फिलिप्‍पी 2:19 - नेवाः बाइबल

¹⁹ तिमोथीयात छिमिथाय् याकनं हे छ्वयाहये फइ धकाः जिं प्रभु येशूयाके आशा यानाच्‍वनागु दु। अले छिमिगु भिंगु खँ न्‍यने दयाः जितः लय्‌तावइ।

फिलिप्‍पी 2:19 Iomraidhean Croise

यर्मिया 17:5

परमप्रभुं थथे धयादी, “व मनूयात सराः लायेमा, गुम्‍हय्‌सिगु मन जिपाखें फहिलावनी, गुम्‍हय्‌सिनं मनूयागु व सीनावनीपिं मनूया शक्तियागु भलसा काइ।

मत्ती 12:21

अले जात जातियापिन्‍सं थ्‍वयागु हे नामय् आशा यानाच्‍वनी।”

प्रेरित 16:1

पावलपिं हानं डर्बी जुयाः लुस्‍त्राय् वन। अन तिमोथी धाःम्‍ह छम्‍ह चेला दु। वया मां विश्‍वासी यहूदी जूसां वया बौ ग्रीक खः।

रोमी 15:12

अले यशैयां नं थथे धाःगु दु – “यिशैया सन्‍तान दइ, वं यहूदीमखुपिन्‍त राज्‍य याइ। अले इमिसं वय्‌कःयाके हे आशा तइ।”

रोमी 16:21

जि नाप नाप प्रभुयागु ज्‍या यानाच्‍वंम्‍ह तिमोथी, जिमि यहूदी किजापिं लुकियस, यासोन व सोसिपात्रोसपिन्‍सं छिमित ज्‍वजलपा धयाहःगु दु।

१ कोरिन्‍थी 4:17

अथे जूगुलिं जिं छिमिथाय् तिमोथीयात छ्वयाहयागु दु। व जितः तसकं यःम्‍ह व विश्‍वास याये बहःम्‍ह जिम्‍ह काय् थें खः। वयात जिं हे ख्रीष्‍टयात विश्‍वास याकागु खः। ख्रीष्‍ट येशूपाखें दुगु न्‍हूगु जीवनय् जि गुकथं च्‍वनाच्‍वन धयागु खँ फुक्‍क वं हे छिमित कनी। थ्‍व हे खँ जिं मण्‍डलीइ फुक्‍कभनं स्‍यना जुयागु दु।

एफिसी 1:13

अथे हे छिमिसं नं थ्‍व मुक्ति बीगु सत्‍य व भिंगु खँ न्‍यनाः ख्रीष्‍टयात विश्‍वास यात। अले थःम्‍हं बाचा चिना तःकथं पवित्र आत्‍मा बैना बियाः परमेश्‍वरं छिमित थः मनू यानादिल।

फिलिप्‍पी 1:1

ख्रीष्‍ट येशूया च्‍यःत पावल व तिमोथीयापाखें फिलिप्‍पीइ च्‍वंपिं ख्रीष्‍ट येशूयात विश्‍वास यानाच्‍वंपिं, मण्‍डलीइ हेरचाह याइपिं व ग्‍वाहालि याइपिं सकसितं ज्‍वजलपा!

फिलिप्‍पी 2:18

अथे हे छिपिं नं जि थें लय्‌ताया च्‍वँ।

फिलिप्‍पी 2:28

अय्‌जूगुलिं वयात हाकनं स्‍वयेदयाः छिपिं लय्‌तायेमा धकाः जिं वयात छ्वया हयेत्‍यनागु खः। अले जिगु दुःखकष्‍ट नं क्‍वलाना वनी।

१ थेसलोनिकी 3:2

छिमित साहस बीत व विश्‍वासय् बल्‍लाकेत जिपिं नाप भिंगु खँ न्‍यंका च्‍वंम्‍ह परमेश्‍वरया सेवा याइम्‍ह किजा तिमोथीयात छिमिथाय् छ्वयाहयागु खः।

१ थेसलोनिकी 3:5

अय्‌जूगुलिं हे जिं थःत पी मफयाः शैतानं छिमित पापय् लाकाः जिमिगु ज्‍या सितिं वन ला धकाः ग्‍यानाः तिमोथीयात छिमिथाय् स्‍वके छ्वयाहयागु खः।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

याकूब 4:15

छिमिसं अथे मतिइ मतसे, बरु थथे मतिइ तयेमाःगु खः – “प्रभुयात यःसा, झी म्‍वानाच्‍वन धाःसा झीसं थथे अथे याये।”

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।