फिलिप्‍पी 1:18 - नेवाः बाइबल

¹⁸ थथे न्‍ह्याम्‍हय्‌सिनं न्‍ह्यागुकथं न्‍यंका जूसां जि लय्‌ताः, छाय्‌धाःसा भिंगु मतिइ तयाः याःसां मभिंगु मतिइ तयाः याःसां ख्रीष्‍टयागु हे खँ न्‍यनावनी।

फिलिप्‍पी 1:18 Iomraidhean Croise

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

मर्कूस 12:40

इमिसं भाःत मदुपिं मिसातय्‌गु छेँ लुतय् यानाच्‍वंगु दु। मनूतय्‌त क्‍यनेत धाःसा ताःहाकय्‌क प्रार्थना याना जुइ। उकिं इमित मेपिन्‍त स्‍वयाः अप्‍वः सजाँय बी।”

लूका 9:45

वय्‌कलं अथे धयादीगु इमिसं थुइके मफुत। थुइके मफयेमा धकाः हे थ्‍व खँ त्‍वपुयातःगु खः। अय्‌नं इमिसं वय्‌कःयाके थ्‍व खँ न्‍यनेत ग्‍यात।

लूका 9:50

थ्‍व खँ न्‍यनाः वय्‌कलं वयात लिसः बियादिल – “सु झी शत्रु मखु व झीम्‍ह हे मनू खः, उकिं वयात पने मते।”

रोमी 3:9

अय्‌सा यहूदीत जुल धकाः झीपिं मेपिं मनूत स्‍वयाः भिं जुल ला? मखु, झीपिं नं भिंपिं मखु। यहूदीत व यहूदीमखुपिं नं फुक्‍कं पापयागु पन्‍जाय् लानाच्‍वंगु दु धकाः ला दोष बी हे धुन।

रोमी 6:15

थथे खः धयागु जूसा आः छु यायेगु लय्? झीत परमेश्‍वरं दया माया यानादीगुलिं झीपिं व्‍यवस्‍थां धाःथें च्‍वनेम्‍वाः धकाः झीसं पाप यानाजुइगु ला? अहं, थथे ला ख हे मखु।

१ कोरिन्‍थी 10:19

जिं छु धयाच्‍वनागु दु? मूर्ति नं छुं मखु, अले थ्‍वयात छायेहःगु प्रसाद नं छुं मखु।

१ कोरिन्‍थी 14:15

अय्‌जूसा जिं छु यायेगु लय्? जिं प्रार्थना यायेबलय् जिगु आत्‍मां नं जिगु मनं नं यायेमाः। अथे हे म्‍ये हालेबलय् जिगु आत्‍मां नं जिगु मनं नं हालेमाः।

१ कोरिन्‍थी 15:11

थथे थ्‍व भिंगु खँ छिमित जिं कनागु जूसां, मेपिं प्रेरिततय्‌सं कंगु जूसां जिपिं फुक्‍कसिनं न्‍यंकागु थ्‍व हे खँ खः। अले थ्‍व हे खँयात छिमिसं नं विश्‍वास यानाच्‍वन।

फिलिप्‍पी 1:19

धात्‍थें हे जि लय्‌ताः, छाय्‌धाःसा छिमिगु प्रार्थना व ख्रीष्‍ट येशूं बियादीगु आत्‍मायागु ग्‍वाहालिं जितः त्‍वःतकी धकाः जिं स्‍यू।