इमित धयादिल – “मनूतय्‌गु न्‍ह्यःने भिं जुया जुइपिं छिकपिं हे ला खः नि। अय्‌नं परमेश्‍वरं छिकपिनिगु नुगलय् च्‍वंगु खँ स्‍यू, थथे मनूतय्‌गु न्‍ह्यःने तःधंछुया जुइगु हे परमेश्‍वरयात दकलय् मयःगु खँ खः।

लूका 2:25

अबलय् यरूशलेमय् शिमियोन धाःम्‍ह छम्‍ह मनू दु। थ्‍व मनू तसकं धर्मीम्‍ह व परमेश्‍वरया भक्त खः। व इस्राएलीतय्‌गु उद्धार जुइगु दिं स्‍वयेत पियाच्‍वंम्‍ह खः। पवित्र आत्‍मा वयाके च्‍वनादीगु दु।

लूका 23:50

योसेफ धाःम्‍ह छम्‍ह भिंम्‍ह व धर्मीम्‍ह मनू खः। व सभाया छम्‍ह दुजः नं खः।

यूहन्‍ना 7:18

थःगु हे जक खँ ल्‍हाइम्‍ह मनू थः हे जक तःधं जुइत स्‍वइ। बरु थःत छ्वया हःम्‍हय्‌सित तःधंकेत स्‍वइम्‍ह मनू हे सत्‍यम्‍ह खः। अले वयाके मभिंगु छुं हे दइ मखु।

प्रेरित 10:22

इमिसं धाल – “कर्नेलियस धाःम्‍ह परमेश्‍वरयात मानय् याइम्‍ह व भिंम्‍ह छम्‍ह कप्‍तान दु। वय्‌कःयात यहूदीतय्‌सं नं मानय् याः। पवित्रम्‍ह स्‍वर्गदूतं दर्शन बियाः छितः सःताः छिगु खँ न्‍यँ धकाः वय्‌कःयात धयादीगुलिं जिपिं वयागु खः।”

प्रेरित 22:12

“अन च्‍वंपिं यहूदीतय्‌सं मानय् यानातःम्‍ह अले मोशायागु व्‍यवस्‍थाय् धयातःथें यानाजुइम्‍ह हननिया धाःम्‍ह छम्‍ह मनुखं वयाः

प्रेरित 6:3

अय्‌जूगुलिं दाजुकिजापिन्‍सं, छिपिं मध्‍ये नांजाःपिं, आत्‍मां जाःपिं व बुद्धिं जाःपिं न्‍हय्‌म्‍ह मनूयात ल्‍ययादिसँ। अले इमित नयेत्‍वनेगु ज्‍याय् तयाबी।

रोमी 13:13

थुकथं झीगु चालचलन जलय् च्‍वंपिनिगु थें याये माल, उकिं झीसं मोजमज्‍जा यायेगु, अय्‌लाः त्‍वना जुइगु, व्‍यभिचार यायेगु, लाः लाः थे सना जुइगु, ल्‍वापु यायेगु, नुगः मुइकेगु त्‍वःताछ्वये माल।

रोमी 13:3

हाकिमत खनाः मभिंपिं मनूत जक ग्‍याइ। भिंपिं मनूत ग्‍याइ मखु। छिपिं हाकिमत खनाः मग्‍यासे च्‍वने मास्‍ति वः ला? अय्‌सा भिंगु भिंगु ज्‍या जक याना च्‍वँ, अले हाकिमतय्‌सं छिमित स्‍याबास बी।

रोमी 14:18

थुकथं ख्रीष्‍टयागु सेवा यानाजुइम्‍ह मनूयात परमेश्‍वरं स्‍याबास बियादी, अले वं थथे याना जूगु खनाः मनूतय्‌सं नं थ्‍व भिंम्‍ह मनू खः धकाः धाइ।

रोमी 2:29

दुनेंनिसें यहूदी जुया जूपिं हे जक यहूदी खः। अले धात्‍थेंयागु चिं नुगलय् च्‍वंगु चिं खः। थ्‍व चिं च्‍वयातःगु नियमं तःगु मखु, आत्‍मां तयादीगु खः। थज्‍याःपिन्‍त तःधंकीपिं मनूत मखु, बरु परमेश्‍वर खः।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ कोरिन्‍थी 13:7

छिमिसं मखुगु ज्‍या छता मयायेमा धकाः जिमिसं प्रार्थना यानाच्‍वनागु दु। जिमिसं थःम्‍हं थःत तःधंकेत थथे प्रार्थना यानाच्‍वनागु मखु, बरु जिपिं ज्‍यालगय् मजूपिं जूसां छिमिसं भिंगु ज्‍या याये फयेमा धकाः प्रार्थना यानाच्‍वना।

२ कोरिन्‍थी 6:8

जिमित तःधंकूसां, क्‍वह्यंकूसां, भिंकूसां, मभिंकूसां जिमिसं परमेश्‍वरयागु सेवा याना। सत्‍य खँ ल्‍हाना जूसां जिपिं फताहा थें जुइ माल।

२ कोरिन्‍थी 8:18

भिंगु खँ न्‍यंकाः जुइम्‍ह फुक्‍क मण्‍डलीयापिन्‍सं भिं धयातःम्‍ह छम्‍ह विश्‍वासी किजायात नं व नाप छिमिथाय् छ्वयाहयागु दु।

२ कोरिन्‍थी 8:21

प्रभुया न्‍ह्यःने जक मखु, मनूतय्‌गु न्‍ह्यःने नं भिंगु ज्‍या यायेत जिमिसं कुतः यानाच्‍वना।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

