फिलिप्‍पी 1:10 - नेवाः बाइबल

¹⁰ थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

फिलिप्‍पी 1:10 Iomraidhean Croise

उत्‍पत्ति 20:5

अब्राहामं थःम्‍हं हे वयात ‘जिमि केहेँ’ धकाः धाल। अले वं नं ‘जिमि दाजु’ धकाः धाल। जिगु मतिइ मभिंगु छुं हे मदु, अले छुं द्वंकागु मदु।”

अय्‍यूब 12:11

मेचां नसाया सवाः काःथें, छु न्‍हाय्‌पनं न्‍ववागु वचनयात जाँचय् मयाइ ला?

अय्‍यूब 34:3

छाय्‌धाःसा मेनं गय् यानाः नयेगु नसाया सवाः काइ, अथे हे न्‍हाय्‌पनं वचनयात जाँचय् याइ।

मीका 3:2

छिमिसं ला भिंयात तस्‍सकं मयय्‌कू व मभिंयात यय्‌कू। छिमिसं जि प्रजाया छेंगू तुलीगु अले क्‍वँचं ला लिकाइगु।

मत्ती 16:23

वय्‌कलं लिफः स्‍वयाः पत्रुसयात धयादिल – “शैतान, छ जिथाय् च्‍वने मते। छं ला जिगु ज्‍या हे पनेत स्‍वयाच्‍वन। छं ला परमेश्‍वरयागु मखु, बरु मनूतय्‌गु खँय् जक ध्‍यान बियाच्‍वन।”

मत्ती 26:33

पत्रुसं वय्‌कःयात धाल – “फुक्‍कसिनं त्‍वःता वंसां जिं ला छितः गुब्‍सं हे त्‍वःते मखु।”

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

यूहन्‍ना 3:20

दुष्‍ट ज्‍याखँ यानाजुइपिं मनूतय्‌सं जःयात हेला याइ, अले जलय् वइ मखु। जलय् वल कि इमिसं याना जूगु दुष्‍ट ज्‍याखँ खने दइ धकाः इपिं ग्‍याः।

प्रेरित 24:16

अय्‌जूगुलिं जिं मनूतय्‌गु न्‍ह्यःने नं परमेश्‍वरयागु न्‍ह्यःने नं थःत यचुकाः ज्‍या याना जुया।”

रोमी 12:2

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

रोमी 16:17

यःपिं दाजुकिजापिं, छिमित स्‍यनागु शिक्षा नाप पाय्‌छि मजुइक अःखतं ल्‍वापु याकेत व मनूतय्‌गु विश्‍वास स्‍यंकेत स्‍वइपिं नाप होश‍ यानाच्‍वँ। इपिंपाखें तापाक च्‍वँ।

रोमी 2:18

अले “वय्‌कःया इच्‍छा स्‍यू धकाः व व्‍यवस्‍थां हे स्‍यना कयाः ततःधंगु ज्‍या याना जुल।

रोमी 7:16

थुकथं जिं जितः मयःगु ज्‍या यात धाःसा जिं व्‍यवस्‍था भिं जू धकाः मानय् याये।

रोमी 7:22

परमेश्‍वरयागु व्‍यवस्‍था दुनुगलंनिसें मानय् यानाच्‍वने दुसा जि लय्‌ताया।

रोमी 8:7

शरीरयात यःथें यानाजुइपिं परमेश्‍वरया शत्रु खः, छाय्‌धाःसा थज्‍याःपिं मनूतय्‌सं परमेश्‍वरयागु व्‍यवस्‍था मानय् याइ मखु, अले हानं मानय् याये फइ नं मखु।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

१ कोरिन्‍थी 10:32

छिमिसं यानाः यहूदीतय्‌त, यहूदीमखुपिन्‍त अले परमेश्‍वरयागु मण्‍डलीयात पंगः वय्‌के मते।

१ कोरिन्‍थी 8:13

नसां थः दाजुकिजापिन्‍त पापय् लाकीगु जूसा जिं ला धयागु गुब्‍सं नये मखु। थः दाजुकिजापिन्‍त जिं पाप याकेत स्‍वये मखु।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 6:3

जिमिसं सुयातं पंगः जुइकथं ज्‍याखँ मयाना। मखुसा जिमिगु ज्‍याखँयात क्‍वह्यंकाः खँ ल्‍हाइ।

२ कोरिन्‍थी 8:8

छिमिसं थथे याये हे माः धकाः जिं छिमित उजं बियाच्‍वनागु मखु। मेपिन्‍सं लय्‌तायाः ग्‍वाहालि बिल धकाः खँ कनाः छिमिगु माया सत्‍य खः ला कि मखु धकाः स्‍वयेत्‍यनागु खः।

गलाती 5:11

यःपिं दाजुकिजापिं, जिं अज्‍ज नं म्‍हय् चिं तयेमाः धकाः न्‍यंकाजूगु जूसा जिं अज्‍जं छाय् दुःखकष्‍ट फया च्‍वनेगु? थ्‍व खँ खः धयागु जूसा क्रूसय् सिनादीम्‍ह ख्रीष्‍टयागु भिंगु खँ न्‍यंका जूसां जितः सुनानं दुःखकष्‍ट ब्‍यू वइ मखु।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

एफिसी 5:10

छिमिसं प्रभुयात यःथें जक यानाजुइगु कुतः या।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

फिलिप्‍पी 1:16

थथे यचुगु नुगलं भिंगु खँ न्‍यंका जूपिन्‍सं जितः भिंगु खँयागु निंतिं थथे झ्‍यालखानाय् कुनातःगु खः धकाः सीकाः माया वनाः न्‍यंकाजूगु खः।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

फिलिप्‍पी 2:16

छिमिसं इमित परमेश्‍वरयागु जीवन बीगु वचन न्‍यंकाजुल धाःसा येशू ख्रीष्‍ट झाइबलय् थःम्‍हं यानागु ज्‍या सितिं मवन धकाः जिं छ्यं धस्‍वाके फइ।

१ थेसलोनिकी 3:13

प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

१ थेसलोनिकी 5:21

न्‍ह्यागु खँयात नं बांलाक वाला स्‍वयेगु निं या। अले भिंगु खँ जक ल्‍यया का।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

यहोशू 24:14

“उकिं आः परमप्रभुयागु ग्‍याःचिकु कयाः वय्‌कःयात दुनुगलंनिसें सेवा या। छिमि पुर्खातय्‌सं यूफ्रेटिस खुसि पारि व मिश्र देशय् पुजायापिं द्यःतय्‌त वांछ्व अले परमप्रभुया जक सेवा या।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।

प्रकाश 2:2

“छिमिसं दुःख सियाः यानाच्‍वंगु ज्‍याखँ, अले सह याये फक्‍व सह यानाच्‍वंगु व मभिंपिं मनूतय्‌त छिमिसं दुनुगलंनिसें हे मयय्‌कूगु, व प्रेरित मखुसां प्रेरित खः धकाः धया जूपिन्‍त फताहा सावित यानाः क्‍यनाब्‍यूगु फुक्‍कं जिं स्‍यू।