फिलिप्‍पी 1:22 - नेवाः बाइबल

²² म्‍वानाच्‍वन धाःसा जिं अज्‍जं ख्रीष्‍टयागु भिंगु ज्‍या याये फइ। उकिं सीगु बांलाः ला कि म्‍वायेगु बांलाः धकाः जिं धाये मफु।

फिलिप्‍पी 1:22 Iomraidhean Croise

उत्‍पत्ति 21:26

अले अबीमेलेकं धाल, “थ्‍व खँ जिं थौं हे तिनि न्‍यना। छिं थ्‍व खँ न्‍हापा हे छाय् धयामदिया? जिं मस्‍यू थथे सुनां यात।”

उत्‍पत्ति 39:8

वं थ्‍व खँ मन्‍यं, अले धाल, “जि थ्‍व छेँय् दुगुलिं जिमि मालिकं छुं खँय् हे च्‍यूताः मतः, वय्‌कलं थःके दुगु फुक्‍क जिगु जिम्‍माय् त्‍वःतादीगु दु।

भजनसंग्रहया सफू 71:18

हे परमेश्‍वर, आः जि बुरा जुइ धुन जिगु सँ तुयुसे च्‍वने धुंकल। अय्‌नं आःया न्‍हू पुस्‍तायापिं मनूतय्‌त जिं छिगु अजू चायापुगु ज्‍यायागु खँ मन्‍यंकुतले जितः त्‍वःतादी मते।

प्रस्‍थान 32:1

मनूतय्‌सं मोशायात गुँच्‍वकां क्‍वहां वयेत लिबाका च्‍वंगु खनाः हारूनयाथाय् मूं वनाः वयात थथे धाल, “जिमिगु न्‍ह्यः न्‍ह्यः वनेत द्यः दय्‌कादिसँ छाय्‌धाःसा जिमित मिश्रं पितहःम्‍ह मोशायात छु जुल जिमिसं मस्‍यू।”

प्रेरित 3:17

“न्‍ह्यागु हे जूसां दाजुकिजापिं, छिकपिन्‍सं व छिकपिनि शासकतय्‌सं मसीकं थथे यानादीगु खः धकाः जिं स्‍यू।

रोमी 1:13

यःपिं दाजुकिजापिं, जि छिमिथाय् वयेत तःकः मछि हे कुतः याये धुन। छुं खं यानाः वये मफया च्‍वन। जि वयाः मेथाय् च्‍वंपिं यहूदीमखुपिन्‍त थें छिमिथाय् नं परमेश्‍वरयात म्‍हमस्‍यूपिं मनूतय्‌त वय्‌कःयात म्‍हसीका बी।

रोमी 11:2

न्‍हापांनिसें ल्‍ययातःपिं वय्‌कःया मनूतय्‌त परमेश्‍वरं त्‍वःतादीगु मदुनि। एलियायागु खँ धर्मशास्‍त्रय् च्‍वयातःगु छिमिसं मस्‍यू ला? इस्राएलीतय्‌त मभिंकाः एलियां परमेश्‍वरयात थथे बिन्‍ति यात –

२ कोरिन्‍थी 10:3

जिपिं थ्‍व संसारय् च्‍वनाच्‍वंपिं मनूत खः धयागु खँ सत्‍य खः, अय्‌सां संसारयापिं थें जिपिं ल्‍वानाच्‍वनागु मदु।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

फिलिप्‍पी 1:24

थ्‍व जिगु निंतिं तसकं भिंगु खँ खः, छिमिगु निंतिं धाःसा जि म्‍वानाच्‍वने हे माः।

कलस्‍सी 2:1

अय्‌जूगुलिं छिमिगु निंतिं, लाउडिकियाय् च्‍वंपिनिगु निंतिं व जिगु ख्‍वाः तकं मखंनिपिनिगु निंतिं जिं गुलि दुःखकष्‍ट सियाः ज्‍या यानाच्‍वनागु दु धकाः छिमित कने।

१ पत्रुस 4:2

अथे जूगुलिं आवंलि छिपिं शरीरय् म्‍वाना च्‍वंतले परमेश्‍वरं धाःथें च्‍वँ। छिमिसं गुबलें थः यःथें याना जुइ मते।