फिलिप्‍पी 1:15 - नेवाः बाइबल

¹⁵ गुम्‍ह गुम्‍हय्‌सिनं ला जिं यानागु स्‍वये मफयाः नुगः मुइकाः व इखं नं अथे ख्रीष्‍टयागु खँ न्‍यंकाजूगु दु। गुलिसिनं धाःसा यचुगु नुगलं हे न्‍यंकाच्‍वंगु दु।

फिलिप्‍पी 1:15 Iomraidhean Croise

मत्ती 23:5

“इमिसं न्‍ह्यागु ज्‍यां मनूतय्‌त क्‍यनेत जक याइ। इमिसं व्‍यवस्‍थायागु खँपुयात चिनाः गुलि फत तःधं यानाः थःगु लप्‍पाय् व कपालय् चिना जुइ। अले थःगु वसतय् ताःहाकय्‌क फुर्का तया जुइ।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

प्रेरित 11:20

अय्‌नं साइप्रसय् व कुरेनीइ च्‍वंपिं विश्‍वासीत गुलिसिनं धाःसा एन्‍टिओखियाय् वयाः यहूदीमखुपिन्‍त नं प्रभु येशूयागु खँ न्‍यंकल।

प्रेरित 5:42

अले न्‍हिं न्‍हिं देगलय् व छेँखा पतिकं वनाः स्‍यं जुइगु व येशू हे मुक्ति बीम्‍ह ख्रीष्‍ट खः धयागु भिंगु खँ न्‍यंकः जुइगु मत्‍वःतल।

प्रेरित 8:35

अले फिलिपं धर्मशास्‍त्रयागु थ्‍व खंनिसें कयाः येशूयागु भिंगु खँ तक कन।

प्रेरित 8:5

अथे हे फिलिपं नं सामरियाय् वनाः ख्रीष्‍टयागु भिंगु खँ न्‍यंकाजुल।

प्रेरित 9:20

याकनं हे वं धर्मशास्‍त्र स्‍यनीगु छेँय् वनाः – “येशू परमेश्‍वरया काय् खः” धकाः न्‍यंकाजुल।

रोमी 2:8

ल्‍वापु यानाजुइपिं, सत्‍य खँ मानय् मयाइपिं, दुष्‍ट ज्‍याखँ यानाजुइपिं मनूतय्‌त परमेश्‍वरया क्रोध व तःधंगु तं लाइ।

१ कोरिन्‍थी 1:23

जिमिसं धाःसा क्रूसय् सीम्‍ह ख्रीष्‍टयागु खँ न्‍यंका जुया। यहूदीतय्‌गु निंतिं थ्‍व पंगः जुल, अले ग्रीकतय्‌गु निंतिं थ्‍व मूर्ख खँ जुल।

१ कोरिन्‍थी 13:3

थःके दुगु फुक्‍कं नये मखंपिन्‍त इना ब्‍यूसां, अले थःगु हे म्‍हयात तकं छ्वय्‌के ब्‍यूसां जिके माया धयागु मदुसा जिं यानागु फुक्‍कं सितिं वनी।

२ कोरिन्‍थी 1:19

सिलास, तिमोथी व जिं छिमित परमेश्‍वरया काय् ख्रीष्‍ट येशूयागु खँ न्‍यंकागु दु। वय्‌कःयाके गुबलें “खः” गुबलें “मखु” मदु। तर वय्‌कःयाके न्‍ह्याबलें “खः हे खः” जक दु।

२ कोरिन्‍थी 11:13

प्रेरितत धयाजूपिं थुपिं परमेश्‍वरया प्रेरितत मखु, फताहा प्रेरितत खः। ख्रीष्‍टयापिं प्रेरितत थें जुइत थुमिसं मखुगु खँ ल्‍हाना जुइ।

२ कोरिन्‍थी 12:20

आम्‍कन वयेबलय् जिं मतिइ तया थें छिपिं मजूगु, व छिमिसं मतिइ तः थें जि मजुइ फु धकाः जि ग्‍यानाच्‍वना। छिमि दथुइ थःथवय् ल्‍वापु जुइगु, नुगः मुइकेगु, थःथवय् तंम्‍वया जुइगु, थःगु जक भिं स्‍वयेगु, मभिंकाः खँ ल्‍हायेगु, कर्पिनिगु निन्‍दा यायेगु, घमण्‍ड यानाजुइगु, गतिपति मदय्‌क सना जुइगु, थज्‍याःगु मभिंगु खँ दये फु।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

गलाती 2:4

जिमिसं ख्रीष्‍टपाखें कयागु छुत्‍कारायागु खँ सीकेत जिमिगु चिवा कायेत फताहा विश्‍वासी जुयाः अन वःपिं छम्‍ह निम्‍हय्‌सिनं धाःसा थ्‍व खँ पितहल। इमिसं जिमित दासयात थें व्‍यवस्‍थां धाःथें हे यायेमाः धकाः कर यात।

फिलिप्‍पी 2:3

थःगु जक भिं स्‍वयाः तःधंछुना जुइ मते। बरु थःथवय् क्‍वमिलु जुयाः मेपिं स्‍वयाः चिधं जुया जु।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।