यर्मिया 42:3 - नेवाः बाइबल

³ परमप्रभु छिकपिनि परमेश्‍वरं जिमित गन वनेगु खः, जिमिसं छु यायेमाःगु खः, व क्‍यनादीमा धकाः प्रार्थना यानादिसँ।”

यर्मिया 42:3 Iomraidhean Croise

१ राजा 8:36

हे परमप्रभु, छिं स्‍वर्गं इमिगु बिन्‍ति न्‍यनादिसँ, अले थः दासत इस्राएलीतय्‌गु पाप क्षमा यानादिसँ। इमित इपिं जुइमाःगु खःगु लँपु स्‍यनादिसँ। छिं थः मनूतय्‌त इमिगु सर्बयया निंतिं बियादीगु थ्‍व देशय् हाकनं वा वय्‌कादिसँ।

एज्रा 8:21

जिपिं झी परमेश्‍वरया न्‍ह्यःने क्‍वमिलु जुइत व याउँक यात्राया निंतिं अले लँय् थः मस्‍त व थःगु सामानयागु रक्षाया निंतिं बिन्‍ति यायेत जिं अन अहावा खुसिया सिथय् अपसं च्‍वनेगु घोषणा याना।

भजनसंग्रहया सफू 27:11

हे परमप्रभु, जितः छिगु लँपु क्‍यनादिसँ। जिमि शत्रुत यक्‍व दुगुलिं जितः खःगु लँय् यंकादिसँ।

भजनसंग्रहया सफू 86:11

हे परमप्रभु, जितः छिगु लँपु क्‍यनादिसँ, अले जिं दुनुगलंनिसें छिगु आज्ञा मानय् याये, छिगु नांया भय कायेत जिगु मनयात छधी यानादिसँ।

हितोपदेश 3:6

न्‍ह्यागु याःसां परमप्रभुयात लुमंकि, वय्‌कलं छन्‍त लँ क्‍यनादी।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

मीका 4:2

अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

व्‍यवस्‍था 5:26

मिया दथुं म्‍वाःम्‍ह परमेश्‍वरं न्‍ववानादीगु न्‍यनाः नं झीपिं थें म्‍वाःपिं मेपिं व मसीपिं सु सीमाःपिं मनू दु?

व्‍यवस्‍था 5:29

जिगु भय काइगु व न्‍ह्याबलें जिगु आज्ञा मानय् याइगु इमिगु मन जूगु जूसा इपिं व इमि सन्‍तानतय्‌गु न्‍ह्याबलें भिं जुइ।