यर्मिया 24:2 - नेवाः बाइबल

² छगः दालाय् न्‍हापा पाकय् जूगु यःमरि थें ज्‍याःगु तसकं भिंगु यःमरि दु। तर मेगु दालाय् बांमलाःगु यःमरि दु, व ध्‍वग्‍गिगुलिं नये तक नं मज्‍यू।

यर्मिया 24:2 Iomraidhean Croise

यशैया 5:4

जिं थःगु दाखक्‍यबया निंतिं मयानागु छु दु धकाः? जिं ला भिंगु दाखया आशा यानागु खः। छाय् वं मभिंगु फल जक सयेकल?

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

यर्मिया 29:17

खः, दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमिथाय् तरवार, अनिकाल व महामारी छ्वये, अले जिं इमित नये तकं मज्‍यूगु ध्‍वग्‍गीगु यःमरि थें यानाबी।

होशे 9:10

“अय् इस्राएल, छन्‍त दकलय् न्‍हापालाक नापलाःबलय् जितः मरुभूमिइ बुयावःगु दाख लूगु थें जुल। जिं छिमि पुर्खात दकलय् न्‍हापालाक खंबलय् जितः दाखमाय् न्‍हापां सःगु यःमरि फल खंगु थें जुल। तर इपिं बाल-पोरय् थ्‍यंबलय् इमिसं थःत घच्‍चाइपुस्‍से च्‍वंगु मूर्तितय्‌त अर्पण यात, इमिसं पुजा याःपिं मूर्ति थें इपिं मछालेपुस्‍से च्‍वंपिं जुल।

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

नहूम 3:12

छंगु दक्‍व किल्‍लात न्‍हापा सःगु फल यःमरिया सिमात थें च्‍वं। व संकीबलय् यःमरिया फल नइपिनिगु म्‍हुतिइ हे कुतुंवइ।

गन्‍ती 18:13

इमिसं परमप्रभुयात छायेहःगु सःगु फुक्‍ककथंयागु न्‍हापांगु फल छंगु हे जुइमाः। छंगु छेँजःयापिं शुद्ध जूपिं फुक्‍कसिनं व नयेफु।

मत्ती 5:13

“छिपिं पृथ्‍वीया चि खः। चिया सवाः हे तन धाःसा थ्‍व चियात गथे यानाः हानं चि सवाः वय्‌केगु? थथे सवाः तने धुंकूगु चि छुकियात नं ज्‍यालगय् मजू, उकिं थज्‍याःगु चियात मनूतय्‌सं वांछ्वइ, अले न्‍हुया जुइ।