फिलिप्‍पी 2:29 - नेवाः बाइबल

²⁹ अय्‌जूगुलिं वयात थः हे किजा भाःपियाः दुनुगलंनिसें लसकुस या। थज्‍याःपिन्‍त ला हने हे माः।

फिलिप्‍पी 2:29 Iomraidhean Croise

यशैया 52:7

डाँडात जुयाः सुसमाचार न्‍यंकःवनीपिनिगु तुति गुलि बांलाः, गुपिन्‍सं शान्‍तिया घोषणा याइ, गुपिन्‍सं भिंगु बुखँ हइ, अले उद्धारयात घोषणा याइ, गुपिन्‍सं सियोनयात थथे धाइ, “छिमि परमेश्‍वरं राज्‍य यानादी।”

लूका 9:5

सुनानं छिमित दुमकाःसा, भिंगु खँ मन्‍यंसा छिमिसं इमित लज्‍या चाय्‌केत पालि च्‍वंगु धू तकं थाथा यानाः व थाय् त्‍वःता हुँ।”

यूहन्‍ना 13:20

जिं छिमित खःगु खँ धाये – जिं छ्वया हयाम्‍हय्‌सित दुकाःम्‍हय्‌सिनं जितः हे दुकाःगु ति ग्‍यनी। अथे हे जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु ति ग्‍यनी।”

प्रेरित 2:46

छगू हे मन यानाः न्‍हिं न्‍हिं फुक्‍कं देगलय् मुना च्‍वनेगु, हानं छेँय् छेँय् मरि कुचा थलाः फुक्‍कंनापं च्‍वनाः लय्‌तातां नयेगु यानाच्‍वन।

प्रेरित 28:10

इमिसं जिमित तसकं हनाबना तयेगु यात। जिपिं वनेत जहाजय् च्‍वनाबलय् नं इमिसं जिमित मामाःगु नसात्‍वँसा तये हल।

प्रेरित 8:8

अय्‌जूगुलिं शहरय् च्‍वंपिं मनूत लय्‌तायाच्‍वन।

रोमी 10:15

मछ्वय्‌कं गथे यानाः मनूतय्‌सं न्‍यंकः वनी? यशैयायागु सफुलिइ थथे च्‍वयातःगु दु – “भिंगु खँ न्‍यंक वःपिं मनूत वयाच्‍वंगु गुलि बांलाः।”

रोमी 16:2

प्रभुयागु सेवा यानाच्‍वंपिन्‍त लसकुस याये थें वयात नं लसकुस या। यक्‍व विश्‍वासीतय्‌त व जितः नं ग्‍वाहालि बीम्‍ह जूगुलिं वयात न्‍ह्यागु हे माःसां ग्‍वाहालि या।

१ कोरिन्‍थी 16:10

तिमोथी आम्‍कन वःसा वयात दुनुगलंनिसें लसकुस या, छाय्‌धाःसा जिं थें वं नं प्रभुयागु ज्‍या यानाच्‍वंगु दु।

१ कोरिन्‍थी 16:18

छिमित थें इमिसं जितः नं तसकं न्‍ह्यइपुकल। थज्‍याःपिन्‍त झीसं हनेगु यायेमाः।

२ कोरिन्‍थी 10:18

प्रभुं तःधं धाःम्‍ह मनू जक तःधंम्‍ह जुइ, थःत थःम्‍हं तःधं धकाः धया जुइवं व तःधं जुइ मखु।

२ कोरिन्‍थी 7:2

जिमित छिमिगु नुगलय् तयाति। जिमिसं सुयातं अन्‍याय यानागु मदु, सुयातं स्‍यंकागु मदु, अले सुयाकें थगय् यानाकयागु मदु।

फिलिप्‍पी 2:28

अय्‌जूगुलिं वयात हाकनं स्‍वयेदयाः छिपिं लय्‌तायेमा धकाः जिं वयात छ्वया हयेत्‍यनागु खः। अले जिगु दुःखकष्‍ट नं क्‍वलाना वनी।

कलस्‍सी 4:10

जिनापं झ्‍यालाखानाय् कुनातःम्‍ह अरिस्‍तार्खसं नं छिमित ज्‍वजलपा धयाहःगु दु। अथे हे बारनाबासया किजा मर्कूसं नं छिमित ज्‍वजलपा धयाहःगु दु। वयागु खँ ला छिमित न्‍हापा हे धायेधुन। व वल धाःसा छिमिसं वयात दुनुगलंनिसें लसकुस या।

१ थेसलोनिकी 5:12

दाजुकिजापिं, छिमित जिगु बिन्‍ति दु – छिमिथाय् ज्‍या यानाच्‍वंपिं, छिमित स्‍यनेकने याइपिं थकालिपिन्‍त हनाबना तयेगु या।

१ तिमोथी 5:17

बांलाक ज्‍या याःपिं थकालिपिन्‍त अप्‍वः हनाबना तयेमाः। अज्‍ज ला वचन न्‍यंकीपिं व स्‍यनिपिन्‍त अप्‍वः हनाबना तयेमाः।

हिब्रू 13:17

छिमिसं मण्‍डलीया थकालिपिनिगु खँ न्‍यँ, अले इमिसं धाःथें च्‍वँ, छाय्‌धाःसा इमिसं थःगु ज्‍याया ल्‍याःचाः परमेश्‍वरयात क्‍यनेमाःगुलिं छिमित बांलाक हेरचाह याना तइ। इमित थःगु ज्‍या लसतां याकेब्‍यु, इमित नुगलय् स्‍याके मते। मखुसा छिमित हे बांलाइ मखु।

३ यूहन्‍ना 1:10

वं अथे यानाच्‍वंगु खँ फुक्‍कं जिं आम्‍कन वयेबलय् कनाबी। वं जिमित बांमलाका च्‍वंगु दु। अले वं जिमिगु बारे मभिंगु खँ धया जुयाच्‍वंगु दु। उलि जक मखु, आम्‍कन वःपिं दाजुकिजापिन्‍त नं वं दुमकाः। अथे वःपिं दाजुकिजापिन्‍त दुकायेत स्‍वःपिन्‍त नं वं मण्‍डलीं पितिनाछ्वत।