यर्मिया 4:1 - नेवाः बाइबल

¹ परमप्रभुं धयादी, “हे इस्राएलयापिं मनूत, छिपिं लिहां वये मास्‍ति वःसा जिथाय् लिहां वा। छिमिसं थःगु घच्‍चाइपुगु मूर्तित जिगु न्‍ह्यःनं चीकाछ्वल धाःसा अले हाकनं मखुगु लँय् मवन धाःसा,

यर्मिया 4:1 Iomraidhean Croise

उत्‍पत्ति 35:2

उकिं याकूबं थः छेँजःपिन्‍त व थःलिसे दुपिं सकसितं धाल, “छिपिंलिसे दुगु कर्पिनिगु मूर्तियात वांछ्वयाब्‍यु, अले थःपिन्‍त शुद्ध यानाः मेगु लं फ्‍यु।

२ राजा 23:13

वं सोलोमन जुजुं यरूशलेमया पुर्बपाखे, बिनाशया डाँडाया दच्‍छिन कुन्‍चाय् सीदोनीतय् घच्‍चाइपूम्‍ह द्यःमय्‌जु अश्‍तोरेत, मोआबीतय् घच्‍चाइपूम्‍ह द्यः कमोश व अम्‍मोनीतय् घच्‍चाइपूम्‍ह द्यः मोलेखया निंतिं दय्‌कूगु पुजा याइगु थाय्‌त अशुद्ध यानाबिल।

२ राजा 23:24

हानं परमप्रभुया देगलय् दकलय् तःधंम्‍ह पुजाहारी हिल्‍कियाहं लुइकूगु व्‍यवस्‍थाया सफुलिइ च्‍वयातःगु खँ पूवंकेत योशियाहं फुक्‍क तन्‍त्रमन्‍त्र याइपिं, बोक्‍सी ज्‍या याइपिं, छेँ द्यःत व मूर्तित अले यहूदा व यरूशलेमय् खनेदुगु फुक्‍क घचाइपुगु चिजयात मदयेका छ्वल।

२ इतिहास 15:8

ओदेदया काय् अजर्याहया म्‍हुतुं थज्‍याःगु अगमवाणी न्‍यनाः आसायात आँट दत। अले वं यहूदा व बेन्‍यामीन इलाकां अले थःम्‍हं कब्‍जा याःगु एफ्राइमया पहाडी देशया शहर शहरं नं फुक्‍कं घच्‍चाइपुगु मूर्ति चीकाबिल। वं देगःया चुकय् दुगु परमप्रभुया वेदी नं ल्‍ह्वन।

२ इतिहास 33:8

इमिसं जिगु फुक्‍क आज्ञा मानय् यानाः जिम्‍ह दास मोशां इमित ब्‍यूगु व्‍यवस्‍था, विधि व नियम होश यानाः पालन यात धाःसा जिं इमि पुर्खातय्‌त बियागु देशं इस्राएलीतय्‌त हाकनं पितिनाछ्वये मखु।”

२ इतिहास 34:33

अले योशियाहं इस्राएलीतय् फुक्‍क इलाकां फुक्‍क घच्‍चाइपुगु खँ चीकाछ्वल, अले इस्राएलय् च्‍वंपिं सकसितं परमप्रभु इमि परमेश्‍वरया सेवा याकेबिल। व म्‍वातले इपिं गुबलें नं परमप्रभु इमि पुर्खातय् परमेश्‍वरया ल्‍यू वनेगु त्‍वःमतू।

यशैया 31:6

हे इस्राएलीत, सुयागु विरोधय् छिमिसं तःधंगु विद्रोह याःगु दु, वय्‌कःपाखे लिहां वा।

यर्मिया 15:19

उकिं परमप्रभुं थथे धयादी, “छ पस्‍ताय् चाल धाःसा छं जिगु सेवा यायेमा धकाः जिं छन्‍त हाकनं थापं याये। छं माःगु खँ जक ल्‍हात धाःसा अले म्‍वाःमदुगु खँ मल्‍हात धाःसा, छ जिगुपाखें खँ ल्‍हाइम्‍ह थें जुइ। थुपिं मनूत छन्‍थाय् लिहां वयेमा तर छ धाःसा इपिं पाखे वने मते।

