यर्मिया 5:10 - नेवाः बाइबल

¹⁰ “वनाः इमिगु दाखक्‍यब स्‍यंकाब्‍यु, तर भज्‍यंक नाश याये मते! उकिया कचात त्‍वथुलाः वांछ्वयाब्‍यु। छाय्‌धाःसा थुपिं मनूत परमप्रभुया मनूत मखु।

यर्मिया 5:10 Iomraidhean Croise

२ इतिहास 12:4

व यहूदाया पखालं ग्‍वयातःगु शहरत त्‍याकाः यरूशलेम तक वल।

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

यर्मिया 2:21

थःत तसकं यःगु दाखया कचा थें भिंगु माचा कयाः छन्‍त पिनागु खः। तर स्‍व, आः छु जुल? छ छमा ध्‍वग्‍गीगु ज्‍यालगे मजूगु दाखमा जक जूगु दु।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 30:11

परमप्रभुं धयादी, ‘जि छनापं दइ अले छन्‍त बचय् याये। जिं छन्‍त छु छु जातितय्‌थाय् छ्यालब्‍याल यानागु खः, जिं व फुक्‍क जातियात नाश यानाबी, अय्‌नं जिं छन्‍त भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।’”

यर्मिया 39:8

बेबिलोनीतय्‌सं दरबार व मनूतय्‌गु छेँ छ्वय्‌काबिल, इमिसं यरूशलेमया पःखाः थुनाबिल।

यर्मिया 4:27

परमप्रभुं थथे धयादी, “देश फुक्‍क झिजांमिजां दनी। तर उकियात भज्‍यंक नाश धाःसा याये मखुत।

यर्मिया 46:28

हे जिम्‍ह दास याकूब, छ ग्‍याये मते, छाय्‌धाःसा जि छलिसें दु,” परमप्रभुं धयादी। “गुगु गुगु देशय् जिं छिमित छ्यालब्‍याल याना, व फुक्‍क देशयात नाश यानाबी। छिमित धाःसा भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।”

यर्मिया 5:11

इस्राएलया घराना व यहूदाया घरानां जितः विश्‍वासघात यात,” परमप्रभुं धयादी।

यर्मिया 5:18

परमप्रभुं धयादी, “अय्‌नं उपिं दिनय् जिं छिमित भज्‍यंक नाश याये मखु।

यर्मिया 5:9

जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।

इजकिएल 12:16

तर जिं इपिं मध्‍ये गुलिंसित तरवार, अनिकाल व महामारीपाखें बचय् याये, अले इपिं गन गन वनी अनया जात जातितय्‌गु दथुइ इमिसं थःम्‍हं यानागु ज्‍या घच्‍चाइपुगु खः धकाः स्‍वीकार याइ, अले इमिसं जि हे परमप्रभु खः धकाः सी।”

इजकिएल 14:17

“अथवा थ्‍व देशया विरोधय् तरवार हयाः ‘देशया प्‍यखें थ्‍व तरवार चले जुइमा’ धकाः जिं धाल धाःसा अले जिं अन च्‍वंपिं मनूत व पशुत स्‍यानाबिल धाःसा,

होशे 1:9

परमप्रभुं होशेयात धयादिल, “वयागु नां लो-अम्‍मी ति, छाय्‌धाःसा इस्राएली मनूत जिगु प्रजा मखु अले जि इमि परमेश्‍वर मखु।”

आमोस 9:8

“परमप्रभु परमेश्‍वरया मिखा दुष्‍ट राज्‍यय् लाःगु दु। जिं वयात पृथ्‍वीं नाश यानाबी, तर याकूबया फुक्‍क घरानायात धाःसा नाश याये मखु,” परमप्रभुं धयादी।

मत्ती 22:7

“जुजुं तमं मि जुयाः सिपाइँतय्‌त छ्वयाः व ज्‍यानमारातय्‌त स्‍याकल। अले इमिगु शहर नं छ्वय्‌काबिल।