फिलिप्‍पी 1:20 - नेवाः बाइबल

²⁰ अय्‌जूगुलिं जि छुकी नं लज्‍या चाये माली मखु धकाः जितः आशा व भरोसा दु। अले न्‍ह्याबलें थें जि आः नं ग्‍याये मखु, सीसां म्‍वाःसां जिगुपाखें ख्रीष्‍टयागु नां जक तःधना च्‍वंसां जितः गाः।

फिलिप्‍पी 1:20 Iomraidhean Croise

भजनसंग्रहया सफू 119:116

हे परमप्रभु, जि म्‍वानाच्‍वने फयेमा धकाः छिगु बचंकथं जितः लिधंसा बियादिसँ, अले जिगु आशाया लागि जितः लज्‍याय् लाकादी मते।

भजनसंग्रहया सफू 119:80

जिं दुनुगलंनिसें छिगु व्‍यवस्‍था मानय् याये फयेमा, लज्‍या चाये म्‍वालेमा।

भजनसंग्रहया सफू 25:2

हे जिमि परमेश्‍वर, जिं छिगु हे भलसा कयागु दु! जितः मछालेपुके मते। जितः जिमि शत्रुतय्‌सं त्‍याके बियादी मते।

भजनसंग्रहया सफू 62:5

हे जिगु मन, परमेश्‍वरयाके जक झासु लंकि। छाय्‌धाःसा जिं परमेश्‍वरपाखें हे जक आशा यानागु दु।

हितोपदेश 10:28

धर्मीत आशां द्याइ मखु, दुष्‍टतय्‌गु आशा सितिं वनी।

हितोपदेश 23:18

थुकिं यानाः छन्‍त सिरपाः दइ, छ आशां द्याइ मखु।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 50:7

जि लाजय् लाइ मखु, छाय्‌धाःसा परमप्रभु परमेश्‍वरं जितः ग्‍वाहालि यानादी। जिं च्‍वल्‍वहं थें कडा जुइगु क्‍वःछिनागु दु, अले जिं स्‍यू कि जि लाजय् लाइ मखु।

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

यूहन्‍ना 21:19

वय्‌कलं परमेश्‍वरयात तःधंकेत पत्रुस गुकथं सिनावनेमाली धकाः धयादीगु खः। थुलि धयादी धुंकाः वयात धयादिल – “जिगु ल्‍यूल्‍यू वा।”

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 21:13

पावलं धाःसा थथे लिसः बिल – “छिकपिन्‍सं थथे ख्‍वयाः हालाः जिगु मन क्‍वतुंकेत स्‍वयां छु याये? प्रभु येशूयागु नामय् ज्‍वनाः चिकेत जक छु सीत तकं लिचिले मखु।”

प्रेरित 4:31

प्रार्थना याये सिधये धुंकाः इपिं मुनाच्‍वंगु थाय् सन। अले इपिं फुक्‍कं पवित्र आत्‍मां जाल। अले इमिसं परमेश्‍वरयागु वचन मग्‍यासे नवाना जुल।

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 5:5

झीत निराश याइ मखु, छाय्‌धाःसा परमेश्‍वरं झीत पवित्र आत्‍मा बियादीगु दु। पवित्र आत्‍मां झीगु नुगलय् परमेश्‍वरयागु माया तयादीगु दु।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

रोमी 6:19

छिमिसं बांलाक थुइके थाकुइ धकाः जिं मनूतय्‌सं थें धयाच्‍वनागु खः। न्‍हापा छकः छिमिसं पापी ज्‍याखँ जक यायेगुलिं अप्‍वः मन तया जुइ धुंकू थें आः भिंगु ज्‍याखँय् अप्‍वः मन तया जु। आः पवित्र जुइत छिमिगु जीवन परमेश्‍वरया निंतिं लःल्‍हानाब्‍यु।

रोमी 8:19

फुक्‍क सृष्‍टि परमेश्‍वरं थः सन्‍तानतय्‌त क्‍यनेगु दिं स्‍वयेत आय्‌बुया च्‍वंगु दु।