एफिसी 5:9

थथे प्रभुया जलय् च्‍वंपिन्‍सं भिंगु, परमेश्‍वरयात यःगु व खः खःगु जक याना जुइ।

एफिसी 6:14

उकिं न्‍ह्यचिला च्‍वँ। सत्‍ययागु जनी क्‍वातुक्‍क चिना च्‍वँ, धार्मिकताया छातिपाता घानाः तयार जु।

व्‍यवस्‍था 16:20

खःगु खँया जक ल्‍यू हुँ। अले परमप्रभु छिमि परमेश्‍वरं बियादीगु देशयात त्‍याकाकयाः छिपिं म्‍वानाच्‍वने फइ।

फिलिप्‍पी 3:1

यःपिं दाजुकिजापिं, मू खँ छु धाःसा – छिपिं प्रभुलिसे लय्‌ताया च्‍वँ। न्‍हापा च्‍वये धुनागु हे खँ हानं लिसा कयाः च्‍वयेत जिं थाकु मचाया। थुकिं छिमित हे भिं याइ।

कलस्‍सी 4:5

विश्‍वासी मखुपिंलिसे खँ ल्‍हायेबलय् छिमिसं बांलाक बिचाः यानाः नवा। अले इमित भिंगु खँ न्‍यंकेगु मौका त्‍वःफिके मते।

१ थेसलोनिकी 4:12

थथे याना जूसा छिमित मेपिन्‍सं नं हनाबना तइ। अले थःत मालीबलय् सुयागु नं ख्‍वाः स्‍वयाच्‍वने माली मखु।

१ तिमोथी 2:2

शान्‍ति व चितासू दय्‌कः म्‍वानाच्‍वने फयेमा, अले परमेश्‍वरयागु सेवा दुग्‍यंक याये फयेमा धकाः जुजुपिनिगु निंतिं व अधिकार दुपिनिगु निंतिं नं प्रार्थना या।

१ तिमोथी 3:11

इमि कलाः नं अथे हे भिंपिं, दुग्‍यंपिं, मेपिन्‍त हेबाय्‌चबाय् याना मजुइपिं, थातं च्‍वने फुपिं व न्‍ह्यागु खँय् नं विश्‍वास यायेबहःपिं जुइमाः।

१ तिमोथी 3:4

थःगु छेँ बांलाक कःघाये फुम्‍ह, थः मस्‍तय्‌त कजय् यानातये फुम्‍ह जुइमाः।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

१ तिमोथी 5:2

अथे हे थकालिपिं मिसातय्‌त मांपिन्‍त थें अले क्‍वकालिपिं मिसातय्‌त मनय् पाप मतसे केहेँपिन्‍त थें व्‍यवहार या।

तीतस 1:8

पाहांयात दुनुगलंनिसें दुकाइम्‍ह, भिंगु खँ यय्‌किम्‍ह, मन तयाः ज्‍या याइम्‍ह, ख्‍वाः स्‍वयाः ज्‍या मयाइम्‍ह, पवित्रम्‍ह, थःत कःघाये फुम्‍ह जुइमाः।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

तीतस 2:2

बुरातय्‌सं थातं च्‍वनेगु, हनेबहः जुइक सना जुइगु, थःत कःघाना च्‍वनेगु, विश्‍वास यानाच्‍वनेगु, माया यायेगु व न्‍ह्यागु खँय् नं सह यानाच्‍वनेगु यायेमाः धकाः स्‍यनेकने या।

तीतस 2:7

छं थःम्‍हं हे भिंगु ज्‍या यानाः इमिगु न्‍ह्यःने नमूना जुयाः क्‍यँ। स्‍यनेकने यायेबलय् खःगु, दुग्‍यंगु व

तीतस 3:14

झी मनूतय्‌सं मालीबलय् माःकथं भिंगु ज्‍या याये सय्‌केमाः। ई अथें सितिं छ्वये मज्‍यू।

हिब्रू 11:2

विश्‍वासं यानाः हे न्‍हापायापिं मनूतय्‌त परमेश्‍वरं यय्‌कादिल।

हिब्रू 13:18

जिमिगु निंतिं प्रार्थना याना हे च्‍वँ। जिमित विश्‍वास दु, जिमिगु नुगः यचुसे च्‍वँ, छाय्‌धाःसा जिमित बांलाःगु ज्‍या जक याये मास्‍ति वः।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।

याकूब 3:17

परमेश्‍वरपाखें दुगु बुद्धि पवित्र, शान्‍ति बीगु, क्‍वमिलु जुइगु, मिजासं जाःगु, दया दुगु व भिंगु फल बीगु जुइ। थ्‍व ख्‍वाः स्‍वयाः ज्‍या मयाइगु व दुग्‍यंगु जुइ।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 4:8

दक्‍वसिबय् तःधंगु ला, छिपिं थःथवय् दुनुगलंनिसें माया याना च्‍वँ, छाय्‌धाःसा मायां हे न्‍ह्यागु पापयात नं त्‍वपुया तइ।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।

१ यूहन्‍ना 3:18

अय् जि यःपिं मस्‍त, झीसं म्‍हुतुं जक माया याना धयां मज्‍यू। ज्‍याखँय् नं धात्‍थेंगु माया यानाक्‍यने फयेमाः।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।

रुथया सफू 3:11

उकिं, हे मइं, छ ग्‍याये मते। छं छु धाल व जिं याये, छाय्‌धाःसा शहरयापिं जिमि फुक्‍क मनूतय्‌सं छ भिंम्‍ह मिसा खः धकाः स्‍यू।