यहोशू 13:3 - नेवाः बाइबल

³ मिश्रया पुर्बयागु शिहोर खुसिंनिसें उत्तरपाखे एक्रोनयागु इलाका तक, थुपिं फुक्‍कयात कनानीतय्‌गु इलाका धकाः धाइ। थुकी पलिश्‍तीतय् न्‍याम्‍ह जुजुपिनिगु इलाका– गाजा, अश्‍दोद, अश्‍कलोन, गात व एक्रोन नं दुथ्‍या। अले दच्‍छिनय् अव्‍वीतय्‌गु इलाका।

यहोशू 13:3 Iomraidhean Croise

उत्‍पत्ति 10:6

हामया काय्‌पिं – कूश, मिश्रइम, पूत व कनान।

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

१ राजा 8:65

सोलोमन व सकल इस्राएलीतय्‌सं देगलय् न्‍हय्‌न्‍हु तक व मेगु न्‍हय्‌न्‍हु तक यानाः मुक्‍कं झिंप्‍यन्‍हु बल्‍चाबाय्‌या नखः परमप्रभु झी परमेश्‍वरया न्‍ह्यःने हन। अन उत्तरय् च्‍वंगु लेबो हमातंनिसें दच्‍छिनय् च्‍वंगु मिश्रया खुसिचा तकयापिं यक्‍व मनूतय्‌गु भीड दु।

१ इतिहास 13:5

उकिं किर्यत-यारीमं परमेश्‍वरया सनू हयेत दच्‍छिनय् च्‍वंगु मिश्र देशया शिहोर खुसिंनिसें उत्तरय् लेबो-हमात तकयापिं सकल इस्राएलीतय्‌त दाऊदं मुंकल।

यशैया 23:3

तःधंगु लखय् शिहोरया अन्‍न वल, नील खुसिया बाली टुरोसया कमाइ खः। अले व देश जाति-जातितय्‌गु व्‍यापार यायेगुथाय् जुल।

यर्मिया 2:18

नील खुसिया लः त्‍वनेत छाय् मिश्र देशय् वनेगु? यूफ्रेटिस खुसिया लः त्‍वनेत छाय् अश्‍शूर देशय् वनेगु?

व्‍यवस्‍था 2:23

अले गाजा तक गांगामय् च्‍वनाच्‍वंपिं अव्‍वीतय्‌त कप्‍तोरं वःपिं कप्‍तोरीतय्‌सं नाश यानाबिल। अले इपिं इमिगु थासय् च्‍वन।)

यहोशू 13:13

अय्‌नं इस्राएलीतय्‌सं गशूरीत व माकातीतय्‌त लिना मछ्वः। अथे जुयाः इपिं थौं तक नं इस्राएलीतय् दथुइ च्‍वनाच्‍वंगु दु।

न्‍यायकर्ता 16:5

पलिश्‍तीतय् शासकत व मिसायाथाय् वनाः धाल, “शिमशोनयात ह्यय्‌काः वयागु तःधंगु बलया रहस्‍य छु खः अले गथे यानाः वयात बसय् तयाः ची फइ व खँ सीकि। अले जिपिं सकसियागुपाखें नं छन्‍त झिंछसः झिंछसः वहःयागु कुचात बी।”

न्‍यायकर्ता 3:3

पलिश्‍तीतय् न्‍याम्‍ह शासक, सकल कनानीत, सीदोनीत व हिव्‍वीत बाल-हेर्मोन पहाडंनिसें कयाः लेबो-हमात तक लेबनान पहाडी देशय् च्‍वंपिं सकल थुकथं त्‍वःतूपिं जातित खः।

१ शमूएल 5:1

पलिश्‍तीतय्‌सं परमेश्‍वरया बाचाया सनू लाकायंकाः एबेन-एजेरं अश्‍दोद शहरय् यंकल।

१ शमूएल 5:10

अथे जुयाः परमेश्‍वरया बाचाया सनू इमिसं नं एक्रोनय् छ्वल। तर परमेश्‍वरया बाचाया सनू एक्रोनय् थ्‍यनेवं अनयापिं मनूत थथे धकाः ततःसलं हाल, “जिपिं व जिमि मनूतय्‌त स्‍यायेत छिमिसं इस्राएलया परमेश्‍वरया बाचाया सनू थन हयागु ला?”

१ शमूएल 5:8

इमिसं थ्‍व सनूयात छु यायेमाली धकाः न्‍यनेत पलिश्‍तीतय् फुक्‍क शासकतय्‌त सःताहल, अले इमिके न्‍यन, “थ्‍व इस्राएलया परमेश्‍वरया सनूयात जिमिसं छु यायेगु?” अले इमिसं लिसः बिल, “इस्राएलया परमेश्‍वरया सनूयात गातय् तयेयंकि।” अथे जुयाः इमिसं इस्राएलया परमेश्‍वरया सनूयात अन तये यंकल।

१ शमूएल 6:4

अले पलिश्‍तीतय्‌सं न्‍यन, “वय्‌कःयात जिमिसं गुकथंयागु दोषबलि छ्वयेगु?” इमिसं लिसः बिल, “छिकपिं सकसित व छिकपिनि शासकतय्‌त दुःख ब्‍यूगु महामारीया नमूनाकथं न्‍यागू लुँया ला ग्‍वारा व न्‍यागू लुँया छुँ पलिश्‍तीतय् शासकतय्‌गु ल्‍याःकथं छ्वयाब्‍यु।