फिलिप्‍पी 3:15 - नेवाः बाइबल

¹⁵ झीपिं बांलाक स्‍यूपिन्‍सं थथे मतिइ तयेमाः। छिपिं मध्‍ये सुयां छुं खँय् बिचाः पात धाःसा परमेश्‍वरं छिमित थ्‍व नं क्‍यनादी।

फिलिप्‍पी 3:15 Iomraidhean Croise

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

लूका 11:13

अय्‌जूगुलिं मभिंपिं जुयाः नं ला छिमिसं थः मस्‍तय्‌त भिंगु भिंगु बी सः धाःसा स्‍वर्गय् च्‍वनादीम्‍ह बाःनं जक थःके फ्‍वंपिन्‍त पवित्र आत्‍मा बियामदी ला?”

यूहन्‍ना 6:45

थुपिं फुक्‍कं परमेश्‍वरं स्‍यना तःपिं जुइ धकाः अगमवक्तातय्‌सं च्‍वया थकूगु दु। बाःयागु खँ न्‍यनाः सय्‌का सीका काःपिं फुक्‍कं जिथाय् वइ।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

रोमी 15:1

थथे झी बल्‍लाःपिन्‍सं बमलाःपिन्‍त विश्‍वासी जुयाः म्‍वानाच्‍वनेत ग्‍वाहालि यायेमाः, झीत जक यःथें याना जुइ मज्‍यू।

१ कोरिन्‍थी 14:20

यःपिं दाजुकिजापिं, थुइकेगु सीकेगु खँय् छिपिं मस्‍त थें जुइ मते। मभिंगु खँय् धाःसा छिपिं मस्‍त थें जु। थुइकेगु व सीकेगु खँय् छिपिं तःधिपिं थें जु।

१ कोरिन्‍थी 2:6

अय्‌नं परमेश्‍वरयागु खँ बांलाक सीके थुइके धुंकूपिन्‍त धाःसा जिं ज्ञानयागु खँ ल्‍हाना च्‍वना। थ्‍व खँ धाःसा संसारय् च्‍वंपिनिगु मखु, शासन याना च्‍वंपिनिगु नं मखु। इपिं याकनं नाश जुयावनी।

गलाती 5:10

प्रभु नाप मिलय् जुयाच्‍वंगुलिं छिपिं अथे मेगु लँय् जुइ मखु धकाः जिं पत्‍याः यानाच्‍वनागु दु। अथेसां छिमित स्‍यंकेत स्‍वःपिं, न्‍ह्याम्‍ह हे जूसां, इमित परमेश्‍वरं सजाँय बियादी।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

१ थेसलोनिकी 4:9

आः छिमित थःथवय् माया यानाच्‍वनेमाः धकाः जिमिसं च्‍वया च्‍वनेमाःगु मदु, छाय्‌धाःसा थ्‍व खँ ला छिमित परमेश्‍वरं हे स्‍यनादीगु दु।

२ तिमोथी 3:17

परमेश्‍वरया मनूतय्‌सं न्‍ह्याथें ज्‍याःगु भिंगु ज्‍याखँ नं याये फयेमा धकाः धर्मशास्‍त्र बियातःगु खः।

हिब्रू 5:14

दुधंगु नसा ला तःधिकःपिनिगु निंतिं खः। इमिसं थःगु अनुभवं भिंगु छु खः, मभिंगु छु खः धकाः बांलाक ल्‍यये फइ।

१ यूहन्‍ना 2:5

परमेश्‍वरयागु वचन मानय् यानाच्‍वंम्‍ह मनू जक धात्‍थें परमेश्‍वरया मायां जाःम्‍ह जुइ। थुकिं हे झीपिं परमेश्‍वरया मनू खः धकाः सी दइ।