फिलिप्‍पी 3:11 - नेवाः बाइबल

¹¹ जि सिनाः हानं म्‍वाना वइतिनि धकाः जिं आशा यानागु दु।

फिलिप्‍पी 3:11 Iomraidhean Croise

भजनसंग्रहया सफू 49:7

धात्‍थें सुं नं मनुखं मेम्‍हय्‌सित गुबलें मू पुलाः त्‍वःतके फइ मखु, इमिसं परमेश्‍वरयात थःगु प्राणया मू पुले फइ मखु।

लूका 14:14

अले छितः आशिष दइ, छाय्‌धाःसा अज्‍याःपिन्‍सं छितः पलेसा पुले फइ मखु। बरु धर्मीपिं सिनाः हानं म्‍वाना वइबलय् परमेश्‍वरं छितः थुकियागु पलेसा पुलादी।”

यूहन्‍ना 11:24

मार्थां धाल – “दकलय् लिपायागु दिनय् सीपिं म्‍वाना वइबलय् व नं म्‍वाना वइ धकाः जिं नं स्‍यू।”

प्रेरित 23:6

पावलं अन सदुकी व फरिसीतय्‌त नं खनाः थथे धाल – “दाजुकिजापिं, जि फरिसीया काय् फरिसी खः। सीम्‍ह मनू हानं म्‍वाना वइ धकाः आशा यानागुलिं थथे जिगु न्‍याय जुयाच्‍वंगु दु।”

प्रेरित 26:7

थ्‍व हे खँ झी झिंनिगू कुलं नं जुइतिनि धकाः आशा यानाः दुनुगलंनिसें चां न्‍हिं परमेश्‍वरयागु आराधना याना जुल। थ्‍व हे आशां यानाः जितः थौं ज्‍वना हल, महाराज।

प्रेरित 27:12

चिकुलाबलय् च्‍वनेत थ्‍व जहाज दिकेगु थाय् पाय्‌छि मजूगुलिं अप्‍वःसिनं वनाः फतिंफतले फोनिक्‍सय् थ्‍यंकेगु मतिइ तःगु खः। थ्‍व क्रेट टापुयागु छगू लःजहाज दिकेगु थाय् खः। थ्‍व दच्‍छिन-पच्‍छिम व उत्तर-पच्‍छिम स्‍वः।

रोमी 11:14

थुकथं जिमि यहूदी दाजुकिजापिं मध्‍ये गुम्‍हं गुम्‍हय्‌सित बचय् यायेत जिं इमित नुगः मुइके बी।

१ कोरिन्‍थी 15:23

तर फुक्‍क पालंपाः जुइ। दकलय् न्‍हापा ख्रीष्‍ट म्‍वात, अले ख्रीष्‍ट हानं थन झायादीबलय् वय्‌कःयापिं मनूत म्‍वाइ।

१ कोरिन्‍थी 9:22

विश्‍वासय् बमलानिपिं मनूतय्‌त थुइकेत नं जि इपिं थें जुया। थुकथं इपिं गथे खः जि नं अथे हे जुया। थुकथं फुक्‍क मनूतय्‌त विश्‍वासय् हयेत जि न्‍ह्याम्‍हं जुया।

१ कोरिन्‍थी 9:27

जिं थःगु म्‍हयात दायाः दायाः बसय् तयाच्‍वना। थथे मयाःसा मेपिन्‍त जक भिंगु खँ न्‍यंकाः जि थः हे सिरपाः काये बहःम्‍ह जुइ मखु।

२ कोरिन्‍थी 11:3

तर जि सर्पं हव्‍वायात छलय् याः थें छिमित नं ख्रीष्‍टयागु सेवा व च्‍वखगु भक्तिपाखें तापाकी धकाः ग्‍यानाच्‍वनागु दु।

१ थेसलोनिकी 3:5

अय्‌जूगुलिं हे जिं थःत पी मफयाः शैतानं छिमित पापय् लाकाः जिमिगु ज्‍या सितिं वन ला धकाः ग्‍यानाः तिमोथीयात छिमिथाय् स्‍वके छ्वयाहयागु खः।

२ थेसलोनिकी 2:3

सुनानं छिमित मिखाय् धुलं छ्वाके मफयेमा। मनूतय्‌सं धर्म यायेगु मत्‍वःतुतले, अले नाश जुइमाःम्‍ह पापयाम्‍ह मनू खनेदय्‌कः मवतले प्रभु झाइ मखु।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

हिब्रू 11:35

विश्‍वासं हे मिसातय्‌सं सीपिं थः मनूतय्‌त म्‍वानावःगु खन। मेपिन्‍सं नं गुब्‍सं सीम्‍वाय्‌क म्‍वाना वये दयेमा धकाः दुःखकष्‍ट फयाः हे सिनावन।

प्रकाश 20:5

द्वःछि दँ फुना मवंतले ल्‍यंदनिपिं सीपिं म्‍वाना मवः, सीपिं म्‍वानावःगु थ्‍व न्‍हापांगु खः।