फिलिप्‍पी 2:15 - नेवाः बाइबल

¹⁵ उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

फिलिप्‍पी 2:15 Iomraidhean Croise

भजनसंग्रहया सफू 122:5

अन न्‍यायया सिंहासन दु, दाऊदया वंशया सिंहासन अन दु।

प्रस्‍थान 34:35

अले इस्राएलीतय्‌सं मोशायागु ख्‍वाः ज्‍वाल्‍ल थीगु खनीगु। परमप्रभुलिसे खँ ल्‍हायेत दुने दुहां मवंतले हे थःगु ख्‍वाः त्‍वपुया तइगु।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

हितोपदेश 8:8

जिं धयागु छग्‍वः छग्‍वः खँग्‍वः सत्‍य खः। छुं हे मखुगु मदु। अले झंगः लाइगु खँ नं मखु।

यशैया 60:1

“हे यरूशलेम दँ! छाय्‌धाःसा छंगु जः वये धुंकल! अले परमप्रभुया महिमा छंके खनेदः वःगु दु।

दानिएल 6:4

थथे जूगुलिं मेपिं निम्‍ह मन्‍त्रीत व प्रान्‍तयापिं बडा-हाकिमतय्‌सं सरकारी ज्‍याय् दानिएलयागु दोष मालेगु याना हल। तर इमिसं वं छुं मखुगु ज्‍या याःगु लुइके मफुत, छाय्‌धाःसा व विश्‍वास याये बहःम्‍ह मनू खः, व लाः लाः थें यानाजुइम्‍ह मनू मखु।

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

मत्ती 17:17

वय्‌कलं धयादिल – “छिमिसं गथे जक विश्‍वास याये मफुगु? जि छिपिंनाप ग्‍वःन्‍हु हे च्‍वनीतिनि धकाः? जिं छिमित गुलि जक सह यानाच्‍वनेगु? मचायात थन हजि।”

मत्ती 5:45

अले जक छिपिं स्‍वर्गय् दीम्‍ह बाःया मस्‍त जुइ फइ, छाय्‌धाःसा वय्‌कलं भिंपिं व मभिंपिं निम्‍हय्‌सितं निभाः त्‍वय्‌कादी। अले धर्मी व पापी निम्‍हय्‌सितं वा वय्‌कादी।

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

लूका 6:35

“अय्‌जूगुलिं छिमिसं शत्रुतय्‌त माया यानाः इमित भिं या। लित कायेगु मतिइ मतसे त्‍यासा ब्‍यु। अले छन्‍त तःधंगु सिरपाः दइ। अले हानं छिपिं दकलय् तःधंम्‍ह परमेश्‍वरया काय्‌पिं जुइ। छिमि परमेश्‍वर बाःनं लोभीतय्‌त नं, तसकं मभिंपिं मनूतय्‌त नं, उतिकं हे दया माया यानादी।

यूहन्‍ना 5:35

यूहन्‍ना ला च्‍याःगु व थीगु मत जक खः। वयागु जलय् छिमिसं छुं ई तक जक जूसां लय्‌ताय्‌गु हे यय्‌कल।

प्रेरित 2:40

मेमेगु नं यक्‍व दसि बियाः वं इमित होश यानाच्‍वनेत धाल – “थौंकन्‍हय्‌यापिं मनूतपाखें बचय् जुयाच्‍वँ।”

प्रेरित 20:30

थुलि जक मखु, छिकपिनिगु हे पुचलं मखुगु खँ ल्‍हानाजुइपिं मनूत पिहां वइ। अले इमिसं विश्‍वासीतय्‌त थःगु हे मभिंगु लँय् यंकी।

रोमी 16:19

छिमिसं परमेश्‍वरयात मानय् यानाच्‍वंगु दु धकाः फुक्‍कभनं बय्‌बय् जूगुलिं जि छिपिं खनाः तसकं हे लय्‌तायाच्‍वना। छिमिसं मभिंगुली वास्‍ता मयासें छुं हे मस्‍यूपिं थें जुयाः भिंगुली जक बांलाक मन तयाः बुद्धिमान जुया च्‍वंसा जि तसकं लय्‌ताये।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

व्‍यवस्‍था 32:5

इमिसं वय्‌कःलिसें क्‍वह्यंगु व्‍यवहार यात, अले थःगु दोषया कारण आवंलि इपिं वय्‌कःया सन्‍तान मखुत। इपिं दुष्‍ट व ध्‍वंलाइपिं मनूत खः।

फिलिप्‍पी 1:10

थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

फिलिप्‍पी 3:6

धर्मयागु ज्‍याखँय् नं जि विश्‍वासीतय्‌त दुःखकष्‍ट बीगुलिइ न्‍ह्यज्‍याना च्‍वनाम्‍ह खः। अले हानं जि यहूदीतय्‌गु थितिकुति मानय् यानाः धर्मी जुया च्‍वनाम्‍ह नं खः।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

१ तिमोथी 3:10

बांलाक जाँचय् याये धुंकाः तिनि इमित मण्‍डली ग्‍वाहालि याकेबीमाः।

१ तिमोथी 3:2

बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

१ तिमोथी 5:20

पाप याइपिन्‍त फुक्‍कसिया न्‍ह्यःने हे ब्‍वःब्‍यु। थथे याःसा जक मेपिं नं ग्‍याइ।

१ तिमोथी 5:7

अज्‍याःपिं मिसातय्‌त दोष मदय्‌क जुइ फयेमा धकाः थ्‍व खँ स्‍यनेकने या।

तीतस 1:6

थकालि जुइम्‍ह मनू दोष मदुम्‍ह, छम्‍ह हे जक मिसालिसे ब्‍याहा याःम्‍ह जुइमाः, हानं वया मस्‍त नं विश्‍वासीत व यःयःथें सना मजुइपिं जुइमाः।

तीतस 2:10

अले उखेंथुखें खुयाकायेगु मयासें भिंम्‍ह व विश्‍वास याये बहःम्‍ह जुयाः न्‍ह्यागु खँय् नं झीत मुक्ति बियादीम्‍ह परमेश्‍वरयागु वचनयात तःधंके फयेमा।

तीतस 2:15

छं थ्‍व फुक्‍कं न्‍यंकाब्‍यु। ब्‍वःबी माःसां साहस बी माःसां छं स्‍वयाः या। अले छन्‍त सुनानं हेपय् याये फइ मखु।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

प्रकाश 2:5

उकिं छिमिसं गनथाय् द्वंकागु खः लुमंकाः पश्‍चाताप यानाः न्‍हापा न्‍हापा याःथें थौंकन्‍हय् नं याये माल। मखुसा जि हे वयाः छिमिगु त्‍वाःदेवा उकिया थासं लिकयाबी। उकिं छिमिसं पश्‍चाताप याये हे माः।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।