यर्मिया 38:4 - नेवाः बाइबल

⁴ अले हाकिमतय्‌सं जुजुयात धाल, “थ्‍व मनूयात स्‍याये हे माः, छाय्‌धाःसा थ्‍वं थज्‍याःगु खँ ल्‍हानाः थ्‍व शहरय् ल्‍यनाच्‍वंपिं सिपाइँतय्‌त व मनूतय्‌त निराश याःगु दु। थ्‍वयात थुपिं मनूतय्‌त भिंकेगु मखु कि स्‍यंके मास्‍ति वः।”

यर्मिया 38:4 Iomraidhean Croise

१ राजा 21:20

एलियायात खनाः आहाबं धाल, “अय् जिम्‍ह शत्रु, छं जितः नाप हे लाकल!” एलियां लिसः बिल, “खः, जिं नापलाके धुन। परमप्रभुयात मयःगु मभिंगु ज्‍या यायेत छिं थःत मियादी धुंकूगु दु।

२ इतिहास 24:21

तर इमिसं जकरियाया विरोधय् ग्‍वसाः ग्‍वल, अले जुजुया आज्ञा कथं इमिसं परमप्रभुया देगःया चुकय् ल्‍वहँतं कय्‌काः वयात स्‍यात।

एज्रा 4:12

“छःपिनिगु राज्‍ययागु थीथी थासं वःपिं यहूदीत यरूशलेमय् च्‍वनाच्‍वंगु अले व दुष्‍ट व विद्रोही शहरयात हाकनं दय्‌काच्‍वंगु खँ महाराजं सीकादिसँ। अले इमिसं उकियागु जग ल्‍ह्वनाः पखाः दय्‌काच्‍वंगु दु धयागु खँ सीकादिसँ।

नहेम्‍याह 6:9

जिपिं कमजोर जुइमा अले जिमिगु ज्‍या गुबलें सिमधय्‌मा धइगु बिचाः यानाः इमिसं ज्‍या दिकेत जिमित ख्‍यायेत स्‍वइगु। जिं प्रार्थना याना, “हे परमेश्‍वर, जिमिगु ल्‍हाः बल्‍लाकादिसँ।”

प्रस्‍थान 5:4

फारोनं मोशा व हारूनयात धाल, “अय् मोशा व हारून, छिमिसं छाय् मनूतय्‌त ज्‍या याकेत पनाच्‍वनागु? छिपिं थथःगु ज्‍याय् लिहां हुँ।”

यर्मिया 11:21

उकिं परमप्रभुं जितः छन्‍त स्‍यायेत स्‍वःपिं अनातोतया मनूतय्‌गु बारे धयादी, इमिसं थथे धाल, “छं परमप्रभुया नां कयाः अगमवाणी ल्‍हाये मते, मखुसा छ जिमिगु ल्‍हातं सी।”

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

यर्मिया 26:11

अले पुजाहारीत व अगमवक्तातय्‌सं हाकिमत व फुक्‍क मनूतय्‌त थथे धाल, “थ्‍व मनूयात स्‍याये हे माः। छाय्‌धाःसा थ्‍व मनुखं थ्‍व शहरया विरोधय् अगमवाणी ल्‍हाःगु दु। थ्‍व छिमिसं थःगु हे न्‍हाय्‌पनं न्‍यने धुंकल।”

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

यर्मिया 38:16

तर जुजु सिदकियाहं मेपिन्‍सं मसीक यर्मियालिसें थथे धकाः पाफल, “झीत सासः बियादीम्‍ह परमप्रभु गथे धात्‍थें म्‍वाःम्‍ह खः, जिं छन्‍त स्‍याये मखु, न त छन्‍त स्‍यायेत स्‍वःपिं मनूतय्‌गु ल्‍हातय् छन्‍त बिइगु जुइ।”

यर्मिया 38:25

जिं छलिसें खँल्‍हाबल्‍हा याःगु इमिसं न्‍यनाः छन्‍थाय् वयाः ‘छं जुजुयात छु धया अले जुजुं छन्‍त छु धाल व जिमित धा! जिमित छुं खँ सुचुके मते, मखुसा जिमिसं छन्‍त स्‍यानाबी,’ धकाः धाल धाःसा,

यर्मिया 43:3

तर बेबिलोनीतय्‌सं जिमित स्‍यायेमा वा ज्‍वनाः बेबिलोनय् यंकेमा धयागु मतिइ तयाः नेरियाहया काय् बारूकं छन्‍त जिमिगु विरोधय् ग्‍वाकूगु खः।”

इजकिएल 22:27

उकिया दुने दुपिं हाकिमत थः शिकारतय्‌त कुचा कुचा याइपिं गुँखिचात थें च्‍वं। इमिसं बेइमान यानाः फाइदा कायेत हि बाः वय्‌काः मनूत स्‍याइगु।

आमोस 7:10

अले बेथेलया पुजाहारी अमस्‍याहं इस्राएलया जुजु यारोबामयाथाय् थथे धाय्‌के छ्वल, “इस्राएलया मनूतय्‌गु दथुइ आमोसं छिगु विरोधय् जाः ग्‍वयाच्‍वंगु दु। थ्‍व देशं वयागु दक्‍व खँ सह याये फइ मखु,

लूका 23:2

अले इमिसं वय्‌कःयात थथे धकाः पाः यात – “थ्‍व मनुखं जिमिगु जातियापिं मनूतय्‌त मखुगु खँ स्‍यना जूगु, कैसरयात कर पुले मते धकाः धयाजूगु व थःत ख्रीष्‍ट जुजु खः धकाः धयाजूगु जिमिसं न्‍यनागु खः।”

प्रेरित 16:20

अन हये धुंकाः इमिसं धाल – “थुपिं यहूदीत खः। थुमिसं झीगु शहरय् खलबल यानाच्‍वन।

प्रेरित 17:6

इमित लुइके मफुगुलिं यासोन व सुं मेपिं दाजुकिजापिन्‍त हे शहरयापिं हाकिमतय्‌थाय् साला यंकाः थथे धाल – “संसारयात फाता पुइकेत स्‍वइपिं मनूत थुखे नं वये धुंकल।

प्रेरित 24:5

थ्‍व मनू तसकं ग्‍यानापुम्‍ह, संसारय् च्‍वंपिं फुक्‍क यहूदीतय्‌त ल्‍वाका जूम्‍ह खः। अले थ्‍व नासरी पुचःयाम्‍ह नायः नं खः।

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”