फिलिप्‍पी 1:27 - नेवाः बाइबल

²⁷ ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 1:27 Iomraidhean Croise

१ इतिहास 19:12

योआबं अबीशैयात धाल, “अरामीतय्‌सं जितः बुकाच्‍वंगु खन धाःसा छ वयाः जितः ग्‍वाहालि ब्‍यु, अम्‍मोनीतय्‌सं छन्‍त बुकाच्‍वंगु खन धाःसा जि वयाः छन्‍त ग्‍वाहालि बी।

भजनसंग्रहया सफू 122:3

यरूशलेम शहरयात बांलाक मिलय् यानाः दय्‌कूगु दु।

भजनसंग्रहया सफू 133:1

दाजुकिजापिं मिलय् जुयाः च्‍वनेगु गुलि बांलाःगु व न्‍ह्यइपुसे च्‍वंगु खँ खः।

हितोपदेश 22:23

छाय्‌धाःसा परमप्रभुं इमिगु मुद्दा स्‍वयादी। अले इमित लुतय् याःपिन्‍त वय्‌कलं लुतय् यानादी।

यर्मिया 32:39

जिं इमिगु जीवनय् छगू हे मन व छगू हे बिचाः बी। अले इमिसं न्‍ह्याबलें थःगु भिं व थः सन्‍तानतय्‌गु भिंया निंतिं जिगु भय काइ।

मत्ती 12:25

इमिगु मतिइ च्‍वंगु खँ थुइकाः वय्‌कलं इमित धयादिल – “गुगुं नं राज्‍य निकू दलाः थःथवय् ल्‍वाना जुल धाःसा थः हे नाश जुइ। अथे हे गुगुं नं शहर व छेँनं थःथवय् बायाः ल्‍वाना जुल धाःसा ताःतुइ मखु।

प्रेरित 2:46

छगू हे मन यानाः न्‍हिं न्‍हिं फुक्‍कं देगलय् मुना च्‍वनेगु, हानं छेँय् छेँय् मरि कुचा थलाः फुक्‍कंनापं च्‍वनाः लय्‌तातां नयेगु यानाच्‍वन।

प्रेरित 24:24

छन्‍हु निन्‍हु लिपा फेलिक्‍स थः यहूदी कलाः द्रूसिल्‍लायात ब्‍वनाः वल। अले येशू ख्रीष्‍टयागु विश्‍वासयागु खँ न्‍यनेत पावलयात सःतके छ्वल।

प्रेरित 4:32

फुक्‍क विश्‍वासीतय्‌गु मन व नुगः छगू थें जू। अथे जूगुलिं सुनानं थ्‍व जिगु व छंगु धकाः मधासे फुक्‍कं मंकाः याना तल।

रोमी 1:16

थथे जूगुलिं भिंगु खँ न्‍यंकेत जि मछाः मजू। छाय्‌धाःसा विश्‍वास याइपिं फुक्‍कसितं, न्‍हापालाक यहूदीतय्‌त अले यहूदीमखुपिन्‍त नं उद्धार बीत थ्‍व भिंगु खँ परमेश्‍वरयागु शक्ति खः।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

रोमी 10:8

परमेश्‍वरयागु वचन छिमिगु न्‍ह्यःने हे दु, छिमिगु म्‍हुतुइ व नुगलय् दु। जिमिसं न्‍यंकागु भिंगु खँ हे थ्‍व विश्‍वासयागु खः।

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

रोमी 15:29

जि छिमिथाय् वयेबलय् ख्रीष्‍टं बियादीगु यक्‍व आशिष नं ज्‍वनाः वये दइ धकाः जिं स्‍यू।

१ कोरिन्‍थी 1:10

यःपिं दाजुकिजापिं, झी प्रभु येशू ख्रीष्‍टया नामय् छिमित जिगु बिन्‍ति दु – छिपिं सकसिनं छगू हे खँ ल्‍हायेगु या। छिमिगु दथुइ ल्‍वापु मजुइमा बरु छिपिं फुक्‍कं मिलय् जुयाः छगू हे बिचाः व छगू हे मन जुयाच्‍वनेगु त्‍वःते मते।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

२ कोरिन्‍थी 9:13

छिमिसं थथे ग्‍वाहालि याःगुलिं फुक्‍कसिनं छिपिं भिंपिं मनूत खः धकाः सीकी। ख्रीष्‍टयागु भिंगु खँ मानय् यानाच्‍वंगु दु धकाः थुकिं सी दइ। थुकिं यानाः इमिसं परमेश्‍वरयात सुभाय् बी।