यर्मिया 15:4

हिजकियाया काय् मनश्‍शें थः यहूदायाम्‍ह जुजु जुयाच्‍वंबलय् यरूशलेमय् छु याःगु खः उकिया लागि जिं इमित पृथ्‍वीयागु फुक्‍क देशय् छगू घच्‍चाइपुगु खँ यानाबी।

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

यर्मिया 24:9

जिं इमित छगू ग्‍यानापुगु विपत्तिं सजाँय बी अले थ्‍व खँ न्‍यनाः पृथ्‍वीयापिं फुक्‍क मनूत थरथर खाइ। जिं इमित गन गन लिनाछ्वये अन मनूत इपिं खनाः न्‍हिली, मनूतय्‌सं इमित सराः बी, इमित हेस्‍याइ अले इमिगु नामय् ख्‍याः याइ।

यर्मिया 25:5

इमिसं धाल, ‘आः छिपिं सकसिनं थथःगु मभिंगु पहःचहः व मभिंगु ज्‍या त्‍वःति, अले जक छिपिं परमप्रभुं छिमि पुर्खातय्‌त शुरुंनिसें न्‍ह्याबलेंया लागि बियादीगु देशय् च्‍वने फइ।

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यर्मिया 3:12

उकिं छ वनाः उत्तर पाखे थ्‍व खँ धा, “हे विश्‍वास यायेबहः मजूम्‍ह इस्राएल, छ लिहां वा, जि छ खनाः तम्‍वये मखु, छाय्‌धाःसा जि दयामाया दुम्‍ह खः, जि न्‍ह्याबलें तंचायाच्‍वने मखु,” परमप्रभुं धयादी।

यर्मिया 3:14

“अय् विश्‍वास याये बहःमजूपिं मनूत लिहां वा,” परमप्रभुं धयादी, “छाय्‌धाःसा जि छिमि मालिक खः। जिं छगू छगू शहरं छम्‍ह छम्‍ह व छगू छगू कुलं निम्‍ह निम्‍हय्‌सित सियोनय् हये।

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

यर्मिया 35:15

जिं तःकः मछि हे थः दास अगमवक्तातय्‌त छिमिथाय् छ्वयाहया। इमिसं धाल, “छिपिं सकसिनं मभिंगु ज्‍या त्‍वःतेमाः, थथःगु पहःचहः व ज्‍यायात भिंकेमाः अले मेपिं द्यःतय्‌गु ल्‍यू वनाः इमित आराधना याये मते। अले जक छिपिं जिं छिमि पुर्खातय्‌त बियागु देशय् च्‍वने दइ।” तर छिमिसं जिगु खँय् ध्‍यान मबिल वा जिगु खँ मन्‍यन।

यर्मिया 36:3

सके यहूदायापिं मनूतय्‌के हयेगु छगू छगू विपत्तिया बारे न्‍यनाः इमिसं थःगु मभिंगु पहःचहः त्‍वःती ला? अले जिं इमिगु मभिंगु ज्‍या व पाप क्षमा यानाबी।”

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 7:3

दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – छिमिगु पहःचहः व ज्‍या भिंकि, अले जिं छिमित थ्‍व थासय् च्‍वनेबी।

यर्मिया 7:5

छिमिसं धात्‍थें हे थःगु पहःचहः व ज्‍या भिंकल, छिमिसं छम्‍हय्‌सिनं मेम्‍हय्‌सित बांलाःगु व्‍यवहार यात धाःसा,

यर्मिया 7:7

जिं छिमित थ्‍व थासय्, छिमि पुर्खातय्‌त न्‍ह्याबलेंया लागि च्‍वनेत बियागु थ्‍व देशय् च्‍वनेबी।

इजकिएल 11:18

“इपिं अन लिहां वइ अले इमिसं अनं उकियागु फुक्‍क घच्‍चाइपुगु झ्‍वातात व घच्‍चाइपुगु मूर्तित चीकाछ्वइ।

