फिलिप्‍पी 4:1 - नेवाः बाइबल

¹ अय्‌जूगुलिं यःपिं दाजुकिजापिं, थुकथं हे प्रभुयात क्‍वात्तुक विश्‍वास याना च्‍वँ। जि छिमित नापलायेत आय्‌बुयाच्‍वनागु दु। छिपिं जिगु लय्‌ताः व श्रीपेच खः।

फिलिप्‍पी 4:1 Iomraidhean Croise

अय्‍यूब 31:36

जिं गर्व यानाः उपिं दोष पत्र ब्‍वहलय् तयाः जुयेगु, मुकुट थें पुयाः जुयेगु

भजनसंग्रहया सफू 125:1

परमप्रभुयाके भरोसा तइपिं सकलें सियोन पर्वत थें खः, गुकियात संके फइ मखु तर न्‍ह्याबलें दनाच्‍वनी।

भजनसंग्रहया सफू 27:14

परमप्रभुयागु लँ स्‍वयाच्‍वँ। साहस या, थःगु नुगः बल्‍लाकि। परमप्रभुयागु लँ स्‍वयाच्‍वँ।

मत्ती 10:22

थथे जिगु नामं यानाः छिमित फुक्‍कसिनं हेला याइ। दकलय् लिपा तकं क्‍वात्तुक विश्‍वास यानाः सह यानाच्‍वंम्‍ह बचय् जुइ।

यूहन्‍ना 8:31

येशूं थःत विश्‍वास याःपिं यहूदीतय्‌त धयादिल – “जिं धया थें छिपिं च्‍वंसा छिपिं धात्‍थें जिम्‍ह चेला जुइ।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

प्रेरित 2:42

आः इपिं प्रेरितत लिसे स्‍यनेकने, प्रार्थना, प्रभु भ्‍वय् व संगति याइपिं जुल।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

१ कोरिन्‍थी 16:13

होश‍यानाच्‍वँ, बल्‍लाक विश्‍वास याना च्‍वँ, अले मग्‍यासे बल्‍लाका च्‍वँ।

२ कोरिन्‍थी 1:14

थौंकन्‍हय् छिमिसं जिमिगु खँ भचासां थुइ धुंकल। प्रभु येशू हानं झायादीबलय् छिपिं खनाः गथे जिमिसं छ्यं धस्‍वाके फइ अथे हे छिमिसं जिपिं खनाः छ्यं धस्‍वाके फइ।

गलाती 5:1

छुत्‍काराया निंतिं ख्रीष्‍ट येशूं झीत छुत्‍कारा बियादी धुंकल। उकिं आः छिपिं साहस कयाः दँ। हाकनं दासत्‍वय् मलायेमा।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 1:8

ख्रीष्‍ट येशूं थें जिं छिमित दुनुगलंनिसें माया यानाच्‍वनागु दु। थ्‍व खँ परमेश्‍वरं स्‍यू।

फिलिप्‍पी 2:16

छिमिसं इमित परमेश्‍वरयागु जीवन बीगु वचन न्‍यंकाजुल धाःसा येशू ख्रीष्‍ट झाइबलय् थःम्‍हं यानागु ज्‍या सितिं मवन धकाः जिं छ्यं धस्‍वाके फइ।

फिलिप्‍पी 2:26

वं छिमिगु ख्‍वाः स्‍वयेमास्‍ति वय्‌काच्‍वंगु दु, छाय्‌धाःसा छिमिसं व म्‍हंमफुगु खँ न्‍यंगुलिं व छिमिथाय् वयेत तसकं आय्‌बुया च्‍वंगु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

१ थेसलोनिकी 3:13

प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

२ थेसलोनिकी 2:15

अय्‌जूगुलिं दाजुकिजापिं क्‍वात्तुक विश्‍वास याना च्‍वँ। जिमिसं धयागु व च्‍वयाहयागु खँ न्‍यनेगु या।

२ तिमोथी 2:1

अय्‌जूगुलिं जि यःम्‍ह काय्, ख्रीष्‍ट येशूं बियादीगु दया मायां बल्‍लाका च्‍वँ।

हिब्रू 10:23

थःपिन्‍सं यानागु आशायात झीसं बल्‍लाका च्‍वनेमाः, छाय्‌धाःसा झीत बचं बियादीम्‍ह विश्‍वास याये बहःम्‍ह खः।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

हिब्रू 4:14

स्‍वर्गय् झायादीम्‍ह परमेश्‍वरया काय् येशू हे झी दक्‍वसिबय् तःधंम्‍ह पुजाहारी जूगुलिं झीसं मानय् यानाः वयागु विश्‍वासयात अज्‍जं क्‍वात्तुकाच्‍वनेमाः।

२ पत्रुस 3:17

यःपिं दाजुकिजापिं, छिमिसं थ्‍व फुक्‍क खँ सी धुंकल, अय्‌नं होश‍ यानाच्‍वँ। मखुसा मभिंपिं मनूतय्‌गु खँय् लानाः छिपिं क्‍वात्तुक च्‍वने मफयाः थःगु थासं कुतुं वनी।