रोमी 9:33

थथे नं च्‍वयातःगु दु – “जिं सियोनय् इमित लुफिं हाकेत छगः ल्‍वहं व क्‍वथलेत छगः ल्‍वहंधी तयाच्‍वना। वय्‌कःयात विश्‍वास यानाजुइपिन्‍सं धाःसा गुब्‍सं लज्‍या चाय् माली मखु।”

१ कोरिन्‍थी 15:31

यःपिं दाजुकिजापिं, छिमिगु विश्‍वासं यानाः जिं प्रभु येशू ख्रीष्‍टया न्‍ह्यःने छ्यं धस्‍वाकाः धयाच्‍वना – “जि न्‍हिन्‍हिं सिना च्‍वना।”

१ कोरिन्‍थी 6:20

छिपिं मू पुलाः न्‍याना तःपिं खः। अय्‌जूगुलिं छिमिगु म्‍हं परमेश्‍वरयात तःधंकेमाः।

१ कोरिन्‍थी 7:34

अय्‌जूगुलिं थज्‍याःम्‍ह मनूयागु मन निखे लानाच्‍वनी। अथे हे ब्‍याहा मजूनिम्‍ह मिसां नं प्रभुयागु ज्‍या मन तयाः याइ, छाय्‌धाःसा वं थःगु म्‍हं व आत्‍मां नं पवित्र जुइगु कुतः याइ। अले ब्‍याहा जुइ धुंकूम्‍ह मिसां संसारयागु ज्‍याखँय् मन तयाच्‍वनी, छाय्‌धाःसा वं थः भाःतयात लय्‌ताय्‌केगु कुतः यानाच्‍वनी।

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 3:12

थ्‍व खँय् आशा यानाः हे जिमिसं मग्‍यासे थथे नवाये फुगु खः।

२ कोरिन्‍थी 4:10

येशू ख्रीष्‍ट जिमिगु जीवनय् प्रकट जुइमा धकाः वय्‌कः थें सीमातले नं जिमिसं न्‍हियान्‍हिथं दुःखकष्‍ट फयाच्‍वना।

२ कोरिन्‍थी 5:15

फुक्‍क मनूतय्‌गु निंतिं ख्रीष्‍ट सिनादिल। उकिं म्‍वानाच्‍वंपिं आः थःगु निंतिं मखु, बरु इमिगु निंतिं सिनाः म्‍वानादीम्‍ह ख्रीष्‍टयागु निंतिं म्‍वानाच्‍वनेमाः।

२ कोरिन्‍थी 7:14

छिमिगु खँ जिं वयात फुइँ यानाः धया। जिं वयात फुइँ यानाः धया थें छिमिसं यानाक्‍यन। जिमिसं छिमित न्‍ह्याबलें सत्‍य खँ धयाच्‍वनागु दु। अथे हे तीतसयात जिमिसं धयागु खँ नं सत्‍य जुल।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

फिलिप्‍पी 1:14

थुलि जक मखु, जितः थथे कुनातःगुलिं यक्‍व हे दाजुकिजापिन्‍सं प्रभुयाके भरोसा तयाः छप्‍ति हे मग्‍यासे परमेश्‍वरयागु वचन न्‍यंकाजूगु दु।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

१ पत्रुस 4:16

ख्रीष्‍टियनत जूगुलिं छिमिसं दुःखसिया च्‍वनेमाल धकाः छतिं हे लज्‍या चायेमाःगु मदु, बरु अथे ब्‍वःबीकाच्‍वने दुगुलिं छिमिसं परमेश्‍वरयात सुभाय् ब्‍यु।

१ यूहन्‍ना 2:28

अय् जि यःपिं मस्‍त, ख्रीष्‍टनाप च्‍वनाच्‍वँ। अले जक ख्रीष्‍ट हानं थन झायादीबलय् झीपिं ग्‍याये माली मखु, अले वय्‌कः खनाः लज्‍या चाये माली मखु।