यर्मिया 6:1 - नेवाः बाइबल

¹ “हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

यर्मिया 6:1 Iomraidhean Croise

२ शमूएल 14:2

अथे जुयाः वं तकोय् सुं छम्‍ह मनू छ्वयाः छम्‍ह बुद्धि दुम्‍ह मिसायात सःतके छ्वत। अले अन थ्‍यंकाः वं मिसायात धाल, “छं दुखं च्‍वनीम्‍ह मिसां थें पहः या। दुखं च्‍वनीबलय् फीगु वसः फ्‍यु। छेनय् चिकं तये मते, अले तःन्‍हु तक दुखं च्‍वंम्‍ह मिसा थें च्‍वंकी।

२ इतिहास 11:6

वं पखालं ग्‍वयाः बल्‍लाकूगु यहूदा व बेन्‍यामीनया शहरत थुपिं खः – बेथलेहेम, एताम, तको,

नहेम्‍याह 3:14

सौ ध्‍वाखा बेथ-हक्‍केरेम जिल्‍लायाम्‍ह शासक रेकाबया काय् मल्‍कियाहं दय्‌कल। वं लुखा थाय् थासय् तल अले लुखा तीत चुकू व खगः तल।

नहेम्‍याह 3:5

मेगु ब्‍व तकोयापिं मनूतय्‌सं दय्‌कल। इमि घरानिया मनूतय्‌सं धाःसा थःपिन्‍त नायःतय्‌सं ब्‍वःगु थाकुगु ज्‍या यायेत म्‍हाः धाल।

यर्मिया 10:22

न्‍यँ! छगू खबर वयाच्‍वंगु दु – उत्तरया देशं छगू तःधंगु हलचल! उकिं यहूदाया शहर शहरयात झिजांमिजां यानाः ध्‍वंचात च्‍वनीगु थाय् यानाबी।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 4:29

सल गया वःपिनिगु व धनुष घाना तःपिनिगु सः न्‍यनाः फुक्‍क शहरयापिं मनूत बिस्‍युं वनी। गुलिं झालय् दुहां वनी, गुलिं ल्‍वहंधिकय् थाहांवनी। फुक्‍क शहर सुनसान जुल, अन सुं च्‍वनी मखु।

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

जकरिया 6:6

हाकुपिं सलत दुगु रथ उत्तरयागु देशपाखे वनाच्‍वंगु दु, तुयुपिं सलत दुगु रथ पच्‍छिमपाखे, अले तातेपाते जूपिं सलत दुगु रथ दच्‍छिनपाखे वनाच्‍वंगु दु।”

यहोशू 15:63

यहूदाया मनूतय्‌सं यरूशलेमय् च्‍वंपिं यबूसीतय्‌त पितछ्वये मफुत। थौं तक नं यबूसीत यहूदायापिं मनूतलिसें च्‍वनाच्‍वंगु दु।

न्‍यायकर्ता 1:21

बेन्‍यामीनीतय्‌सं धाःसा यरूशलेमयापिं यबूसीतय्‌त ख्‍याना मछ्वः। उकिं यबूसीत थौं तक नं बेन्‍यामीनीतलिसें यरूशलेमय् च्‍वनाच्‍वंगु दु।