फिलिप्‍पी 1:26 - नेवाः बाइबल

²⁶ जि छिमिथाय् हाकनं वयेबलय् जि वःगुलिं छिमिसं ख्रीष्‍ट येशूयात अज्‍ज अप्‍वः तःधंकी।

फिलिप्‍पी 1:26 Iomraidhean Croise

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यूहन्‍ना 16:22

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

२ कोरिन्‍थी 1:14

थौंकन्‍हय् छिमिसं जिमिगु खँ भचासां थुइ धुंकल। प्रभु येशू हानं झायादीबलय् छिपिं खनाः गथे जिमिसं छ्यं धस्‍वाके फइ अथे हे छिमिसं जिपिं खनाः छ्यं धस्‍वाके फइ।

२ कोरिन्‍थी 5:12

हानं जिपिं भिंपिं मनूत खः धकाः धायेत छिमित थथे च्‍वयाच्‍वनागु मखु। बरु जिमिगु पंलिनाः छिपिं तःधं जुइ फयेमा धकाः थथे च्‍वयाच्‍वनागु खः। थथे मनूतय्‌गु नुगः मस्‍वसे, ख्‍वाःपाः जक स्‍वयाः खँ ल्‍हाइपिं मनूतय्‌त छिमिसं कुगाक्‍क लिसः बी फयेमा।

२ कोरिन्‍थी 7:14

छिमिगु खँ जिं वयात फुइँ यानाः धया। जिं वयात फुइँ यानाः धया थें छिमिसं यानाक्‍यन। जिमिसं छिमित न्‍ह्याबलें सत्‍य खँ धयाच्‍वनागु दु। अथे हे तीतसयात जिमिसं धयागु खँ नं सत्‍य जुल।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

२ कोरिन्‍थी 7:6

अय्‌नं नुगः ख्‍वःपिन्‍त सान्‍त्‍वना बियादीम्‍ह परमेश्‍वरं तीतसयात छ्वयाहयाः जिमित लय्‌ताय्‌कादिल।

गलाती 6:4

सकसिनं थःम्‍हं थःगु ज्‍यायात जाँचय् याना स्‍व। थःम्‍हं यानागु भिंगु ज्‍याय् लय्‌ताया च्‍वँ। मेपिन्‍सं स्‍वयाः बांलाक यानागु दु धकाः तःधंछुना जुइ मते।

फिलिप्‍पी 3:1

यःपिं दाजुकिजापिं, मू खँ छु धाःसा – छिपिं प्रभुलिसे लय्‌ताया च्‍वँ। न्‍हापा च्‍वये धुनागु हे खँ हानं लिसा कयाः च्‍वयेत जिं थाकु मचाया। थुकिं छिमित हे भिं याइ।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

फिलिप्‍पी 4:10

प्रभुलिसे जि तसकं लय्‌तायाच्‍वनागु दु। तःन्‍हु लिपा छिमिसं जितः हानं लुमंकाः हल। अथे ला छिमिसं न्‍हापांनिसें लुमंकाच्‍वंगु खः। ई जक चू मलाःगु खः।

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”