फिलिप्‍पी 3:3 - नेवाः बाइबल

³ धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

फिलिप्‍पी 3:3 Iomraidhean Croise

भजनसंग्रहया सफू 105:3

वय्‌कःया पवित्र नांयात तःधंकि, परमप्रभुयात मालिपिनिगु नुगः लय्‌तायेमा।

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

रोमी 15:17

थथे येशू ख्रीष्‍टलिसे परमेश्‍वरया ज्‍या याये दुगुलिं जिगु छ्यं धस्‍वाः।

रोमी 7:6

आः झीपिं व्‍यवस्‍थायागु अधीनय् च्‍वनेमाःगु मन्‍त। झीत चिनातःगु व्‍यवस्‍थाया निंतिं झीपिं सी धुन। अय्‌जूगुलिं न्‍हापा थें व्‍यवस्‍थाया अधीनय् च्‍वनेमाःगु मन्‍त, बरु आवंलि ख्रीष्‍टयागु आत्‍मां धाःथें झीसं परमेश्‍वरयागु सेवा यायेमाः।

रोमी 8:15

थथे खः धयागु जूसा परमेश्‍वरया न्‍ह्यःने दास थें ग्‍याना च्‍वनेमाःगु मन्‍त, बरु काय् जुइगु आत्‍मा झीत बियादीगुलिं झीपिं वय्‌कःया सन्‍तान खः धकाः झीसं धाये दत। थथे झीसं “अब्‍बा, बाः” धकाः धाये दत।

रोमी 8:39

न च्‍वय्‌यागु, न क्‍वय्‌यागु, न सृष्‍टिया छुं नं शक्तिं झीत प्रभु येशू ख्रीष्‍टयाके दुगु वय्‌कःया मायां फाये फइ।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

२ कोरिन्‍थी 11:18

मनूतय्‌सं संसारया खँय् फुइँ याना जूगुलिं जिं नं अथे हे फुइँ यानाः खँ ल्‍हानागु खः।

गलाती 5:25

आत्‍मां झीत म्‍वाकातःगु खःसा झीपिं आत्‍मां धाःथें च्‍वनेमाः।

गलाती 6:16

थथे न्‍हूपिं जुयाः म्‍वानाच्‍वंपिं धात्‍थेंयापिं इस्राएलीतय्‌त परमेश्‍वरं दया व शान्‍ति बियादीमा।

एफिसी 6:18

न्‍ह्याबलें छिमिसं पवित्र आत्‍मायागु शक्ति कयाः प्रार्थना या, अले परमेश्‍वरयागु ग्‍वाहालि फ्‍वँ। होशियार जु, अले न्‍ह्याथासय् च्‍वंपिं विश्‍वासीतय्‌गु निंतिं मदिक्‍क प्रार्थना या।

व्‍यवस्‍था 10:16

अथे जुयाः थथःगु मन हीकि, आवंलि जिराहा जुइ मते।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

फिलिप्‍पी 1:1

ख्रीष्‍ट येशूया च्‍यःत पावल व तिमोथीयापाखें फिलिप्‍पीइ च्‍वंपिं ख्रीष्‍ट येशूयात विश्‍वास यानाच्‍वंपिं, मण्‍डलीइ हेरचाह याइपिं व ग्‍वाहालि याइपिं सकसितं ज्‍वजलपा!

फिलिप्‍पी 3:12

जिं फुक्‍कं काये धुन अले जि सिद्ध जुइ धुन धकाः जिं धायेत्‍यनागु मखु। थ्‍व हे सिरपाः कायेत जिं कुतः यानाच्‍वनागु खः। थुकिया निंतिं ख्रीष्‍ट येशूं जितः न्‍हापा हे थः मनू यानादी धुंकल।

फिलिप्‍पी 3:14

परमेश्‍वरं येशू ख्रीष्‍टपाखें सःताः बीत तयादीगु स्‍वर्गया सिरपाः कायेत जि निशानापाखे ब्‍बाँय् वने।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।

यहूदा 1:20

यःपिं पासापिं, छिमिसं जक परमेश्‍वरयात क्‍वात्तुक विश्‍वास याना च्‍वँ, अले पवित्र आत्‍मायागु शक्तिं सदां प्रार्थना याना च्‍वँ।