फिलिप्‍पी 4:5 - नेवाः बाइबल

⁵ फुक्‍कलिसे बांलाक हनाबना याना च्‍वँ। प्रभु याकनं झाइ।

फिलिप्‍पी 4:5 Iomraidhean Croise

मत्ती 6:25

“अय्‌जूगुलिं जिं धयाच्‍वना – नयेत्‍वनेगु व पुनेगुलिइ छिमिसं च्‍यूताः तये मते। छु, नयेगु स्‍वयाः प्राण तःधं मजू ला? पुनेगु स्‍वयाः शरीर तःधं मजू ला?

मत्ती 6:34

“कन्‍हय् जुइगु खँय् च्‍यूताः काये मते। कन्‍हय्‌यागु च्‍यूताः कन्‍हय् हे वइ। थौंयात थौंयागु हे कष्‍ट अप्‍वः।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

१ कोरिन्‍थी 16:22

प्रभुयात माया मयाइम्‍हय्‌सित धिक्‍कार दु। “हे जिमि प्रभु, झायादिसँ।”

१ कोरिन्‍थी 6:7

थःथवय् ल्‍वानाः अदालतय् वनेगु हे छिपिं बूगु खः। बरु अन्‍याय हे सह यानाच्‍वनेगु बांमलाः ला? थगय् याका च्‍वनेगु हे बांमलाः ला?

१ कोरिन्‍थी 8:13

नसां थः दाजुकिजापिन्‍त पापय् लाकीगु जूसा जिं ला धयागु गुब्‍सं नये मखु। थः दाजुकिजापिन्‍त जिं पाप याकेत स्‍वये मखु।

१ कोरिन्‍थी 9:25

न्‍ह्यागु कासाय् ब्‍वति काइपिं मनूतय्‌सं न्‍हापा लाकाः नाश जुया वनीगु सिरपाः कायेत न्‍हियान्‍हिथं कुतः यानाच्‍वनी। अथे हे झीसं नं नाश जुया मवनीगु सिरपाः कायेत कुतः याये।

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ थेसलोनिकी 2:2

जिमिसं छिमित बिन्‍ति यानाच्‍वना – सुनानं झी प्रभु झाइगु ई वये धुंकल धाल धायेवं छिपिं आछु-आछु कने मते, अले ग्‍याये मते। गुम्‍हय्‌सिनं अगमवक्तां धाःथें च्‍वंक, गुम्‍हय्‌सिनं वचनपाखें धाःथें च्‍वंक, अले गुम्‍हय्‌सिनं जिमिसं पौ च्‍वया थें च्‍वंक थथे धायेफु।

तीतस 3:2

सुयातं मभिंकाः खँ ल्‍हाये मते, सुंनाप ल्‍वाना जुइ मते, अले फुक्‍क नाप क्‍वमिलु जुयाः मिलय् जुयाच्‍वँ धकाः इमित थुइकाब्‍यु।

हिब्रू 10:25

गुम्‍हं गुम्‍हय्‌सिगु संगतिइ मवनेगु बानी दइ, झीपिं धाःसा छथाय् मुनेगु त्‍वःते मज्‍यू। अज्‍ज ला प्रभु झायादीगु दिं न्‍ह्यःने वयेत्‍यंगु दु धकाः सीकाः थःथवय् साहस बीगु यायेमाः।

हिब्रू 10:37

धर्मशास्‍त्रय् च्‍वयातःगु दु – “आः झाइम्‍ह मनू झाया हे दी, लिबाकादी मखु।

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

प्रकाश 22:20

थुकियागु साक्षी बियादीम्‍हय्‌सिनं धयादिल “धात्‍थें हे जि याकनं वयेत्‍यनागु दु।” आमेन, झासँ हे प्रभु येशू।

प्रकाश 22:7

येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”