यर्मिया 7:6 - नेवाः बाइबल

⁶ छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

यर्मिया 7:6 Iomraidhean Croise

२ राजा 21:6

वं थःकाय्‌यात मिइ बलि बिल। वं तन्‍त्रमन्‍त्र यात, छुक बिछुक मानय् यात। सीकं दुबिना वइम्‍ह मनू व झाँक्री ज्‍या याइम्‍हय्‌सिके सल्‍लाह काल। वं परमप्रभुयात मयःगु व वय्‌कःयात तंचाय्‌कीगु यक्‍व मभिंगु ज्‍या यात।

२ राजा 24:4

मनश्‍शें निर्दोष मनूतय्‌गु हिं यरूशलेमयात जाय्‌काब्‍यूगु खः। अले परमप्रभुं क्षमा बी मास्‍ति वयेकामदी।

भजनसंग्रहया सफू 106:38

इमिसं द्वं मदुपिं काय् म्‍ह्याय्‌पिनिगु हि बाः वय्‌कल, इमिसं इमित कनान देशया मूर्तितय्‌गु निंतिं भोग बिल, थथे इमिगु हिं देश अपवित्र जुल।

हितोपदेश 23:10

थः पुर्खां तयाथकूगु लागाया चिं चीके मते, हाःनाः मदुपिनिगु जग त्‍यलाः काये मते।

यशैया 59:7

इमिगु तुति पापया ज्‍या यायेत ब्‍वाँय् वनी अले छुं दोष मदुपिनिगु हिबाः न्‍ह्याकेत इपिं हथाय् चाइ। इमिगु बिचाः अधर्मया बिचाः खः। दुःख व नाशं इमिगु लँ म्‍हसीकी।

यर्मिया 13:10

थुपिं जिगु खँ न्‍यनी मखुपिं व थथःगु नुगलय् जिराहा जुयाः मेपिं द्यःतय्‌गु सेवा व पुजा याइपिं मभिंपिं मनूत खः। थुपिं थ्‍व ज्‍यालगय् मजुइधुंकूगु जनी थें जुइ।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 2:30

“छिमि मनूतय्‌त मफतय् जिं सजाँय बिया, भिंकेगु जिगु शिक्षायात इमिसं नाला मका। क्‍वाप्‍प नइम्‍ह सिंहं थें छिमि अगमवक्तातय्‌त छिमिसं स्‍याःगु दु।

यर्मिया 2:34

छंगु वसतय् स्‍वजापिं चीमितय्‌गु हिया दाग दु। डाँकातय्‌गु हिया दाग ला मखु। थ्‍व फुक्‍क जुइ धुंकाः नं,

यर्मिया 26:15

तर थ्‍व खँ छिकपिन्‍सं पक्‍का सीकाति जितः स्‍यानादिल धाःसा थःके, थःगु शहरय् व थनच्‍वंपिं मनूतय्‌के दोष मदुम्‍हय्‌सिगु हिया दोष हइ, छाय्‌धाःसा परमप्रभुं हे थ्‍व फुक्‍क वचन न्‍यंकेत जितः छिमिथाय् छ्वयाहयादीगु खः।”

यर्मिया 26:23

इमिसं उरियाहयात मिश्र देशं यहोयाकीम जुजुयाथाय् हल। जुजुं वयात तरवारं स्‍याकेबिल। वयागु सीम्‍ह साधारण मनूत थुनीगु थासय् वांछ्वय्‌केबिल।

यर्मिया 35:15

जिं तःकः मछि हे थः दास अगमवक्तातय्‌त छिमिथाय् छ्वयाहया। इमिसं धाल, “छिपिं सकसिनं मभिंगु ज्‍या त्‍वःतेमाः, थथःगु पहःचहः व ज्‍यायात भिंकेमाः अले मेपिं द्यःतय्‌गु ल्‍यू वनाः इमित आराधना याये मते। अले जक छिपिं जिं छिमि पुर्खातय्‌त बियागु देशय् च्‍वने दइ।” तर छिमिसं जिगु खँय् ध्‍यान मबिल वा जिगु खँ मन्‍यन।

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

यर्मिया 7:5

छिमिसं धात्‍थें हे थःगु पहःचहः व ज्‍या भिंकल, छिमिसं छम्‍हय्‌सिनं मेम्‍हय्‌सित बांलाःगु व्‍यवहार यात धाःसा,

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

विलाप 4:13

अय्‌सां थ्‍व धाःसा वया अगमवक्तातय्‌गु पाप व वया पुजाहारीतय्‌गु अधर्मया कारणं जूगु खः। इमिसं शहर दुने धर्मी मनूतय्‌गु हि बाः वय्‌कल।

इजकिएल 18:6

वं डाँडाय् दुगु पुजा याइगु थासय् नःगु मदु, अथवा इस्राएलया घरानाया मूर्तितपाखे स्‍वःगु मदु। वं थः जःलाखःलाया कलाःयात स्‍यंकूगु मदु व थीमज्‍यू जुयाच्‍वंम्‍ह मिसानापं द्यंगु मदु।

इजकिएल 22:7

छंके हे इमिसं थः मां बौयात हेला यात, विदेशीतय्‌त अत्‍याचार यात, अले मांबौ मदुपिं मस्‍त व भाःत मदुपिं मिस्‍तय्‌त बांमलाःगु व्‍यवहार यात।

लेवी 19:33

“‘सुं परदेशी छिपिंनापं च्‍वनाच्‍वंगु दुसा वयात बांलाःगु व्‍यवहार यायेमाः।

लेवी 25:17

छिमिसं छम्‍हं मेम्‍हय्‌सित क्‍वाये मते। परमप्रभुया ग्‍याःभय का। छाय्‌धाःसा जि परमप्रभु छिमि परमेश्‍वर खः।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

मत्ती 27:25

अले मनूतय्‌सं थथे धयाहल – “ज्‍यू, वयात स्‍याःगु पाप जिमित व जिमि सन्‍तानयात हे लायेमा।”

मत्ती 27:4

अले धाल – “दोष मदुम्‍ह मनूयात स्‍याकेत ज्‍वंकाः जिं पाप याये लात।” अय्‌नं इमिसं वयात थथे धाल – “जिमित छु धया लय्? छं हे सीकि।”

व्‍यवस्‍था 11:28

परमप्रभु छिमि परमेश्‍वरयागु आज्ञा मानय् मयासें छिमिसं मस्‍यूपिं मेपिं द्यःतय्‌गु ल्‍यू वनाः जिं थौं आज्ञा बियागु लँपुं फस्‍वयावन धाःसा छिमित सराः लाइ।

व्‍यवस्‍था 24:17

परदेशी व मांबौ मदुपिं मस्‍तय्‌गु न्‍याय स्‍यंके मते। भाःत सी धुंकूम्‍हय्‌सिगु गा बरः काये मते।

व्‍यवस्‍था 27:19

“परदेशी, मांबौ मदुम्‍ह व भाःत सी धुंकूम्‍हय्‌सित बीमाःगु न्‍याय स्‍यंकूम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 8:19

छिमिसं परमप्रभु थः परमेश्‍वरयात ल्‍वःमंकल धाःसा अले मेपिं द्यःतय्‌गु ल्‍यू वनाः इमित पुजा व भागि यात धाःसा छिपिं धात्‍थें नाश जुइ धकाः जिं थौं छिमित ख्‍याच्‍वः बी।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।