फिलिप्‍पी 1:11 - नेवाः बाइबल

¹¹ अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।

फिलिप्‍पी 1:11 Iomraidhean Croise

भजनसंग्रहया सफू 1:3

व खुसि सिथय् पिनातःगु सिमा थें खः। वं न्‍ह्याबलें थःगु इलय् फल बी। अले वयागु हः नं गुबलें सुकूगनावनी मखु। वं याःगु न्‍ह्यागु ज्‍या नं पूवनी।

यशैया 5:2

वं क्‍यबय् बुँ पाल। अले ल्‍वहंत लिकयाः वांछ्वल। अले अन वं दक्‍वसिबय् भिंगु दाखमा पित। दाखक्‍यब स्‍वयेत बल्‍चा दय्‌कल, दाख तिसीत ल्‍वहँतय् कियाः छगू गाः म्‍हुल। वं भिंगु दाख सइ धकाः आशा यात अय्‌नं उकी मभिंगु दाख सल।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 61:11

गथे बुँइ माचात बुया वइ, अले क्‍यबय् पुसात बुया वइ, अथे हे परमप्रभु परमेश्‍वरं धार्मिकता व प्रशंसा फुक्‍क जातितय् न्‍ह्यःने हयादी।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:2

जिके च्‍वंगु दाख मसःगु कचायात बाःनं ध्‍यनाः छ्वइ। अले सयाच्‍वंगु कचायात अझ यक्‍व सयेमा धकाः न्‍हायादी।

यूहन्‍ना 15:8

छिमिसं यक्‍व फल सय्‌कल धाःसा उकिं हे जिमि बाः तःधनी। अले छिपिं जिमि चेलात जुइ।

रोमी 15:28

थ्‍व ज्‍या सिधय्‌काः जिं कयाः हयागु भेटी लःल्‍हाना बीधुंकाः छिमित नाप लानाः जि स्‍पेनय् वने।

रोमी 6:22

आः धाःसा छिमित पापं त्‍वःतका बी धुंकूगुलिं छिपिं परमेश्‍वरया दास जुल। थथे छिमिसं वय्‌कःयात यःथें जक याःगु पलेसाय् छिमित अनन्‍त जीवन दइ।

१ कोरिन्‍थी 10:31

अय्‌जूगुलिं छिमिसं नःसां त्‍वंसां न्‍ह्यागु याःसां परमेश्‍वरया महिमाया निंतिं या।

२ कोरिन्‍थी 9:10

पुसा ह्वलीपिन्‍त पुसा बियाः नयेत नसा बियादीम्‍ह परमेश्‍वरं हे छिमित नं माक्‍व पुसा बियादी अले तःमा नं यानादी। थुकथं छिमिके झन मेपिन्‍त बीत नं यक्‍व दइ।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।

एफिसी 1:14

परमेश्‍वरं बी धकाः धयादीगु झीत नं दइ, अले वय्‌कःया थः मनूतय्‌त पापं छुतय् यानादी धयागु दसिकथं झीत पवित्र आत्‍मा बियातःगु खः। झीसं वय्‌कःयात तःधंके।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

एफिसी 5:9

थथे प्रभुया जलय् च्‍वंपिन्‍सं भिंगु, परमेश्‍वरयात यःगु व खः खःगु जक याना जुइ।

फिलिप्‍पी 4:17

जिं छिमिपाखें ग्‍वाहालि कायेत थथे धयागु मखु। बरु स्‍वर्गय् च्‍वंगु छिमिगु हे ल्‍याःचालय् यक्‍व दयावयेमा धकाः खः।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

कलस्‍सी 1:6

गथे छिमिसं सत्‍य वचन व परमेश्‍वरयागु धात्‍थेंयागु दया मायायात बांलाक थुइका काल, अथे हे थ्‍व भिंगु खँ फुक्‍कभनं न्‍यनावनाच्‍वंगु दु। अले थुकिं इमिगु नुगलय् बांलाक ज्‍या यानाच्‍वंगु दु।

२ थेसलोनिकी 1:12

थथे छिमिगुपाखें झी प्रभु येशूयागु नां तःधं जुइ, अथे हे झी परमेश्‍वर व प्रभु येशू ख्रीष्‍टयागु दया मायां यानाः छिपिं नं तःधं जुइ।

तीतस 3:14

झी मनूतय्‌सं मालीबलय् माःकथं भिंगु ज्‍या याये सय्‌केमाः। ई अथें सितिं छ्वये मज्‍यू।

हिब्रू 12:11

झीत थथे न्‍वानादीबलय् न्‍ह्याइपुसे ला च्‍वनी मखु, बरु दुःख जक जुइ। अथेसां लिपा तकं सह यानाच्‍वनीपिन्‍त शान्‍ति दइ, अले परमेश्‍वरया न्‍ह्यःने नं ठीक ठहरय् जुइ।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।