यहोशू 2:2 - नेवाः बाइबल

² सुं मनुखं यरीहोया जुजुयात धाल, “स्‍वयादिसँ! थ्‍व देशयागु चिवा कायेत छुं इस्राएलीत थौं चान्‍हय् थुखे वःगु दु।”

यहोशू 2:2 Iomraidhean Croise

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

यशैया 43:13

जि हे परमेश्‍वर खः अले सदां दयाच्‍वनी। जिगु ल्‍हातं सुनानं छिमित छुतय् याये फइ मखु। जिं ज्‍या यायेबलय् सुनां उकियात हीके फइ?”

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

भजनसंग्रहया सफू 127:1

परमप्रभुं हे छेँ दय्‌कामदीसा, दय्‌कीपिन्‍सं याःगु ज्‍या सितिं वनी। परमप्रभुं हे शहरया रक्षा यानामदीसा, पालें पिवाच्‍वंगु सितिं वनी।

यहोशू 2:1

अनंलि नूनया काय् यहोशूं शित्तीमं निम्‍ह जासूसतय्‌त सुनां मसीक थथे धयाः छ्वत, “हुँ, व देशयात बांलाक स्‍व, खास यानाः यरीहो शहरयात।” अथे जुयाः इपिं वन। राहाब नांयाम्‍ह छम्‍ह वेश्‍याया छेँ दुहां वनाः अन हे बाय् च्‍वन।

यहोशू 2:3

अथे जूगुलिं वं राहाबयाथाय् थ्‍व बुखँ छ्वत, “छन्‍थाय् वयाच्‍वंपिं मनूतय्‌त पिने पित हजि, छाय्‌धाःसा इपिं झीगु देशया चिवा कायेत वःपिं खः।”

न्‍यायकर्ता 18:2

उकिं दान कुलयापिन्‍सं थःगु कुलया फुक्‍क परिवारपाखें न्‍याम्‍ह मग्‍याःपिं मनूत ल्‍यल। अले इमित जमिन मालेत व उकियागु चिवा कायेत सोरा व एश्‍तोल शहरं छ्वल। उपिं न्‍याम्‍ह मनूत एफ्राइमया पहाडी देशय् थ्‍यने धुंकाः मीकाया छेँय् बाय् च्‍वन।