फिलिप्‍पी 3:12 - नेवाः बाइबल

¹² जिं फुक्‍कं काये धुन अले जि सिद्ध जुइ धुन धकाः जिं धायेत्‍यनागु मखु। थ्‍व हे सिरपाः कायेत जिं कुतः यानाच्‍वनागु खः। थुकिया निंतिं ख्रीष्‍ट येशूं जितः न्‍हापा हे थः मनू यानादी धुंकल।

फिलिप्‍पी 3:12 Iomraidhean Croise

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

भजनसंग्रहया सफू 119:5

छिगु व्‍यवस्‍था पालन यायेत जिगु पहःचहः क्‍वातूगु जूसा गुलि बांलाइगु।

भजनसंग्रहया सफू 138:8

परमप्रभुं जिगु लागि थःगु उद्देश्‍य पूवंकादी, हे परमप्रभु, छिगु दया माया न्‍ह्याबलेंया लागि दयाच्‍वनी। थःगु ल्‍हातं दय्‌कादीपिन्‍त त्‍वःतादी मते।

भजनसंग्रहया सफू 42:1

हे परमेश्‍वर! गथे चल्‍ला खुसिया लःया निंतिं प्‍याः चाइ, जि नं छिगु निंतिं अथे हे प्‍याः चायाच्‍वनागु दु।

भजनसंग्रहया सफू 63:8

जिगु आत्‍मा छिलिसे प्‍यपुनाच्‍वंगु दु। छिगु जव ल्‍हातिं जितः तिबः बियाच्‍वंगु दु।

भजनसंग्रहया सफू 84:2

जितः परमप्रभुया चुकय् दुहां वने यः, जितः परमप्रभुया देगलय् च्‍वने मास्‍ति वः। दुनुगलंनिसें जिं म्‍वाःम्‍ह परमेश्‍वरया लागि लय्‌तातां म्‍ये हाले।

भजनसंग्रहया सफू 94:15

अदालतय् हाकनं न्‍याय दइ, धर्मी मनूतय्‌सं उकिया पँली।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 51:1

“हे धार्मिकताया ल्‍यूल्‍यू जुइपिं व परमप्रभुयात मालीपिं, जिगु खँ न्‍यँ, गुगु ल्‍वहंपाखें छिमित दय्‌कल अले गुगु ल्‍वहं चानाः छिमित लिकागु खः, उकियात स्‍व।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

रोमी 8:39

न च्‍वय्‌यागु, न क्‍वय्‌यागु, न सृष्‍टिया छुं नं शक्तिं झीत प्रभु येशू ख्रीष्‍टयाके दुगु वय्‌कःया मायां फाये फइ।

१ कोरिन्‍थी 13:10

पूवंगु वल कि पूमवंगु फुक्‍क मदयावनी।

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

१ कोरिन्‍थी 9:24

ब्‍वाँय् वनेगु कासाय् फुक्‍क मनूत ब्‍वाँय् वनी, तर न्‍हापांगु सिरपाः धाःसा छम्‍हय्‌सित जक दइ धकाः छिमिसं मस्‍यू ला? उकिं सिरपाः कायेत ब्‍वाँय् वनेगु कुतः याना च्‍वँ।

२ कोरिन्‍थी 13:9

जिपिं बमलाःसां छिपिं जक बल्‍लाक विश्‍वास यानाः भिना वयेमा धकाः जिमिसं लय्‌तातां प्रार्थना यानाच्‍वनागु दु।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

गलाती 5:17

शरीरं ला पवित्र आत्‍माया विरोधय् व पवित्र आत्‍मां शरीरया विरोधय् इच्‍छा याइ। थुपिं निम्‍ह शत्रु थें खः, उकिं झीसं झीत यःथें याये फइ मखु।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

एफिसी 4:12

परमेश्‍वरया मनूतय्‌त ख्रीष्‍टयागु ज्‍या याये फयेमा धकाः व वय्‌कःयागु म्‍ह मण्‍डलीयात ब्‍वलंकेत वय्‌कलं थुकथं ल्‍ययादिल।

फिलिप्‍पी 1:1

ख्रीष्‍ट येशूया च्‍यःत पावल व तिमोथीयापाखें फिलिप्‍पीइ च्‍वंपिं ख्रीष्‍ट येशूयात विश्‍वास यानाच्‍वंपिं, मण्‍डलीइ हेरचाह याइपिं व ग्‍वाहालि याइपिं सकसितं ज्‍वजलपा!

फिलिप्‍पी 3:16

थन तक झीपिं गुकथं थ्‍यंकः वया उकथं हे न्‍ह्यज्‍याये।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

फिलिप्‍पी 3:8

थुलि जक मखु, ख्रीष्‍ट येशू जिम्‍ह प्रभुयात म्‍हसीकेगु हे तःधंगु खँ खः धकाः थुइकाः जिं मेगु फुक्‍कं ज्‍यालगय् मजू धकाः ताय्‌का। वय्‌कःयागु हे निंतिं जिं फुक्‍कं त्‍वःता, अले वय्‌कःयात लुइके फयेमा धकाः जिं अज्‍याःगु फुक्‍कं ज्‍यालगय् मजू धकाः ताय्‌कागु दु।

१ थेसलोनिकी 5:15

मभिंगुया पलेसा मभिंगु तुं याये मते, बरु थःथवय् व न्‍ह्याम्‍हय्‌सित नं न्‍ह्याबलें भिंका जुइगु कुतः या।

२ थेसलोनिकी 2:13

प्रभुया यःपिं दाजुकिजापिं, जिमिसं परमेश्‍वरयात सुभाय् मब्‍यूसे च्‍वने मफु, छाय्‌धाःसा वय्‌कलं छिमित पवित्र आत्‍मां जाय्‌काः पवित्र यानाः व सत्‍य खँय् विश्‍वास याकाः मुक्ति बीत न्‍हापांनिसें हे ल्‍ययादीगु खः।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

१ तिमोथी 6:19

थुकथं इमिसं लिपायात स्‍यल्‍लाःगु धनसम्‍पत्ति मुंके फइ, अले धात्‍थेंगु जीवन कायेखनी।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

याकूब 3:2

झी फुक्‍कसिनं अप्‍वः यानाः द्वंके यः। मद्वंकुसे नवाये फुम्‍ह मनू हे जक सिद्धम्‍ह जुइ। थज्‍याःम्‍ह मनुखं जक थःगु म्‍हयात लके हने फइ।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।