फिलिप्‍पी 1:13 - नेवाः बाइबल

¹³ लाय्‌कुलिइ च्‍वंपिं सिपाइँतय्‌सं जक मखु, मेपिं फुक्‍कसिनं नं जितः ख्रीष्‍टयागु निंतिं झ्‍यालखानाय् कुनातःगु खः धकाः सी धुंकल।

फिलिप्‍पी 1:13 Iomraidhean Croise

प्रेरित 26:29

पावलं धाल – “याकनं जुइमा, लिबाक्‍क जुइमा, छिकपिं सकलें जि थें तुं जुइमा धकाः जिं आशा यानागु दु। तर थथे सिखलं चीका च्‍वनेमाःम्‍ह धाःसा मखु। परमेश्‍वरयाके जिं थ्‍व हे प्रार्थना याना।”

प्रेरित 26:31

इपिं थथे हा हां पिहां वन – “थ्‍व मनुखं स्‍याये हे माःगु व कुने हे माःगु ला छुं नं ज्‍या याःगु मदु खनी।”

प्रेरित 28:17

स्‍वन्‍हु लिपा पावलं यहूदीतय् थकालिपिन्‍त सःतके छ्वल। अले इपिं मुने धुंकाः पावलं थथे धाल – “दाजुकिजापिं, स्‍वयादिसँ, जिं झी मनूतय्‌त व झी तापाःबाज्‍यापिनि पालय् निसें यानाच्‍वंगु थितिकुतियात स्‍यंकाः छुं नं यानागु मदु। अय्‌सां यहूदी दाजुकिजापिन्‍सं जितः यरूशलेमंनिसें कुनाः रोमीतय्‌गु ल्‍हातय् लःल्‍हाना बियाहल।

प्रेरित 28:20

थ्‍व हे खँ धायेत जिं छिकपिन्‍त सःतागु खः। इस्राएलीतय्‌सं आशा याना च्‍वंम्‍हय्‌सिगु खं यानाः जि थथे ज्‍वंका च्‍वनेमाल।”

प्रेरित 28:30

थःम्‍हं हे बालं कयाच्‍वंगु छेँय् पावल निदँ तक च्‍वन। थःथाय् वक्‍वसित वं दुनुगलंनिसें लसकुस याइगु।

एफिसी 3:1

छिपिं यहूदीमखुपिं मनूतय्‌त परमेश्‍वरयागु भिंगु खँ न्‍यंका जुयागुलिं जि ख्रीष्‍टया च्‍यः पावल थथे झ्‍यालखानाय् कुंका च्‍वनेमाल।

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

एफिसी 6:20

थ्‍व हे भिंगु खँ न्‍यंकेत जितः परमेश्‍वरं छ्वयाहयादीगु खः। कुंका च्‍वनेमाःसां जिं गुकथं नवाये माःगु खः उकथं हे मग्‍यासे नवाये फयेमा धकाः नं छिमिसं प्रार्थना या।

फिलिप्‍पी 1:30

छिमिसं न्‍हापा खंगु व आः न्‍यनाच्‍वंगु जिगु दुःखकष्‍ट छिमिसं नं फयाच्‍वंगु दु।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

फिलिप्‍पी 4:22

थनच्‍वंपिं फुक्‍क विश्‍वासीतय्‌सं नं छिमित ज्‍वजलपा धयाहःगु दु। खास यानाः कैसरया जहानपिनिपाखें ज्‍वजलपा धयाहःगु दु।

२ तिमोथी 2:9

थ्‍व हे भिंगु खँ न्‍यंकाः जिं थथे अपराधीयात थें नेवलं चिकाः च्‍वनेमाली। तर परमेश्‍वरयागु वचनयात सुनानं चिनातये फइ मखु।