यर्मिया 8:4 - नेवाः बाइबल

⁴ “यर्मिया इमित धा, ‘परमप्रभुं थथे धयादी – “‘मनूत बँय् दइबलय् छु इपिं हाकनं मदनी ला? सुं मनू फस्‍वया वंसा, छु व लिहां मवइ ला?

यर्मिया 8:4 Iomraidhean Croise

१ राजा 8:38

इमिगु प्रार्थना न्‍यनादिसँ। छिकपिनि मनूत इस्राएलीत मध्‍ये सुनानं नुगः मछिंकाः थ्‍व देगःपाखे थःगु ल्‍हाः ल्‍ह्वनाः प्रार्थना यात धाःसा

हितोपदेश 24:16

भिंपिं मनूत न्‍हय्‌कः क्‍वदःसां हाकनं दना वइ। तर दुष्‍ट मनूत छकः विपत्ति वल कि हे क्‍वदःगु क्‍वदलं तुं जुइ।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

यर्मिया 36:3

सके यहूदायापिं मनूतय्‌के हयेगु छगू छगू विपत्तिया बारे न्‍यनाः इमिसं थःगु मभिंगु पहःचहः त्‍वःती ला? अले जिं इमिगु मभिंगु ज्‍या व पाप क्षमा यानाबी।”

यर्मिया 4:1

परमप्रभुं धयादी, “हे इस्राएलयापिं मनूत, छिपिं लिहां वये मास्‍ति वःसा जिथाय् लिहां वा। छिमिसं थःगु घच्‍चाइपुगु मूर्तित जिगु न्‍ह्यःनं चीकाछ्वल धाःसा अले हाकनं मखुगु लँय् मवन धाःसा,

इजकिएल 18:23

“छु! दुष्‍ट सीबलय् जि लय्‌ताइ ला? परमप्रभु परमेश्‍वरं थथे धयादी। बरु थःगु पहः त्‍वःताः इपिं म्‍वाःगु जितः स्‍वयेमास्‍ति मवइ ला?

होशे 14:1

अय् इस्राएल, परमप्रभु थः परमेश्‍वरयाथाय् लिहां वा। छंगु पापं यानाः हे छ पतन जूगु दु।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

होशे 7:10

इस्राएलया घमण्‍डं वयागु हे विरोधय् साक्षी बी, अय्‌नं थ्‍व फुक्‍क जुइ धुंकाः नं इपिं परमप्रभु थः परमेश्‍वरपाखे फहिला वइ मखु, न वय्‌कःयात माली।

आमोस 5:2

“कन्‍या इस्राएल हाकनं गुबलें दने मफय्‌क क्‍वःदःगु दु, वयात थःगु देशय् हे त्‍वःताथकल, वयात थनीम्‍ह सुं हे मदु।”

मीका 7:8

हे जिम्‍ह शत्रु, जितः हेस्‍यानाः लय्‌ताये मते। जि क्‍वःदसां हाकनं दनावये। जि खिउँथासय् दुसां परमप्रभु जिगु जः जुयादी।