इजकिएल 18:13

वं ब्‍याज कयाः दां त्‍याये बीगु अले ब्‍यूगु स्‍वयाः अप्‍वः काइगु। “छु! थज्‍याःम्‍ह मनू म्‍वानाच्‍वनी ला? व म्‍वानाच्‍वनी मखु। वं थ्‍व फुक्‍क घच्‍चाइपुगु ज्‍या याःगुलिं वयात स्‍यानाः हे छ्वयेमाः, वयागु हि वयागु हे छेनय् लाइ।

इजकिएल 43:9

आः इमिसं थःगु व्‍यभिचार व थः जुजुपिनिगु मूर्तित जिगु न्‍ह्यःनं चीकाःछ्वयेमा, अले जि इमिगु दथुइ न्‍ह्याबलें च्‍वनांच्‍वने।

होशे 14:1

अय् इस्राएल, परमप्रभु थः परमेश्‍वरयाथाय् लिहां वा। छंगु पापं यानाः हे छ पतन जूगु दु।

होशे 2:2

“अय् जिमि काय्‌म्‍ह्याय्‌पिं, थः मांयात ब्‍वःब्‍यु, खः ला व आः जिमि कलाः मखुत, न जि वया भाःत खः। वं थःगु ख्‍वालं वेश्‍याया ज्‍या व थःगु निगू दुरुपाया दथुं व्‍यभिचारयात चीकाछ्वयेमाः।

होशे 7:16

इपिं दकलय् तःधंम्‍हय्‌सिथाय् लिहां वइ मखु, इपिं त्‍वधूगु धनुष थें खः। इमि न्‍हेलुवाःतय्‌त इमिगु घमण्‍डया वचनं यानाः तरवारं स्‍याइ। थुकिया निंतिं मिश्र देशय् इमित गिजय् याइ।

योएल 2:12

परमप्रभुं धयादी, “आः नं छिपिं पूरा मन बियाः अपसं च्‍वनाः, ख्‍वयाः व दुखं च्‍वनाः जिथाय् लिहां वा।”

जकरिया 1:4

छिपिं थः पुर्खा थें जुइ मते। न्‍हापायापिं अगमवक्तातय्‌सं इमित थथे धाःगु खः – दक्‍व शक्ति दुम्‍ह परमप्रभुं थथे धयादी, ‘छिपिं थःपिनिगु मभिंगु बानी व मभिंगु ज्‍याखँ त्‍वःता जिथाय् वा।’ अय्‌नं इमिसं जिगु खँ मन्‍यं, परमप्रभुं घोषणा यानादी।

व्‍यवस्‍था 27:15

“कारिगरं कियाः दय्‌कातःगु धातुयागु मूर्ति दय्‌काः वयात सुनां मसीकं थापं याःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 4:30

लिपांगु इलय् छिमित आपत जुइबलय् अले थुपिं फुक्‍क खँ छिमित वइबलय् छिपिं थः परमप्रभु परमेश्‍वरपाखे लिहां वइ अले छिमिसं वय्‌कःया खँ मानय् याइ।

यहोशू 24:14

“उकिं आः परमप्रभुयागु ग्‍याःचिकु कयाः वय्‌कःयात दुनुगलंनिसें सेवा या। छिमि पुर्खातय्‌सं यूफ्रेटिस खुसि पारि व मिश्र देशय् पुजायापिं द्यःतय्‌त वांछ्व अले परमप्रभुया जक सेवा या।

न्‍यायकर्ता 10:16

अले इमिसं मेपिं द्यःतय्‌त त्‍वःताः परमप्रभुयागु आराधना यात। अले परमप्रभुं इस्राएलीतय्‌गु अप्‍वः दुःख जूगु स्‍वयादी मफुत।

१ शमूएल 7:3

अले शमूएलं फुक्‍क इस्राएल जातियात थथे धाल, “छिपिं दुनुगलंनिसें परमप्रभुयाथाय् लिहां वयेगु खःसा, छिकपिनि दथुं मेपिं द्यःत व अश्‍तोरेत द्यःमय्‌जुया थां लिकयाः वांछ्व। अले थःगु फुक्‍क मन व दुनुगलंनिसें परमप्रभुपाखे लिहां वा, अले वय्‌कःया सेवा या। अले तिनि वय्‌कलं छिकपिन्‍त पलिश्‍तीतय्‌गु ल्‍हातं त्‍वःतकादी।”