गलाती 1:7

धात्‍थें धायेमाल धाःसा ख्रीष्‍टयागु भिंगु खँ बाहेक मेगु भिंगु खँ मदु। गुलिं गुलिं मनूत छिमिथाय् वयाः छिमित स्‍यंकेत ख्रीष्‍टयागु भिंगु खँयात मेकथं हिलेत कुतः यानाच्‍वंगुलिं जिं थथे धायेमाःगु खः।

एफिसी 1:13

अथे हे छिमिसं नं थ्‍व मुक्ति बीगु सत्‍य व भिंगु खँ न्‍यनाः ख्रीष्‍टयात विश्‍वास यात। अले थःम्‍हं बाचा चिना तःकथं पवित्र आत्‍मा बैना बियाः परमेश्‍वरं छिमित थः मनू यानादिल।

एफिसी 1:15

छिमिसं येशू ख्रीष्‍टयात क्‍वात्तुक विश्‍वास यानाच्‍वंगु व फुक्‍क विश्‍वासीतय्‌त दया माया यानाच्‍वंगु खँ न्‍यनाः

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

फिलिप्‍पी 1:5

छाय्‌धाःसा भिंगु खँ न्‍यंकेगु ज्‍याय् छिमिसं जितः न्‍हापांनिसें ग्‍वाहालि यानावयाच्‍वंगु दु।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

फिलिप्‍पी 2:24

जि थः हे नं याकनं वये दइ धकाः प्रभुयाके भरोसा तयाच्‍वनागु दु।

फिलिप्‍पी 3:18

जिं छिमित न्‍हापा नं तःकः मछि धायेधुन। आः नं मिखाय् ख्‍वबि तयाः जिं धयाच्‍वना – ख्रीष्‍टयागु क्रूसया शत्रु जुयाच्‍वंपिं नं यक्‍व हे दु।

फिलिप्‍पी 3:20

झीपिं ला स्‍वर्गया नागरिकत खः। झीपिं मुक्ति बीम्‍ह झी प्रभु येशू ख्रीष्‍ट स्‍वर्गं झाइतिनि धकाः लँ स्‍वया च्‍वनापिं खः।

फिलिप्‍पी 4:1

अय्‌जूगुलिं यःपिं दाजुकिजापिं, थुकथं हे प्रभुयात क्‍वात्तुक विश्‍वास याना च्‍वँ। जि छिमित नापलायेत आय्‌बुयाच्‍वनागु दु। छिपिं जिगु लय्‌ताः व श्रीपेच खः।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

कलस्‍सी 1:4

छाय्‌धाःसा छिमिसं येशू ख्रीष्‍टयात विश्‍वास यानाच्‍वंगु व परमेश्‍वरया मनूतय्‌त दया माया यानाच्‍वंगु खँ जिमिसं न्‍यना तयागु दु।

१ थेसलोनिकी 3:6

आः नकतिनि हे जक तिमोथी छिमिथासं थन थ्‍यंकः वल। छिमिगु विश्‍वास व माया अज्‍ज नं बल्‍लानाच्‍वंगु दु धकाः लय्‌ताय् बहःगु खँ कन। जिमिसं थें छिमिसं नं जिमित लुमंकाच्‍वंगु दु, अले जिमिगु ख्‍वाः स्‍वये आपुलु जुयाच्‍वंगु दु धकाः नं वं कन।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ तिमोथी 1:11

थ्‍व हे तसकं भिंगु खँ दकलय् तःधंम्‍ह परमेश्‍वरं जितः न्‍यंकेत बियादीगु खः।

१ तिमोथी 1:19

विश्‍वास यायेगु व भिंगु खँ मतिइ तयेगु त्‍वःते मते। मति मभिना वंगुलिं ग्‍वःम्‍हय्‌सिनं ला विश्‍वास यायेगुनापं त्‍वःते धुंकल।

२ तिमोथी 4:7

जिं यायेमाःगु बांलाक याये धुन। जिं ब्‍वाँय् वने गाके धुन। अथेसां जिं जिगु विश्‍वासयात बल्‍लाक तया तयागु दु।

तीतस 2:10

अले उखेंथुखें खुयाकायेगु मयासें भिंम्‍ह व विश्‍वास याये बहःम्‍ह जुयाः न्‍ह्यागु खँय् नं झीत मुक्ति बियादीम्‍ह परमेश्‍वरयागु वचनयात तःधंके फयेमा।

फिलेमोन 1:5

प्रभु येशू ख्रीष्‍ट व फुक्‍क विश्‍वासीतय्‌त छं उतिकं माया व विश्‍वास यानाच्‍वंगु खँ जिं न्‍यनागु दु।

याकूब 3:18

शान्‍ति बीम्‍हय्‌सिनं मिलय् यायेगु ज्‍यां भिंगु फल सय्‌की।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।